ಮಂಗಳೂರು ಸೆಂಟ್ರಲ್, ಜಂಕ್ಷನ್‌ನಲ್ಲಿ ರೈಲು ಸಮಯ ಬದಲಾವಣೆ

ಮಂಗಳೂರು, ಸೆ.29: ಮಂಗಳೂರು ಸೆಂಟ್ರಲ್ ಹಾಗೂ ಮಂಗಳೂರು ಜಂಕ್ಷನ್ ರೈಲು ನಿಲ್ದಾಣಗಳಲ್ಲಿ ವಿವಿಧ ರೈಲುಗಳ ಆಗಮನ ಹಾಗೂ ನಿರ್ಗಮನದಲ್ಲಿನ ಸಮಯವನ್ನು ಪರಿಷ್ಕರಣೆ ಮಾಡಲಾಗಿದೆ. ಈ ಆದೇಶ ಬಹುತೇಕ ಅ.1ರಿಂದಲೇ ಅನ್ವಯವಾಗಲಿದೆ.

ಮಂಗಳೂರು ಜಂಕ್ಷನ್: ಯಶವಂತಪುರ- ಮಂಗಳೂರು ಜಂಕ್ಷನ್ ವೀಕ್ಲಿ ಸ್ಪೇಷಲ್ ರೈಲು (06539) ಪ್ರತಿ ಶನಿವಾರ ಓಡಾಟ ನಡೆಸಲಿದೆ. ಮಂಗಳೂರು ಜಂಕ್ಷನ್‌ಗೆ ಸಂಜೆ 5 ಗಂಟೆಗೆ ಆಗಮಿಸುತ್ತಿದ್ದ ರೈಲು ಸಂಜೆ 4:40ಕ್ಕೆ ಪರಿಷ್ಕರಣೆ ಮಾಡಲಾಗಿದೆ. ರೈಲು ನಿಗದಿತ ಸಮಯಕ್ಕಿಂತ 20 ನಿಮಿಷ ಮೊದಲೇ ಜಂಕ್ಷನ್‌ನ್ನು ತಲುಪಲಿದೆ. ಇದು ಅ.2ರಿಂದ ಅನ್ವಯವಾಗಲಿದೆ.

ಯಶವಂತಪುರ- ಮಂಗಳೂರು ಜಂಕ್ಷನ್ ಟ್ರೈ-ವೀಕ್ಲಿ ಸ್ಪೇಷಲ್ ರೈಲು (06575) ಸೋಮವಾರ, ಬುಧವಾರ, ಶುಕ್ರವಾರ ಸಂಚರಿಸಲಿದೆ. ರೈಲು ಆಗಮನದ ವೇಳೆಯನ್ನು ಸಂಜೆ 5 ಗಂಟೆಯ ಬದಲಾಗಿ 4:40ಕ್ಕೆ ಸಮಯ ಪರಿಷ್ಕೃತಗೊಳಿಸಲಾಗಿದೆ. ಇದು ಅ.3ರಿಂದ ಅನ್ವಯವಾಗಲಿದೆ.

ಯಶವಂತಪುರ- ಕಾರವಾರ ಟ್ರೈ-ವೀಕ್ಲಿ ಸ್ಪೇಷಲ್ ರೈಲು (06211) ಸೋಮವಾರ, ಬುಧವಾರ, ಶುಕ್ರವಾರ ಸಂಚಾರ ನಡೆಸಲಿದೆ. ನಿಲ್ದಾಣಕ್ಕೆ ಸಂಜೆ 5 ಗಂಟೆಗೆ ಆಗಮಿಸುತ್ತಿದ್ದ ಈ ರೈಲು ಸಮಯ ಪರಿಷ್ಕರಣೆಗೊಂಡು ಸಂಜೆ 4:40ಕ್ಕೆ ಆಗಮಿಸಲಿದೆ. ಸಂಜೆ 5:20ಕ್ಕೆ ನಿರ್ಗಮಿಸಲಿದ್ದ ಈ ರೈಲು ಸಂಜೆ 5 ಗಂಟೆಗೆ ಇಲ್ಲಿಂದ ಪ್ರಯಾಣ ಬೆಳೆಸಲಿದೆ. ನಿಗದಿತ ಸಮಯಕ್ಕಿಂತ 20 ನಿಮಿಷ ಮೊದಲೇ ಈ ರೈಲು ನಿರ್ಗಮಿಸಲಿದೆ. ಇದು ಅ.1ರಿಂದ ಅನ್ವಯವಾಗಲಿದೆ.

ಬೆಂಗಳೂರು-ಕಣ್ಣೂರು ಸ್ಪೇಷಲ್ ರೈಲು (06515) ಮಂಗಳೂರು ಜಂಕ್ಷನ್ ಮೂಲಕ ಪ್ರತಿದಿನ ಓಡಾಟ ನಡೆಸಲಿದೆ. ಜಂಕ್ಷನ್‌ಗೆ ಬೆಳಗ್ಗೆ 7:18ಕ್ಕೆ ಆಗಮಿಸಲಿದ್ದ ರೈಲು, 7:28ಕ್ಕೆ ಸಮಯ ಬದಲಾಯಿಸಲಾಗಿದೆ. ಇಲ್ಲಿಂದ ಬೆಳಗ್ಗೆ 7:20ಕ್ಕೆ ನಿರ್ಗಮಿಸುತ್ತಿದ್ದ ರೈಲು 7:30ಕ್ಕೆ ಪ್ರಯಾಣ ಆರಂಭಿಸಲಿದೆ. ಇದು ಅ.1ರಿಂದ ಅನ್ವಯವಾಗಲಿದೆ.

