ರಶ್ಯಾ ದಾಳಿಯ ವೀಡಿಯೊ ಎಂದು ಹಳೆಯ ವೀಡಿಯೊವನ್ನು ಪ್ರಸಾರ ಮಾಡಿದ ಟೈಮ್ಸ್ ನೌ, ರಿಪಬ್ಲಿಕ್, ಝೀ ನ್ಯೂಸ್ ವಾಹಿನಿಗಳು !
Youtube Screengrab
ಉಕ್ರೇನ್ ವಿರುದ್ಧ ರಷ್ಯಾ ಆಕ್ರಮಣ ನಡೆಸುತ್ತಿರುವ ಮಧ್ಯೆಯೇ, ಹಲವು ಭಾರತೀಯ ಮಾಧ್ಯಮಗಳು ನಗರಗಳ ಮೇಲೆ ಅತ್ಯಂತ ಕಡಿಮೆ ಎತ್ತರದಲ್ಲಿ ಹಾರಾಡುವ ವಿಡಿಯೋಗಳನ್ನು ಹಂಚಿಕೊಂಡಿವೆ. ಆದರೆ ಕೆಲ ವಾಹಿನಿಗಳು ಹಳೆಯ ವೀಡಿಯೊವನ್ನು ಪ್ರಸಾರ ಮಾಡಿದೆ ಎಂದು altnews.in ತನ್ನ ಸತ್ಯಶೋಧನಾ ವರದಿಯಲ್ಲಿ ತಿಳಿಸಿದೆ.
ಈ ವಿಡಿಯೋವನ್ನು ಬಳಸಿ Times Now ವಾಹಿನಿಯ ಅಧಿಕೃತ ಖಾತೆಯಲ್ಲಿ ʼ“#RussiaUkraineCrisis: 5 ರಷ್ಯಾ ವಿಮಾನಗಳನ್ನು, 1 ಹೆಲಿಕಾಪ್ಟರನ್ನು ಹೊಡೆದುರುಳಿಸಿರುವುದಾಗಿ ಉಕ್ರೇನ್ ಹೇಳಿದೆ” ಎಂದು ಟ್ವೀಟ್ ಮಾಡಿದೆ.
"ಬ್ರೇಕಿಂಗ್ : ರಷ್ಯಾ ಉಕ್ರೇನ್ನ ಖಾರಿವ್ನಲ್ಲಿ ವೈಮಾನಿಕ ದಾಳಿಯನ್ನು ಪ್ರಾರಂಭಿಸಿದೆ" ಎಂಬ ಅಡಿಬರಹದೊಂದಿಗೆ ʼಜನ್ ಕಿ ಬಾತ್ʼ ಅದೇ ವೀಡಿಯೊವನ್ನು ಟ್ವೀಟ್ ಮಾಡಿದೆ. ಈ ಟ್ವೀಟ್ 2,000 ಕ್ಕೂ ಹೆಚ್ಚು ರಿಟ್ವೀಟ್ಗಳನ್ನು ಗಳಿಸಿದೆ.
ನ್ಯೂಸ್ 24(ಸದ್ಯ ವೀಡಿಯೊ ಡಿಲೀಟ್ ಮಾಡಲಾಗಿದೆ), ರಿಪಬ್ಲಿಕ್ ವರ್ಲ್ಡ್(ಸದ್ಯ ವೀಡಿಯೊ ಡಿಲೀಟ್ ಮಾಡಲಾಗಿದೆ), ಝೀ ನ್ಯೂಸ್ ಮತ್ತು ನ್ಯೂಸ್ ಎಕ್ಸ್ ಕೂಡ ಈ ವಿಡಿಯೋವನ್ನು ಉಕ್ರೇನ್ – ರಷ್ಯಾ ಬಿಕ್ಕಟ್ಟಿಗೆ ಸಂಬಂಧ ಕಲ್ಪಿಸಿ ಪ್ರಸಾರ ಮಾಡಿದೆ.
ಸದ್ಯ ಹರಿದಾಡುತ್ತಿರುವ ವಿಡಿಯೋ ಕುರಿತು Alt news ಪರಿಶೀಲನೆ ನಡೆಸಿದ್ದು, ಇದು ರಷ್ಯಾ-ಉಕ್ರೇನ್ ಬಿಕ್ಕಟ್ಟಿಗೆ ಸಂಬಂಧವೇ ಪಡದ ವಿಡಿಯೋ ಎನ್ನುವುದನ್ನು ಕಂಡುಹಿಡಿದಿದೆ. ಅಸಲಿಗೆ ಈ ವಿಡಿಯೋವನ್ನು 2020 ರ ಮೇ 4 ರಂದು ಯುಟ್ಯೂಬ್ನಲ್ಲಿ ಅಪ್ಲೋಡ್ ಮಾಡಲಾಗಿದ್ದು, ಅದರಲ್ಲಿರುವ ಮಾಹಿತಿ ಪ್ರಕಾರ ಅದು ರಷ್ಯಾ ಸೇನೆಯು ಮಾಡಿದ ತಾಲೀಮಿನ ಹಳೆ ವಿಡಿಯೋವಾಗಿದೆ ಎಂದು ತಿಳಿದು ಬಂದಿದೆ.
ಆಲ್ಟ್ ನ್ಯೂಸ್ ಪ್ರಕಟಿಸಿರುವ ವರದಿ ಪ್ರಕಾರ, 1945 ರಲ್ಲಿ ನಾಝಿಯನ್ನು ಮಣಿಸಿದ ನೆನಪಿಗಾಗಿ ಪ್ರತಿವರ್ಷದ ಮೇ 9 ರಂದು ವಿಜಯ ದಿವಸವನ್ನಾಗಿ ರಷ್ಯಾದಲ್ಲಿ ಆಚರಿಸಲಾಗುತ್ತಿದ್ದು, ಅದರ ಭಾಗವಾಗಿ ರಷ್ಯಾ ವಾಯುಸೇನೆ ನಡೆಸುವ ತಾಲೀಮಿನ ಭಾಗವಾಗಿದೆ ಇದು. ಈ ವಿಡಿಯೋಗೂ ಸದ್ಯ ನಡೆಯುತ್ತಿರುವ ಬಿಕ್ಕಟ್ಟಿಗೂ ಯಾವುದೇ ಸಂಬಂಧವಿಲ್ಲ ಎಂದು ವರದಿ ಹೇಳಿದೆ.
Altnews.in
#RussiaUkraineCrisis: Ukraine says 5 Russian planes, 1 helicopter shot down in Luhansk#PutinOnTheMarch #Russia #Ukraine pic.twitter.com/yl1SR70lhc
— TIMES NOW (@TimesNow) February 24, 2022
