ಮಾಧ್ಯಮರಂಗ ಪ್ರಜಾಪ್ರಭುತ್ವದ ಜೀವಾಳ: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ

ಬೆಂಗಳೂರು: ಮಾಧ್ಯಮರಂಗ ಪ್ರಜಾಪ್ರಭುತ್ವದ ಜೀವಾಳ ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ.

ಪ್ರೆಸ್ ಕ್ಲಬ್ ಆಫ್ ಬೆಂಗಳೂರು ಗುರುವಾರ ಅರಮನೆ ಮೈದಾನದಲ್ಲಿ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ  2020-21 ನೇ ಸಾಲಿನ ವರ್ಷದ ವ್ಯಕ್ತಿ,ವಾರ್ಷಿಕ ಪ್ರಶಸ್ತಿ ಹಾಗೂ ಉದಯವಾಣಿಯ ಉಪ ಮುಖ್ಯವರದಿಗಾರ  ಎಸ್.ಲಕ್ಷ್ಮೀನಾರಾಯಣ ಸೇರಿದಂತೆ ಹಲವು ಹಿರಿಯ ಪತ್ರಕರ್ತರಿಗೆ  ಪ್ರೆಸ್ ಕ್ಲಬ್ ಆಫ್ ಬೆಂಗಳೂರು ಪ್ರಶಸ್ತಿ ಪ್ರದಾನ ಮಾಡಿ ಅವರು ಮಾತನಾಡಿದರು.

ಪತ್ರಿಕಾರಂಗ ಸರ್ಕಾರದ ನಡುವಿನದ್ದು ಅವಿನಾಭವ ಸಂಬಂಧ.ಪತ್ರಕರ್ತರು ಹಾಗೂ ಸರ್ಕಾರದ ಮಧ್ಯೆ ಭಿನ್ನಾಭಿಪ್ರಾಯಗಳು ಬಂದರೂ ಅದನ್ನ ಆ ವಿಚಾರಕ್ಕಷ್ಟೆ ಸೀಮಿತಗೊಳಿಸಿ ನಮ್ಮ ನಡುವಿನ ಸಂಬಂಧಗಳನ್ನು ಉತ್ತಮವಾಗಿ ಇರಿಸಿಕೊಂಡ. ಅತ್ಯುತ್ತಮ ಸಾಮಾಜ ಸಾಧ್ಯ ಎಂದರು.

ಸರ್ಕಾರ ಟೀಕಿಸಿದವರನ್ನು ಸರ್ಕಾರ ನಡೆಸುತ್ತಿರುವವರಿಂದಲೇ ಸನ್ಮಾನಿಸಿಕೊಳ್ಳುವುದು ಅಪರೂಪ.ಇಂತಹ ಅಪರೂಪದ ಸಂಬಂಧಕ್ಕೆ ನಾನು ಸಾಕ್ಷಿಯಾಗಿದ್ದೇನೆ ನಮ್ಮ ತಂದೆ ಆಡಳಿತ ನೋಡಿದರು ಇಲ್ಲಿ ಸನ್ಮಾನಿಸುತ್ತಿರುವುದು ಖುಷಿ ತಂದಿದೆ.ಹಳೆ ಬೇರು ಹೊಸ ಚಿಗರನ್ನು ಒಟ್ಟೊಟಿಗೆ ಸನ್ಮಾನಿಸುತ್ತಿರುವು ಸಂತಸದ ವಿಚಾರ ಎಂದು ತಿಳಿಸಿದರು.

ಈಗಾಗಲೇ ಪ್ರೆಸ್ ಕ್ಲಬ್ ಬೆಂಗಳೂರು ಬಜೆಟ್ ನಲ್ಲಿ ಹಲವು ಬೇಡಿಕೆ ಇಟ್ಟಿದ್ದು ಅವು ನ್ಯಾಯಯುತವಾಗಿದ್ದು ಅವುಗಳೆನಲ್ಲವನ್ನು ಈಡೇರಿಸುವುದಾಗಿ ಹೇಳಿದರು.