ಕಣ್ಣೂರು-ಬೆಂಗಳೂರು ಸ್ಪೇಷಲ್ ರೈಲು (06516) ಪ್ರತಿದಿನವೂ ಸಂಚರಿಸಲಿದೆ. ರಾತ್ರಿ 8:15ಕ್ಕೆ ಬರುತ್ತಿದ್ದ ರೈಲು ರಾತ್ರಿ 8:25ಕ್ಕೆ ಆಗಮಿಸಲಿದೆ. ರಾತ್ರಿ 8:17ಕ್ಕೆ ತೆರಳಬೇಕಿದ್ದ ಈ ರೈಲು 8:27ಕ್ಕೆ ಪ್ರಯಾಣ ಶುರು ಮಾಡಲಿದೆ. ಇದು ಅ.1ರಿಂದ ಅನ್ವಯವಾಗಲಿದೆ.

ಮಂಗಳೂರು ಸೆಂಟ್ರಲ್: ಬೆಂಗಳೂರು- ಮಂಗಳೂರು ಸೆಂಟ್ರಲ್ ಟ್ರೈ-ವೀಕ್ಲಿ ಸ್ಪೇಷಲ್ ರೈಲು (06531) ಮಂಗಳವಾರ, ಗುರುವಾರ, ರವಿವಾರ ಸಂಚರಿಸಲಿದೆ. ಬೆಳಗ್ಗೆ 9:10ಕ್ಕೆ ಆಗಮಿಸಲಿದ್ದ ರೈಲು ಬೆಳಗ್ಗೆ 9:05ಕ್ಕೆ ಆಗಮಲಿಸಲಿದೆ. ಇದು ಅ.2ರಿಂದ ಅನ್ವಯವಾಗಲಿದೆ.

ತಿರುವನಂತಪುರಂ- ಮಂಗಳೂರು ಸೆಂಟ್ರಲ್ ಡೈಲಿ ರೈಲು (06347) ಪ್ರತಿದಿನವೂ ಓಡಾಟ ನಡೆಸಲಿದೆ. ಬೆಳಗ್ಗೆ 11:35ಕ್ಕೆ ಆಗಮಿಸುತ್ತಿದ್ದ ರೈಲು ಬೆಳಗ್ಗೆ 11:30ಕ್ಕೆ ಆಗಮಿಸಲಿದೆ. ಇದು ಕೂಡ ಅ.1ರಿಂದ ಅನ್ವಯವಾಗಲಿದೆ.

ಕೊಯಂಬತ್ತೂರ್- ಮಂಗಳೂರು ಸೆಂಟ್ರಲ್ ಸ್ಪೇಷಲ್ ರೈಲು (06323) ಪ್ರತಿದಿನ ಓಡಾಟ ನಡೆಸಲಿದೆ. ಸಂಜೆ 6:50ಕ್ಕೆ ಮಂಗಳೂರು ಸೆಂಟ್ರಲ್ ರೈಲು ನಿಲ್ದಾಣಕ್ಕೆ ಆಗಮಿಸುತ್ತಿದ್ದ ಟ್ರೈನ್ ಸಂಜೆ 6:40ಕ್ಕೆ ಆಗಮಿಸಲಿದೆ. ಇದು ಆ.1ರಿಂದ ಅನ್ವಯವಾಗಲಿದೆ.

ಕಣ್ಣೂರು- ಬೆಂಗಳೂರು ಸ್ಪೇಷಲ್ ರೈಲು (06516) ಪ್ರತಿದಿನ ಓಡಾಟ ನಡೆಸಲಿದೆ. ರಾತ್ರಿ 7:40ಕ್ಕೆ ನಿಲ್ದಾಣ ಪ್ರವೇಶಿಸುತ್ತಿದ್ದ ಈ ರೈಲು 7:50ಕ್ಕೆ ಆಗಮಿಸಲಿದೆ. ರಾತ್ರಿ 8 ಗಂಟೆಗೆ ತೆರಳಬೇಕಿದ್ದ ರೈಲು ರಾತ್ರಿ 8:10ಕ್ಕೆ ಪ್ರಯಾಣ ಬೆಳೆಸಲಿದೆ. ಇದು ಅ.1ರಿಂದ ಅನ್ವಯವಾಗಲಿದೆ. ಪ್ರಯಾಣಿಕರು ರೈಲ್ವೆ ಇಲಾಖೆಯೊಂದಿಗೆ ಸಹಕರಿಸಬೇಕು ಎಂದು ದಕ್ಷಿಣ ರೈಲ್ವೆಯ ಪಾಲಕ್ಕಾಡ್ ವಿಭಾಗದ ಸಾರ್ವಜನಿಕ ಸಂಪರ್ಕಾಧಿಕಾರಿ ಎಂ.ಕೆ. ಗೋಪಿನಾಥ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.