ಸಾಹಿತ್ಯ ವಿಭಾಗದ ನೋಬೆಲ್ ಪ್ರಶಸ್ತಿಗೆ ಪಾತ್ರರಾದ ತಾಂಝಾನಿಯಾದ ಅಬ್ದುಲ್ ರಝಾಕ್ ಗುರ್ನಾ
Photo: Wikepedia
ಸ್ಟಾಕ್ ಹೋಂ: ವಿಶ್ವದ ಅತ್ಯುನ್ನತ ನೋಬೆಲ್ ಪ್ರಶಸ್ತಿಯ 2021ನೇ ಸಾಲಿನ ಸಾಹಿತ್ಯ ನೋಬೆಲ್ ಪ್ರಶಸ್ತಿಯನ್ನು ತಾಂಝಾನಿಯಾದ ಅಬ್ದುಲ್ ರಝಾಕ್ ಗುರ್ನಾ ತಮ್ಮದಾಗಿಸಿಕೊಂಡಿದ್ದಾರೆ ಎಂದು ನೋಬೆಲ್ ಪ್ರಶಸ್ತಿಯ ಅಧಿಕೃತ ಸಾಮಾಜಿಕ ತಾಣದಲ್ಲಿ ಘೋಷಣೆ ಮಾಡಿದೆ.
"ಅವರ ವಸಾಹತುಶಾಹಿ ಪರಿಣಾಮಗಳ ಕುರಿತ ಮತ್ತು ಸಂಸ್ಕೃತಿ, ಖಂಡಗಳ ನಡುವಿನ ಪ್ರದೇಶಗಳಲ್ಲಿನ ನಿರಾಶ್ರಿತರ ಭವಿಷ್ಯದ ಕುರಿತ ಸಹಾನುಭೂತಿಯ ಮತ್ತು ರಾಜಿಯಿಲ್ಲದ ನಿಲುವು" ಪರಿಗಣಿಸಿ ಈ ಪ್ರಶಸ್ತಿ ನೀಡಲಾಗಿದೆ ಎಂದು ನೋಬೆಲ್ ಸಮಿತಿಯು ತಿಳಿಸಿದೆ.
ಅಬ್ದುಲ್ ರಝಾಕ್ ಗುರ್ನಾಹ್ 1948ರಲ್ಲಿ ಹಿಂದೂ ಮಹಾಸಾಗರದ ಝಂಜಿಬಾರ್ ದ್ವೀಪದಲ್ಲಿ ಜನಿಸಿದರು ಮತ್ತು ಅಲ್ಲೇ ಬೆಳೆದರು. ಬಳಿಕ 1960ರ ಕೊನೆಯಲ್ಲಿ ನಿರಾಶ್ರಿತಾಗಿ ಇಂಗ್ಲೆಂಡ್ ಗೆ ಬಂದರು. ಅವರು ಇತ್ತೀಚಿನವರೆಗೂ ಕ್ಯಾಂಟರ್ಬರಿಯ ಕೆಂಟ್ ವಿಶ್ವವಿದ್ಯಾಲಯದಲ್ಲಿ ಇಂಗ್ಲಿಷ್ ಮತ್ತು ವಸಾಹತುಶಾಹಿ ಸಾಹಿತ್ಯದ ಪ್ರಾಧ್ಯಾಪಕರಾಗಿದ್ದರು ಮತ್ತು ಹತ್ತು ಕಾದಂಬರಿಗಳು ಸೇರಿದಂತೆ ಹಲವಾರು ಸಣ್ಣ ಕಥೆಗಳನ್ನು ಪ್ರಕಟಿಸಿದ್ದಾರೆ.
BREAKING NEWS:
— The Nobel Prize (@NobelPrize) October 7, 2021
The 2021 #NobelPrize in Literature is awarded to the novelist Abdulrazak Gurnah “for his uncompromising and compassionate penetration of the effects of colonialism and the fate of the refugee in the gulf between cultures and continents.” pic.twitter.com/zw2LBQSJ4j