2021ನೇ ಸಾಲಿನ ವರ್ಷದ ವ್ಯಕ್ತಿ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ, ನನ್ನ ಸಾರ್ವಜನಿಕ ಜೀವನದಲ್ಲಿ ಆರಂಭದಿಂದ ಇಲ್ಲಿಯವರೆಗೂ ನನ್ನ ದ್ವನಿಯಾಗಿ ಪತ್ರಕರ್ತರು ನಿಂತಿದ್ದಾರೆ.ಇದನ್ನು ನನ್ನ ಜೀವನದುದ್ದಕ್ಕೂ ಸ್ಮರಿಸುತ್ತೇನೆ ಎಂದರು.

ಸಂವಿಧಾನ ನಾಲ್ಕನೇ ಅಂಗವಾಗಿರುವ ಮಾಧ್ಯಮದ ಮೇಲೆ ಜನರು ಅಪಾರ  ನಂಬಿಕೆ ಇಟ್ಟಿದ್ದಾರೆ.ಅದನ್ನು ಈಗಲೂ ಉಳಿಸಿಕೊಂಡಿದೆ. ಸರ್ಕಾರ ಹಾದಿ ತಪ್ಪಿದಾಗ ಎಚ್ಚರಿಸುವ ಕೆಲಸ ಮಾಡುತ್ತಿದೆ ಎಂದು ಪ್ರಶಂಸಿಸಿದರು.

ಪ್ರೆಸ್ ಕ್ಲಬ್ ಆಫ್ ಬೆಂಗಳೂರು ಯೂಟ್ಯೂಬ್ ಚಾನೆಲ್ ಉದ್ಘಾಟಿಸಿ ಮಾತನಾಡಿದ ಸಚಿವ ಮುರುಗೇಶ್ ನಿರಾಣಿ, ಮಾಧ್ಯಮ ರಂಗದ ಕಾರ್ಯವೈಖರಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು. ಮಾಧ್ಯಮ ಸರ್ಕಾರದ ಮತ್ತು ಜನರ ನಡುವೆ ಸೇತುವೆ ಆಗಿವೆ ಕಾರ್ಯ ನಿರ್ವಹಿಸುತ್ತಿದೆ. ಕೋವಿಡ್ ವೇಳೆ ಪತ್ರಕರ್ತರು ಜೀವದವ ಹಂಗು ತೊರೆದು ಕೆಲಸ ನಿರ್ವಹಿಸಿದರು ಎಂದು ಶ್ಲಾಘಿಸಿದರು.

ನಾನು ಪತ್ರಕರ್ತರಿಗೆ ಋಣಿ:

2021ನೇ ಸಾಲಿನ ವಿಶೇಷ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ನಟ ಕಿಚ್ಚ ಸುದೀಪ್, ನನ್ನ ಏಳ್ಗೆಗೆ ಪತ್ರಕರ್ತರ ಕೊಡುಗೆ ಅಪಾರ.ಬಣ್ಣದ ರಂಗಕ್ಕೆ ಆರಂಭದಲ್ಲಿ ಅಡಿಯಿಟ್ಟಾಗ ಹಲವರು ಉತ್ತಮ ಲೇಖನ ಬರೆದು ಬೆನ್ನುತ್ತಟ್ಟಿದ್ದಾರೆ.ಈಗ ಅದನ್ನು ಮತ್ತಷ್ಟು ಮುಂದುವರಿಸಿದ್ದಾರೆ.ಹೀಗಾಗಿ ಅವರಿಗೆ ಚಿರ ಋಣಿ ಎಂದರು.

ಕಾರ್ಯಕ್ರಮದಲ್ಲಿ ಸಚಿವ ಡಾ.ಸುಧಾಕರ್, ಮುನಿರತ್ನ, ವಿಧಾನ ಪರಿಷತ್ತಿನ ವಿರೋಧ ಪಕ್ಷದ ಉಪನಾಯಕ ಗೋವಿಂದರಾಜು, ಪ್ರೆಸ್ ಕ್ಲಬ್ ಪ್ರಧಾನ ಕಾರ್ಯದರ್ಶಿ ಎಚ್.ವಿ.ಕಿರಣ್ ಸೇರಿದಂತೆ ಮತ್ತಿತರರು ಉಪಸ್ಥಿತಿದ್ದರು.

