ಮಂಗಳೂರು : ಎಲ್‌ಜಿ ಇಲೆಕ್ಟ್ರಾನಿಕ್ಸ್‌ನಿಂದ ಎಐ ಡುವೆಲ್ ಇನ್‌ವರ್ಟರ್ ಏರ್‌ಕಂಡಿಶನರ್ ಮಾರುಕಟ್ಟೆಗೆ

ಮಂಗಳೂರು : ಇಲೆಕ್ಟ್ರಾನಿಕ್ ಜಗತ್ತಿನ ಪ್ರಮುಖ ಸಂಸ್ಥೆಗಳಲ್ಲಿ ಒಂದಾದ ಎಲ್‌ಜಿ ಇಲೆಕ್ಟ್ರಾನಿಕ್ಸ್‌ನಿಂದ 2022ರ ಶ್ರೇಣಿಯ ಎಐ ಡುವೆಲ್ ಇನ್‌ವರ್ಟರ್ ಏರ್‌ಕಂಡಿಶನರ್‌ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ.

ನಗರದ ಎಲ್‌ಜಿ ಬೆಸ್ಟ್ ಶಾಪ್‌ನಲ್ಲಿ ಇಂದು ಈ ನೂತನ ಶ್ರೇಣಿಯ ಏರ್ ಕಂಡಿಶನರ್‌ಗಳನ್ನು ವೈಟ್ ಸ್ಟೋನ್ ಆಡಳಿತ ನಿರ್ದೇಶಕ ಬಿ.ಎಂ. ಶರೀಫ್ ಮಾರುಕಟ್ಟೆಗೆ ಬಿಡುಗಡೆಗೊಳಿಸಿದರು.

ಈ ಸಂದರ್ಭ ಉದ್ಯಮಿ ಝಿಯಾವುದ್ದೀನ್, ಮಂಗಳೂರು ಡಿಜಿವಾಲೆ ಕಾರ್ಪೊರೇಶನ್‌ ಇದರ ಮ್ಯಾನೇಜಿಂಗ್‌ ಡೈರಕ್ಟರ್ ಬಿ. ಬಶೀರ್, ಗ್ರೂಪ್‌4  ಆಡಳಿತ ನಿರ್ದೇಶಕ ಬಿ.ಎ. ಇಬ್ರಾಹಿಂ, ಎಲ್‌ಜಿಯ ಏರಿಯಾ‌ ಸೇಲ್ ಮ್ಯಾನೇಜರ್ ಡೆರಿಕ್, ಬ್ರಾಂಚ್ ಮ್ಯಾನೇಜರ್ ಅಶ್ವಿನ್,‌ ಏರಿಯಾ‌ ಮಾರ್ಕೆಟಿಂಗ್‌ ಮ್ಯಾನೇಜರ್ ಪ್ರಮೋದ್ ಮೊದಲಾದವರು ಉಪಸ್ಥಿತರಿದ್ದರು.

ಕೃತಕ ಬುದ್ಧಿಮತ್ತೆಯಿಂದ ಕೂಡಿದ ಈ ನೂತನ ಶ್ರೇಣಿಯ ಏರ್ ಕಂಡಿಷನರ್‌ಗಳು ಉತ್ತಮವಾದ ಕೂಲಿಂಗ್, ಗರಿಷ್ಠ ವಿದ್ಯುತ್ ದಕ್ಷತೆ ಹಾಗೂ ಎಲ್ಲಾ ರೀತಿಯ ಅನುಕೂಲತೆಗಳಿಂದ ಕೂಡಿದೆ.

ಎಐನಿಂದ ನಡೆಸಲ್ಪಡುವ ಈ ನೂತನ ಶ್ರೇಣಿಯ ಏರ್ ಕಂಡಿಷನರ್‌ಗಳು ಬಹು ನಿರ್ಮಿತ ಸೆನ್ಸಾರ್‌ಗಳು ಮತ್ತು ಅತ್ಯುನ್ನತ ದರ್ಜೆಯ ಸ್ಪೀಡ್ ಡುವೆಲ್ ರೋಟರಿ ಕಂಪ್ರೆಸರ್ ಟೆಕ್ನಾಲಜಿಯನ್ನು ಹೊಂದಿದ್ದು, ಅತ್ಯುತ್ತಮ ಕೂಲಿಂಗ್ ಅನ್ನು ಒದಗಿಸಲಿದೆ. ಆಕರ್ಷಕ ಹೂವಿನ ವಿನ್ಯಾಸ ಮತ್ತು ಅಲೆಗಳ ಮಾದರಿಗಳಲ್ಲಿ ಅತ್ಯುತ್ತಮ ಸ್ಮಾರ್ಟ್ ತಂತ್ರಜ್ಞಾನ ಮತ್ತು ವಿದ್ಯುತ್ ಉಳಿತಾಯವನ್ನು ನೀಡುವ ಎಲ್ಲಾ ತಾಂತ್ರಿಕ ಸೌಲಭ್ಯಗಳೊಂದಿಗೆ ಎಲ್‌ಜಿಯ ಈ ನೂತನ ಏರ್‌ಕಂಡಿಷನರ್‌ಗಳು 57 ಸ್ಪ್ಲಿಟ್ ಎಸಿಗಳು ಮತ್ತು 4 ವಿಂಡೋ ಇನ್‌ವರ್ಟರ್ ಎಸಿಗಳಲ್ಲಿ ಲಭ್ಯ.

