ಮೊಹ್ತಿಶಾಮ್ ನ 'ಕೆನೋಪಿ' ಯೋಜನೆಗೆ ಎಸಿಸಿಇ ಮಂಗಳೂರು ಅಲ್ಟ್ರಾಟೆಕ್ ಅವಾರ್ಡ್
ಮಂಗಳೂರು: ನಗರದ ಖ್ಯಾತ ರಿಯಲ್ ಎಸ್ಟೇಟ್ ಸಂಸ್ಥೆ ಮೊಹ್ತಿಶಾಮ್ ಕಾಂಪ್ಲೆಕ್ಸಸ್ ಪ್ರತಿಷ್ಠಿತ ಎಸಿಸಿಇ ಮಂಗಳೂರು ಅಲ್ಟ್ರಾಟೆಕ್ ಅವಾರ್ಡ್-2021 ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.
ಉರ್ವ ಸ್ಟೋರ್ ನಲ್ಲಿರುವ ಮೊಹ್ತಿಶಾಮ್ ಕಾಂಪ್ಲೆಕ್ಸಸ್ ನ ʼಕೆನೋಪಿʼ ವಿಲಾಸಿ ವಸತಿ ಯೋಜನೆಗೆ ʼದಕ್ಷಿಣ ಕನ್ನಡ, ಉಡುಪಿ, ಶಿವಮೊಗ್ಗ ಮತ್ತು ಚಿಕ್ಕಮಗಳೂರು ಜಿಲ್ಲೆಗಳ ಶ್ರೇಷ್ಠ ಕಾಂಕ್ರೀಟ್ ರಚನೆ (ಬಹು ಅಂತಸ್ತು)ʼ ಪ್ರಶಸ್ತಿ ಲಭಿಸಿದೆ.
ಜನವರಿ 11 ರಂದು ಸಂಜೆ 5:30ಕ್ಕೆ ಮಂಗಳೂರಿನ ಸೈಂಟ್ ಮಿಲಾಗ್ರಿಸ್ ಚರ್ಚ್ ಹಾಲ್ ನಲ್ಲಿ ನಡೆಯಲಿರುವ ʼಅವಾರ್ಡ್ ನೈಟ್ʼ ಕಾರ್ಯಕ್ರಮದಲ್ಲಿ ಅಸೋಸಿಯೇಶನ್ ಆಫ್ ಕನ್ಸಲ್ಟಿಂಗ್ ಸಿವಿಲ್ ಇಂಜಿನಿಯರ್ಸ್ ಸಂಸ್ಥೆ ಪ್ರಶಸ್ತಿ ವಿತರಿಸಲಿದೆ.
1990ರಲ್ಲಿ ತನ್ನ ಕಾರ್ಯಾಚರಣೆ ಪ್ರಾರಂಭಿಸಿದ ಮೊಹ್ತಿಶಾಮ್ ಕಾಂಪ್ಲೆಕ್ಸಸ್ ಪ್ರೈವೇಟ್ ಲಿ. ನಗರದ ಅತ್ಯಂತ ಯಶಸ್ವೀ ಹಾಗು ಖ್ಯಾತನಾಮ ಬಿಲ್ಡರ್ ಆಗಿ ಗುರುತಿಸಿಕೊಂಡಿದೆ.
ವಸತಿ ಸಮುಚ್ಚಯಗಳು, ವಾಣಿಜ್ಯ ಸಂಕೀರ್ಣಗಳು ಮತ್ತು ಮಾಲ್ ಗಳನ್ನು ನಿರ್ಮಿಸುವಲ್ಲಿ 31 ವರ್ಷಗಳ ವಿಶಾಲ ಅನುಭವ ಹೊಂದಿರುವ ಸಂಸ್ಥೆಯು ಮಂಗಳೂರಿನ ಪ್ರಮುಖ ಪ್ರಾಪರ್ಟಿ ಡೆವೆಲಪರ್ ಆಗಿದೆ. ಅತ್ಯುತ್ತಮ ಗುಣಮಟ್ಟ ಹಾಗು ಆಕರ್ಷಕ ವಿನ್ಯಾಸಕ್ಕೆ ಹೆಸರುವಾಸಿಯಾಗಿರುವ ಮೊಹ್ತಿಶಾಮ್ 50ರಷ್ಟು ವಸತಿ, ವಾಣಿಜ್ಯ ಯೋಜನೆಗಳನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದ್ದು, ಈಗ ಸುಮಾರು 50 ಎಕರೆಯಷ್ಟು ವಿಶಾಲ ಪ್ರದೇಶದಲ್ಲಿ ಯೋಜನೆಗಳನ್ನು ಹಾಕಿಕೊಂಡಿದೆ.
ಪ್ರತಿ ಬಾರಿ ಅತ್ಯುತ್ತಮ ಗುಣಮಟ್ಟದ, ವಿಶ್ವ ದರ್ಜೆಯ ಸೌಲಭ್ಯಗಳಿರುವ, ಅತ್ಯಾಧುನಿಕ ಜೀವನ ಶೈಲಿಯ ಶ್ರೇಷ್ಠ, ವಿಲಾಸಿ ವಸತಿ ಯೋಜನೆಗಳನ್ನು ನೀಡುವ ಮೂಲಕ ಮಂಗಳೂರಿನ ಸೌಂದರ್ಯ ಹಾಗು ಸೌಲಭ್ಯ ಉನ್ನತ ಮಟ್ಟಕ್ಕೇರಿಸುವುದು ಮೊಹ್ತಿಶಾಮ್ ನ ಗುರಿ. ಈ ಪ್ರಶಸ್ತಿ ಅದನ್ನು ಗುರುತಿಸಿದ್ದು, ಸಂತಸ ತಂದಿದೆ " ಎಂದು ಮೊಹ್ತಿಶಾಮ್ ಕಾಂಪ್ಲೆಕ್ಸಸ್ ನ ಆಡಳಿತ ನಿರ್ದೇಶಕ ಎಸ್ ಎಂ ಅರ್ಷದ್ ಪ್ರತಿಕ್ರಿಯಿಸಿದ್ದಾರೆ.
