ದಿಲ್ಲಿಯಲ್ಲಿ ಒಮೈಕ್ರಾನ್ ಪ್ರಕರಣ ಪತ್ತೆ

ಹೊಸದಿಲ್ಲಿ:ಭಾರತದ 5 ನೇ ಒಮೈಕ್ರಾನ್ ಪ್ರಕರಣವು ದಿಲ್ಲಿಯಲ್ಲಿ ಪತ್ತೆಯಾಗಿದ್ದು, ತಾಂಜಾನಿಯಾದಿಂದ ದಿಲ್ಲಿಗೆ ಆಗಮಿಸಿ ಲೋಕನಾಯಕ ಜೈ ಪ್ರಕಾಶ್ ಆಸ್ಪತ್ರೆಗೆ (ಎಲ್‌ಎನ್‌ಜೆಪಿ) ದಾಖಲಾಗಿದ್ದ ವ್ಯಕ್ತಿಯೊಬ್ಬರಲ್ಲಿ ರವಿವಾರ ಹೊಸ ಕೋವಿಡ್ ರೂಪಾಂತರವಾದ ಒಮೈಕ್ರಾನ್ ಕಂಡುಬಂದಿದೆ ಎಂದು NDTV ವರದಿ ಮಾಡಿದೆ.

ಕರ್ನಾಟಕದ ಬೆಂಗಳೂರಿನಲ್ಲಿ 2 ಒಮೈಕ್ರಾನ್ ಪ್ರಕರಣ, ಮಹಾರಾಷ್ಟ್ರ ಹಾಗೂ ಗುಜರಾತ್ ನಲ್ಲಿ ತಲಾ ಒಂದು ಪ್ರಕರಣ ಈಗಾಗಲೇ ಪತ್ತೆಯಾಗಿದೆ.

ನವೆಂಬರ್ 25 ರಂದು ದಕ್ಷಿಣ ಆಫ್ರಿಕಾದಲ್ಲಿ ಮೊದಲು ಪತ್ತೆಯಾದ ಹೊಸ ರೂಪಾಂತರ ವನ್ನು ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್ ಒ) 'ಕಳವಳದ ರೂಪಾಂತರ' ಎಂದು ವಿವರಿಸಿದೆ.