ರಶ್ಯಾಕ್ಕೆ ಯುರೋಪಿಯನ್ ಯೂನಿಯನ್ ಎಚ್ಚರಿಕೆ
photo:PTI
ಬ್ರಸೆಲ್ಸ್, ಜ.6: ಕಝಕಿಸ್ತಾನಕ್ಕೆ ರಶ್ಯಾ ನೇತೃತ್ವದ ಶಾಂತಿಪಾಲನಾ ಪಡೆ ರವಾನಿಸಿರುವುದನ್ನು ಖಂಡಿಸಿರುವ ಯುರೋಪಿಯನ್ ಯೂನಿಯನ್ , ರಶ್ಯಾವು ಕಝಕಿಸ್ತಾನದ ಸ್ವಾತಂತ್ರ್ಯ ಮತ್ತು ಸಾರ್ವಭೌಮತ್ವವನ್ನು ಗೌರವಿಸಬೇಕು ಎಂದು ಆಗ್ರಹಿಸಿದೆ.
ನೆರೆಹೊರೆಯ ದೇಶದ ವ್ಯವಹಾರದಲ್ಲಿ ರಶ್ಯಾದ ಹಸ್ತಕ್ಷೇಪ ಹೆಚ್ಚುತ್ತಿದೆ. ಇದೀಗ ಕಝಕಿಸ್ತಾನದ ಬಿಕ್ಕಟ್ಟಿನ ಲಾಭ ಪಡೆದು ಆ ದೇಶದ ಆಂತರಿಕ ವ್ಯವಹಾರದಲ್ಲೂ ಹಸ್ತಕ್ಷೇಪಕ್ಕೆ ರಶ್ಯಾ ಮುಂದಾಗಿದೆ ಎಂದು ಯುರೋಪಿಯನ್ ಯೂನಿಯನ್ ಖಂಡಿಸಿದೆ.
ಈ ಮಧ್ಯೆ, ಪ್ರತಿಭಟನಾಕಾರರು ಮತ್ತು ಪೊಲೀಸರ ನಡುವಿನ ಘರ್ಷಣೆಯಲ್ಲಿ ಮೃತಪಟ್ಟವರಲ್ಲಿ ಭದ್ರತಾ ಪಡೆಯ ಇಬ್ಬರು ಯೋಧರೂ ಸೇರಿದ್ದಾರೆ ಎಂದು ಸರಕಾರಿ ಸ್ವಾಮ್ಯದ ಟಿವಿ ವಾಹಿನಿ ವರದಿ ಮಾಡಿದೆ. ಪರಿಸ್ಥಿತಿಯನ್ನು ನಿಯಂತ್ರಿಸುವ ಹಿನ್ನೆಲೆಯಲ್ಲಿ ದೇಶಾದ್ಯಂತ ತುರ್ತುಪರಿಸ್ಥಿತಿ ಘೋಷಿಸಿರುವ ಅಧ್ಯಕ್ಷ ಕಾಸಿಮ್ ಟೊಕಯೆವ್, ಸರಕಾರವನ್ನು ವಜಾಗೊಳಿಸಿದ್ದಾರೆ.
Next Story