ಗ್ರಾಹಕರ ಆರೋಗ್ಯವನ್ನು ಗಮನದಲ್ಲಿರಿಸಿಕೊಂಡು ಜತೆಗೆ ಇಂಧನ ಉಳಿತಾಯದ ತಂತ್ರಜ್ಞಾನಗಳನ್ನು ಒಳಗೊಂಡ ವಿನ್ಯಾಸಗಳೊಂದಿಗೆ ಎಲ್‌ಜಿಯ ಏರ್ ಕಂಡಿಷನರ್‌ಗಳನ್ನು  ತಯಾರಿಸಲಾಗುತ್ತದೆ. ಈ ನೂತನ ಶ್ರೇಣಿಯು ಆರೋಗ್ಯಕರ ಜೀವನ ಮತ್ತು ನೈರ್ಮಲ್ಯಕ್ಕೂ  ಮತ್ತಷ್ಟು ಆದ್ಯತೆಯೊಂದಿಗೆ ಆ್ಯಂಟಿ ವೈರಸ್ ರಕ್ಷಣೆಯ ಫಿಲ್ಟರ್‌ನೊಂದಿಗೆ ತಯಾರಿಸಲ್ಪಟ್ಟಿದೆ. ಕ್ಯಾಟಿಯಾನಿಕ್ ಸಿಲ್ವರ್‌ನಿಂದ ಲೇಪಿತವಾದ ಫಿಲ್ಟರ್ ಶೇ. 99ರವರೆಗೆ ವೈರಸ್ ಮತ್ತು ಬ್ಯಾಕ್ಟೀರಿಯಾವನ್ನು ನಿಷ್ಟ್ರಿಯಗೊಳಿಸುತ್ತದೆ ಮತ್ತು ಗಾಳಿಯಿಂದ ಪರಾಗದಂತಹ ಹಾನಿಕಾರಕ ಪದಾರ್ಥಗಳನ್ನು ತೆರವುಗೊಳಿಸುತ್ತದೆ. ಹೊಸ ಏರ್ ಕಂಡಿಷನರ್‌ಗಳು ಯುವಿ ನ್ಯಾನೋ ಮತ್ತು ಏರ್ ಪ್ಯೂರಿಫಿಕೇಶನ್‌ನಂತಹ ವೈಶಿಷ್ಟ್ಯವನ್ನು ಹೊಂದಿದೆ. ವೈಫೈ (ಥಿನ್‌ಕ್ಯೂ), ಸೂಪರ್ ಕನ್ವರ್ಟೆಬಲ್ 5 ಇನ್ 1 ಜತೆಗೆ ಹಾಟ್ ಮತ್ತು ಕೋಲ್ಡ್ ಎಸಿಗಳು, ಕನ್ವರ್ಟಬಲ್ 4 ಇನ್ 1 ವೈಶಿಷ್ಟ್ಯಗಳೊಂದಿಗೆ ವಿಂಡೋ ಇನ್‌ವರ್ಟರ್ ಎಸಿಗಳನ್ನು ಹೊಂದಿರುವ ಯುವಿ ಶ್ರೇಣಿಯ ಎಸಿಗಳನ್ನು ಎಲ್‌ಜಿ ಗ್ರಾಹಕರಿಗೆ ಒದಗಿಸಿದೆ.

ಎಲ್‌ಜಿ ಗ್ರಾಹಕರ ಅನುಕೂಲತೆಗೆ ಅನುಗುಣವಾಗಿ ಎಲ್‌ಜಿ ತಿನ್‌ಕ್ಯೂ ತಂತ್ರಜ್ಞಾನವನ್ನು ಮತ್ತಷ್ಟು ಪರಿಣಾಮಕಾರಿಯಾಗಿಸಿದ್ದು, ಇದು ಬಳಕೆದಾರರಿಗೆ ಫೋನ್‌ನಲ್ಲಿ ಅಪ್ಲಿಕೇಶನ್‌ನೊಂದಿಗೆ ಯಾವುದೇ ಸಮಯದಲ್ಲಿ ಮತ್ತು ಎಲ್ಲಿಂದಲಾದರೂ ಎಸಿಯನ್ನು ನಿಯಂತ್ರಿಸಲು ಮತ್ತು ನಿಗಾ ವಹಿಸಲು ಅವಕಾಶ ಕಲ್ಪಿಸುತ್ತದೆ. ಎಲ್‌ಜಿ ತಿನ್‌ಕ್ಯೂ ಸ್ಮಾರ್ಟ್ ಎಪ್ಲಿಕೇಶನ್, ಅಮೆಜಾನ್ ಅಲೆಕ್ಸಾ ಮತ್ತು ಗೂಗಲ್ ಸಹಾಯಕ ಎಐ ಸ್ಪರೀಕರ್‌ಗಳು ಮತ್ತು ಅಪ್ಲಿಕೇಶನ್‌ಗಳೊಂದಿಗೆ ಹೊಂದಾಣಿಕೆಯನ್ನು ನೀಡುತ್ತದೆ ಎಂದು ಸಂಸ್ಥೆಯ ಪ್ರಕಟನೆ ತಿಳಿಸಿದೆ.