ಬಜೆಟ್ ನಲ್ಲಿ 5 ಕೋಟಿ ರೂ.ಅನುದಾನಕ್ಕೆ ಮನವಿ

ಕೋವಿಡ್ ವೇಳೆ ಸರ್ಕಾರ ಪತ್ರಕರ್ತರಿಗೆ ಸಹಾಯ ಮಾಡಿದೆ. ಯಡಿಯ್ಯೂರಪ್ಪ ಅವರು ಮುಖ್ಯಮಂತ್ರಿ ಆಗಿದ್ದ ವೇಳೆ ಹಲವು ರೀತಿಯ ನೆರವು ನೀಡಿದ್ದಾರೆ.ಜತೆಗೆ ಸರ್ಕಾರ 4,500 ಮಂದಿ ಪತ್ರಕರ್ತರಿಗೆ ಸರ್ಕಾರ ಉಚಿತ ಕೋವಿಡ್ ವ್ಯಾಕ್ಸಿನ್  ನೀಡಿದೆ.ಹಾಗೆಯೇ ಸಚಿವ ಗೋಪಾಲಯ್ಯ ಅವರು 25 ಲಕ್ಷ ಪುಡ್ ಕಿಟ್ ನೀಡಿದ್ದಾರೆ. ಹೀಗಾಗಿ  ಸರ್ಕಾರಕ್ಕೆ ಧನ್ಯವಾದ ಸಲ್ಲಿಸುವುದಾಗಿ ಪ್ರೆಸ್ ಕ್ಲಬ್ ಆಫ್ ಬೆಂಗಳೂರಿನ ಅಧ್ಯಕ್ಷ ಸದಾಶಿವ ಶೆಣೈ ತಿಳಿಸಿದರು.

ಈಗಾಗಲೇ ಕೋವಿಡ್ ಸಂಕಷ್ಟದ ಹಿನ್ನೆಲೆಯಲ್ಲಿ ಪ್ರೆಸ್ ಕ್ಲಬ್ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದೆ.ಸತತ 9 ತಿಂಗಳಕಾಲ ಬಂದ್ ಆಗಿದ್ದ ಹಿನ್ನೆಲೆಯಲ್ಲಿ ಅನೇಕ ಸಂಕಷ್ಟಗಳನ್ನು ಎದುರಿಸಬೇಕಾಯಿತು. ಆ ಹಿನ್ನೆಲೆಯಲ್ಲಿ ಈ ಸಾಲಿನ ಬಜೆಟ್ ನಲ್ಲಿ 5 ಕೋಟಿ ರೂ.ಅನುದಾನ ನೀಡುವಂತೆ ಮನವಿ ಮಾಡಿದರು.ನೂತನ ಪ್ರೆಸ್ ಕ್ಲಬ್ ಕಟ್ಟಡ ನಿರ್ಮಾಣಕ್ಕೆ ಆರ್ಥಿಕ ಸಹಾಯ ನೀಡುವಂತೆ ಒತ್ತಾಯಿಸಿದರು.

ಪ್ರೆಸ್‌ಕ್ಲಬ್ ಪ್ರಶಸ್ತಿಗೆ ಭಾಜನರಾದವರು

 2020ನೇ ಸಾಲಿನ ಪ್ರಶಸ್ತಿ: ವರ್ಷದ ವ್ಯಕ್ತಿ ಪ್ರಶಸ್ತಿ: ಅಜೀಂ ಪ್ರೇಮ್‌ಜೀ (ವಿಪ್ರೋ ಸಂಸ್ಥೆಯ ಅಧ್ಯಕ್ಷ).ವಿಶೇಷ ಪ್ರಶಸ್ತಿ ಪುರಸ್ಕೃತರು : ಪದ್ಮಶ್ರೀ ಹರೇಕಳ ಹಾಜಬ್ಬ, ಆರೋಗ್ಯ ಸಚಿವ ಡಾ.ಕೆ.ಸುಧಾಕರ್.

