ಎಂ.ಆರ್.ಪಿ.ಎಲ್ (ಎಸ್.ಪಿ.ಎಂ) ಮೂಲಕ 500ನೆ ಸರಕು ಸಾಗಾಟದ ಹಡಗು ನಿರ್ವಹಣೆ

ಮಂಗಳೂರು : ನವಮಂಗಳೂರು ಬಂದರಿನಲ್ಲಿ ಎಂಆರ್ ಪಿಎಲ್( ಎಸ್ ಪಿಎಂ) ಮೂಲಕ 500ನೆ ಕಚ್ಚಾ ತೈಲದ ಹಡಗು ಗಳನ್ನು  ಯಶಸ್ವಿಯಾಗಿ  ನಿರ್ವಹಣೆ ಮಾಡುವ ಮೂಲಕ ಒಂದು ಮೈಲಿಗಲ್ಲನ್ನು ಸೃಷ್ಟಿಸಿದೆ.

ಇದರಿಂದ ರಾಜ್ಯ ಮತ್ತು ಕೇಂದ್ರದ ಬೊಕ್ಕಸಕ್ಕೆ ಆದಾಯವನ್ನು ಗಳಿಸುವ ಮೂಲಕ ವಿದೇಶಿ ವಿನಿಮಯದಲ್ಲಿ ಗಮನಾರ್ಹ ಉಳಿತಾ ಯವನ್ನು ಮಾಡಿದಂತಾಗಿದೆ. ಸೋಮವಾರ 1.35 ಮಿಲಿಯನ್ ಮೆಟ್ರಿಕ್ ಟನ್  ಸಾಮರ್ಥ್ಯ ದೊಂದಿಗೆ ಸೌದಿ ಅರೇಬಿಯಾದಿಂದ ಆಗಮಿಸಿದ ಹಡಗಿನಿಂದ ಯುರೋಗ್ಲೋರಿ ಅನ್ನು ಇಳಿಸಲಾಗುತ್ತಿದೆ. ಎಂಆರ್ ಪಿ ಎಲ್  ಎಸ್ ಪಿಎಮ್ ನ್ನು   ಆಗಸ್ಟ್ 2013 ರಲ್ಲಿ ಉದ್ಘಾಟಿಸಲಾಯಿತು, ಅಂದಿನಿಂದ ಎಂಆರ್ ಪಿಎಲ್ ತಂಡವು 3 ವಿಭಿನ್ನ ವಿಭಾಗಗಳಲ್ಲಿ 500 ಹಡಗುಗಳ ಮೂಲಕ 75.5 ಮಿಲಿಯನ್ ಮೆಟ್ರಿಕ್ ಟನ್‌ಗಳನ್ನು ಯಶಸ್ವಿಯಾಗಿ ಇಳಿಸಿ ನಿರ್ವಹಣೆ ಮಾಡಿದೆ.

ಅವುಗಳೆಂದರೆ, ಅಫ್ರಾ ಮ್ಯಾಕ್ಸ್ (1 ಲಕ್ಷ ಮೆಟ್ರಿಕ್ ಟನ್‌ಗಿಂತ ಕಡಿಮೆ), ಸೂಯೆಜ್ ಮ್ಯಾಕ್ಸ್ (1.5 ಲಕ್ಷ MT) ಮತ್ತು VLCC - ಅತಿ ದೊಡ್ಡ ಕಚ್ಚಾ ವಾಹಕಗಳು (2.8 ಲಕ್ಷದವರೆಗೆ). ಎಂಆರ್ ಪಿಎಲ್ ಎಸ್ ಪಿಎಮ್  ನಲ್ಲಿ ಇರಾನ್, ಇರಾಕ್, ಸೌದಿ ಅರೇಬಿಯಾ, ಯುಎಇ ,ಕುವೈತ್ ಮತ್ತು ಯುಎಸ್ ಎ ನಂತಹ ದೇಶಗಳಿಂದ ಹಡಗುಗಳನ್ನು ಇಳಿಸಿದೆ. ಎಂಆರ್ ಪಿಎಲ್  ತಂಡವು  ವಿವಿಧ ಸವಾಲುಗಳನ್ನು ಧೈರ್ಯ ದಿಂದ ಎದುರಿಸಿದೆ.

2012 ರವರೆಗೆ, ಎಂಆರ್ ಪಿಎಲ್  ಸಣ್ಣ ಹಡಗುಗಳ ಮೂಲಕ ಮಾತ್ರ ಕಚ್ಚಾ ತೈಲವನ್ನು ಇಳಿಸುತ್ತಿತ್ತು, ಇವುಗಳನ್ನು ಎನ್ ಎಂಪಿಟಿಯ ಜೆಟ್ಟಿ 11 ಮತ್ತು 12 ರಲ್ಲಿ ಇಳಿಸಲಾಯಿತು. 245 ಮೀಟರ್‌ಗಿಂತ ಕಡಿಮೆ ಉದ್ದ ಮತ್ತು 14 ಮೀಟರ್ ಡ್ರಾಫ್ಟ್ (ಸಮುದ್ರದೊಳಗಿನ ಹಡಗಿನ ಭಾಗ) ಹೊಂದಿರುವ ಸಣ್ಣ ಹಡಗುಗಳನ್ನು ಜೆಟ್ಟಿಯಲ್ಲಿ ಮಾತ್ರ ಇಳಿಸಬಹುದು. ಈಗ ಪ್ರತ್ಯೇಕ ಎಸ್ ಪಿಎಂ ಮೂಲಕ  330 ಮೀಟರ್ ಉದ್ದ ಮತ್ತು 22 ಮೀಟರ್ ಡ್ರಾಫ್ಟ್ ಹೊಂದಿರುವ ಹಡಗುಗಳಿಗೆ ಒಳ ಬರಲು ಸಾಧ್ಯವಾಗುತ್ತದೆ.  ಎಂ ಆರ್ ಪಿಎಲ್  ವ್ಯವಸ್ಥಾಪಕ ನಿರ್ದೇಶಕರಾದ ಎಂ.ವೆಂಕಟೇ ಶ್ ಈ ಸಾಧನೆಗಾಗಿ  ತಂಡವನ್ನು  ಅಭಿನಂದಿಸಿ ದರು ಮತ್ತು ಕಾರ್ಯಾ ಚರಣೆಗಳು ಮತ್ತು ನಿರ್ವಹಣೆ ಮತ್ತು ಸೇವಾ ಪೂರೈಕೆದಾರರಾದ M/s ಅಂಡರ್‌ವಾಟರ್ ಸರ್ವಿಸ್ ಕಂ ತಂಡಗಳಿಗೆ ಧನ್ಯವಾದ ಅರ್ಪಿಸಿದರು.

ಲಿಮಿಟೆಡ್ ಹಣಕಾಸು ನಿರ್ದೇಶಕರಾದ ಪೊಮಿಲಾ ಜಸ್ಪಾಲ್ ಮತ್ತು ರಿಫೈನರಿ ನಿರ್ದೇಶಕರಾದ ಸಂಜಯ್ ವರ್ಮಾ ಅವರು ಈ ಸಾಧನೆಯನ್ನು ಮಾಡಲು ನೇರವಾಗಿ ತೊಡಗಿಸಿಕೊಂಡ ತಂಡಗಳನ್ನು ಅಭಿನಂದಿಸಿದರು ಎಂದು ಪ್ರಕಟಣೆ ತಿಳಿಸಿದ್ದಾರೆ.