ಮಂಗಳೂರು: ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ನಿಂದ ಬ್ರೈಡಲ್ ಜ್ಯುವೆಲ್ಲರಿ ಶೋ ಆರಂಭ
ಮಂಗಳೂರು, ಡಿ.15: ಜಗತ್ತಿನ ಬೃಹತ್ ಆಭರಣ ಸಮೂಹಗಳಲ್ಲಿ ಒಂದಾಗಿರುವ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಮಂಗಳೂರಿನಲ್ಲಿರುವ ತನ್ನ ಶೋರೂಂನಲ್ಲಿ ಚಿನ್ನಾಭರಣಗಳ ಪ್ರದರ್ಶನ ‘ಬ್ರೈಡಲ್ ಜ್ಯುವೆಲ್ಲರಿ ಶೋ’ ಗೆ ಬುಧವಾರ ಚಾಲನೆ ನೀಡಿದೆ.
‘ಬ್ರೈಡಲ್ ಜ್ಯುವೆಲ್ಲರಿ ಶೋ’ 2021ರ ಡಿಸೆಂಬರ್ 19ರವರೆಗೆ ನಡೆಯಲಿದ್ದು, ಸಮಕಾಲೀನ ಹಾಗೂ ಸಾಂಪ್ರದಾಯಿಕ ವಧು-ವರರ ಆಭರಣಗಳ ಆಕರ್ಷಕ ಹಾಗೂ ಅಪರೂಪದ ಸಂಗ್ರಹಗಳು ಪ್ರದರ್ಶನಗೊಳ್ಳಲಿವೆ.
ವಧುಗಳ ಚಿನ್ನಾಭರಣಗಳ ಪ್ರದರ್ಶನದ ಕುರಿತಾದ ಮಲಬಾರ್ ಗೋಲ್ಡ್ನ ಮಹತ್ವದ ‘ಬ್ರೈಡ್ಸ್ ಆಫ್ ಇಂಡಿಯಾ’ ಅಭಿಯಾನದ ಭಾಗವಾಗಿ 'ದಿ ಬ್ರೈಡಲ್ ಜ್ಯುವೆಲ್ಲರಿ ಶೋ' ನಡೆಯಲಿದೆ. ಅದ್ಭುತವಾದ ಕಲಾಕುಸುರಿಯಿಂದ ಕೂಡಿದ ಈ ಆಭರಣಗಳು ಯೋಗ್ಯ ಬೆಲೆಯಲ್ಲಿ ಲಭ್ಯವಾಗಲಿವೆ. ಈ ಅವಧಿಯಲ್ಲಿ ಗ್ರಾಹಕರು ತಾವು ಖರೀದಿಸುವ ವಜ್ರದ ಮೌಲ್ಯದ ಮೇಲೆ ಶೇ.25ರವರೆಗೂ ಡಿಸ್ಕೌಂಟ್ಗಳನ್ನು ಪಡೆಯಲಿದ್ದಾರೆ.
ಜೈಪುರ, ಅಹ್ಮದಾಬಾದ್, ರಾಜಕೋಟ್ ಹಾಗೂ ಹೈದರಾಬಾದ್ನ ಪರಿಣಿತ ಕುಶಲಕರ್ಮಿಗಳಿಂದ ಕೆತ್ತಲಾದ ಅಮೂಲ್ಯವಾದ ಹರಳುಗಳು, ಅನ್ ಕಟ್ ಡೈಮಂಡ್ ಹಾಗೂ ಪೋಲ್ಕಿಯ ವೈವಿಧ್ಮಮಯ, ಆಭರಣಗಳು ಬ್ರೈಡಲ್ ಜ್ಯುವೆಲ್ಲರಿ ಶೋದಲ್ಲಿ ಪ್ರದರ್ಶನಗೊಳ್ಳಲಿವೆ. ಜೊತೆಗೆ ಖ್ಯಾತ ಡೈಮಂಡ್ ಆಭರಣಗಳ ಬ್ರಾಂಡ್ ಮೈನ್ನ ಲೈಟ್ವೈಟ್, ಫ್ಯಾಶನೇಬಲ್, ಫ್ಯೂಶನ್ ಹಾಗೂ ಸಾಂಪ್ರದಾಯಿಕ ವಿನ್ಯಾಸಗಳು, ಆಕರ್ಷಕವಾದ ಅನ್ಕಟ್ ಡೈಮಂಡ್ಗಳ ವಿನ್ಯಾಸಗಳು ಹಾಗೂ ಡಿವೈನ್ ಬ್ರಾಂಡ್ನ ಭಾರತೀಯ ಪರಂಪರೆಯ ಜ್ಯುವೆಲ್ಲರಿ ಹಾಗೂ ಬ್ರಾಂಡ್ ಎತ್ನಿಕ್ಸ್ನಿಂದ ಅದ್ಭುತವಾದ ಕರಕುಶಲ ವಿನ್ಯಾಸಗಳು ಪ್ರದರ್ಶಿತವಾಗಲಿವೆ.
ಮದುವೆ ಆಭರಣಗಳನ್ನು ಖರೀದಿಸುವ ಗ್ರಾಹಕರಿಗೆ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ವಿಶೇಷ ಸೌಲಭ್ಯಗಳನ್ನು ಕೂಡಾ ಘೋಷಿಸಿದೆ.
ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಇತ್ತೀಚೆಗೆ ಆರಂಭಿಸಿರುವ ‘ಓನ್ ಇಂಡಿಯಾ ಓನ್ ಗೋಲ್ಡ್ ರೇಟ್’ ಸ್ಕೀಮ್ನಡಿ ಗ್ರಾಹಕರು ದೇಶದ ಯಾವುದೇ ಜಾಗದಲ್ಲಿ ಚಿನ್ನಾಭರಣಗಳಿಗೆ ಏಕ ದರದ ಕೊಡುಗೆಯನ್ನು ನೀಡಿದೆ.
ಮಲಬಾರ್ ಗ್ರೂಪ್ನ ಪ್ರಧಾನ ಕಂಪೆನಿಯಾದ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ 1933ರಲ್ಲಿ ಕೇರಳದಲ್ಲಿ ಸ್ಥಾಪನೆಯಾಗಿತ್ತು. ಇಂದು ಅದು 10 ದೇಶಗಳಲ್ಲಿ ಒಟ್ಟು 270 ಮಳಿಗೆಗಳನ್ನು, 14 ಹೋಲ್ ಸೇಲ್ ಘಟಕಗಳನ್ನು ಹೊಂದಿವೆ. ಇದರ ಜೊತೆಗೆ ಭಾರತ, ಮಧ್ಯಪ್ರಾಚ್ಯ, ದೂರ ಪ್ರಾಚ್ಯದ ರಾಷ್ಟ್ರಗಳು ಹಾಗೂ ಅಮೆರಿಕದಲ್ಲಿ ಕಚೇರಿಗಳನ್ನು, ವಿನ್ಯಾಸ ಕೇಂದ್ರಗಳನ್ನು ಹಾಗೂ ಫ್ಯಾಕ್ಟರಿಗಳನ್ನು ಹೊಂದಿದೆ. 4.51 ಬಿಲಿಯ ಡಾಲರ್ಗಳ ವಾರ್ಷಿಕ ವಹಿವಾಟನ್ನು ಹೊಂದಿರುವ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಜಗತ್ತಿನ ಬೃಹತ್ ರಿಟೇಲ್ ಆಭರಣ ಮಾರಾಟಗಾರ ಸಂಸ್ಥೆಗಳಲ್ಲೊಂದಾಗಿದೆ.