2020ನೇ  ಸಾಲಿನ ಪ್ರೆಸ್‌ಕ್ಲಬ್ ಆಫ್ ಬೆಂಗಳೂರು ಪ್ರಶಸ್ತಿ ಪುರಸ್ಕೃತರು: ದೇವನಾಥ್ ಎಸ್., ಎಸ್.ಕೆ.ಶೇಷಚಂದ್ರಿಕ, ಪಿ.ರಾಮಕೃಷ್ಣ ಉಪದ್ಯಾಯ, ಜಿ.ಎಸ್.ನಾರಾಯಣರಾವ್ ( ಜೆಸುನಾ),ಎಚ್.ಬಿ.ದಿನೇಶ್, ಡಾ.ಸಿ.ಎಸ್.ದ್ವಾರಕನಾಥ್, ಮುಂಜಾನೆ ಸತ್ಯ, ಗ್ರೇಬ್ರಿಯಲ್ ವಾಜ್, ಸಾಗ್ಗೆರೆ ರಾಮಸ್ವಾಮಿ, ಶಾಂತಲಾ ಧರ್ಮರಾಜ್, ಉದಯ ಮರಕಿಣಿ, ಎಸ್.ಕೆ.ಶ್ಯಾಂಸುಂದರ್, ಎಂ.ಸಿ.ಪಾಟೀಲ್, ಆರ್.ಶ್ರೀಧರ್, ಇಂದ್ರಜಿತ್ ಲಂಕೇಶ್, ವೈ.ಗ. ಜಗದೀಶ್, ಮನು ಅಯ್ಯಪ್ಪ ಕೆ.ಎಂ, ಎಸ್.ಲಕ್ಷ್ಮೀನಾರಾಯಣ,ಪರಮೇಶ್ವರ ಗುಂಡ್ಕಲ್, ರಾಘವೇಂದ್ರ ಹುಣಸೂರು, ಆದಿನಾರಾಯಣಮೂರ್ತಿ ಕೆ, ವಿಶ್ವನಾಥ್ ಸುವರ್ಣ, ಸುಧಾಕರ್ ಕೆ.ದುರ್ಬೆ, ಡಾ.ಎಂ.ಎಸ್.ಮಣಿ, ಆರ್.ಎಚ್.ನಟರಾಜ್.

2021ನೇ ಸಾಲಿನ ಪ್ರಶಸ್ತಿ: ವರ್ಷದ ವ್ಯಕ್ತಿ ಪ್ರಶಸ್ತಿ: ಮಾಜಿ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ. ವಿಶೇಷ ಪ್ರಶಸ್ತಿ ಪುರಸ್ಕೃತರು: ಡಾ.ದೇವಿಪ್ರಸಾದ್ ಶೆಟ್ಟಿ (ಕೊರೊನಾ ತಜ್ಞಸಮಿತಿ ಸದಸ್ಯ), ನಟ ಕಿಚ್ಚ ಸುದೀಪ್.

2020ನೇ  ಸಾಲಿನ ಪ್ರೆಸ್‌ಕ್ಲಬ್ ಆಫ್ ಬೆಂಗಳೂರು ಪ್ರಶಸ್ತಿ ಪುರಸ್ಕೃತರು: 

ಭಾಸ್ಕರ್ ರಾವ್ ಎಂ.ಕೆ, ಪದ್ಮರಾಜ ದಂಡಾವತಿ, ರಂಜಾನ್ ದುರ್ಗಾ,ಕೆಸ್ತೂರು ಗುಂಡಪ್ಪ ವಾಸುಕಿ, ಡಾ.ಜಗದೀಶ್ ಕೊಪ್ಪ ಎನ್, ಬಾಲಸುಬ್ರಮಣ್ಯಂ ಕೆ.ಆರ್, ಬಿ.ವಿ.ಶಿವಶಂಕರ, ಯತೀಶ್ ಕುಮಾರ್ ಜಿ.ಡಿ, ಸುದರ್ಶನ ಚೆನ್ನಂಗಿಹಳ್ಳಿ, ದೊಡ್ಡ ಬೊಮ್ಮಾಯ್ಯ, ಕೆ.ಎಂ.ವೀರೇಶ್, ವಾಸಂತಿ ಹರಿಪ್ರಕಾಶ್, ಪ್ರಶಾಂತ ನಾತೂ, ಪ್ರಕಾಶ್ ಬೆಳವಾಡಿ, ಎಸ್.ಎಚ್.ಮಾರುತಿ, ಭಾನು ಪ್ರಕಾಶ್‌ಚಂದ್ರ.