2022ನೇ ಸಾಲಿನ ಸಾರ್ವತ್ರಿಕ ರಜಾ ದಿನಗಳ ಪಟ್ಟಿ ಪ್ರಕಟಿಸಿದ ರಾಜ್ಯ ಸರಕಾರ

ಬೆಂಗಳೂರು, ಡಿ.30: ರಾಜ್ಯ ಸರಕಾರವು 2022ನೆ ಸಾಲಿಗೆ ಮಂಜೂರು ಮಾಡಿರುವ ಸಾರ್ವತ್ರಿಕ ರಜಾ ದಿನಗಳ ಪಟ್ಟಿಯನ್ನು ಸಾರ್ವಜನಿಕರ ಮಾಹಿತಿಗಾಗಿ ಪ್ರಕಟಿಸಿದೆ.

ಜ.15-ಮಕರ ಸಂಕ್ರಾಂತಿ ಹಬ್ಬ, ಜ.26-ಗಣರಾಜ್ಯೋತ್ಸವ, ಮಾ.1-ಮಹಾ ಶಿವರಾತ್ರಿ, ಎ.2-ಯುಗಾದಿ ಹಬ್ಬ, ಎ.14-ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ, ಮಹಾವೀರ ಜಯಂತಿ, ಎ.15-ಗುಡ್ ಫ್ರೈಡೆ, ಮೇ 3-ಬಸವೇಶ್ವರ ಜಯಂತಿ, ಅಕ್ಷಯ ತೃತೀಯ ಹಾಗೂ ರಮಝಾನ್ ಹಬ್ಬ.

ಆ.9-ಮೊಹರಂ ಕಡೆಯ ದಿನ, ಆ.15-ಸ್ವಾತಂತ್ರ್ಯ ದಿನಾಚರಣೆ, ಆ.31-ವರಸಿದ್ಧಿ ವಿನಾಯಕ ವ್ರತ, ಅ.4-ಮಹಾನವಮಿ, ಆಯುಧ ಪೂಜೆ, ಅ.5-ವಿಜಯದಶಮಿ, ಅ.24-ನರಕ ಚತುರ್ದಶಿ, ಅ.26-ಬಲಿಪಾಡ್ಯಮಿ, ದೀಪಾವಳಿ, ನ.1-ಕನ್ನಡ ರಾಜ್ಯೋತ್ಸವ, ನ.11-ಕನಕದಾಸ ಜಯಂತಿ.

ಈ ರಜಾ ಪಟ್ಟಿಯು ರವಿವಾರಗಳಂದು ಬರುವ ಕಾರ್ಮಿಕ ದಿನಾಚರಣೆ(ಮೇ 1), ಬಕ್ರೀದ್(ಜು.10), ಮಹಾಲಯ ಅಮಾವಾಸ್ಯೆ(ಸೆ.25), ಗಾಂಧಿ ಜಯಂತಿ(ಅ.2), ಮಹರ್ಷಿ ವಾಲ್ಮೀಕಿ ಜಯಂತಿ/ಈದ್ ಮಿಲಾದ್(ಅ.9) ಮತ್ತು ಕ್ರಿಸ್‍ಮಸ್(ಡಿ.25) ರಜಾ ದಿನಗಳನ್ನೊಳಗೊಂಡಿರುವುದಿಲ್ಲ ಎಂದು ಅಧಿಸೂಚನೆ ತಿಳಿಸಿದೆ.