ಗಾಯತ್ರಿ ಎಂದೇ ಖ್ಯಾತರಾಗಿರುವ ನಟಿ ಡಾಲಿ ಡಿ ಕ್ರೂಝ್ ರಸ್ತೆ ಅಪಘಾತದಲ್ಲಿ ಮೃತ್ಯು

ಹೈದರಾಬಾದ್: ಜನಪ್ರಿಯ ಯೂಟ್ಯೂಬರ್ ಹಾಗೂ ಗಾಯತ್ರಿ ಎಂದೇ ಖ್ಯಾತರಾಗಿರುವ ನಟಿ ಡಾಲಿ ಡಿ ಕ್ರೂಝ್ ಅವರು ಕಾರು ಅಪಘಾತದಲ್ಲಿ ಮೃತಪಟ್ಟಿದ್ದಾರೆ.

ವರದಿಗಳ ಪ್ರಕಾರ, ಹೋಳಿ ಪಾರ್ಟಿಯಿಂದ ಹಿಂದಿರುಗುತ್ತಿದ್ದಾಗ ನಡೆದಿರುವ ರಸ್ತೆ ಅಪಘಾತದಲ್ಲಿ ಅವರು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಗಾಯತ್ರಿ ಅವರು ಸ್ನೇಹಿತೆಯೊಂದಿಗೆ ಪ್ರಯಾಣಿಸುತ್ತಿದ್ದರು. ನಿಯಂತ್ರಣ ತಪ್ಪಿದ ಕಾರು  ಹೈದರಾಬಾದ್‌ನ ಗಚಿಬೌಲಿಯಲ್ಲಿ ಡಿವೈಡರ್‌ಗೆ ಢಿಕ್ಕಿ ಹೊಡೆದಿದೆ.

ಗಾಯತ್ರಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಆಕೆಯ ಸ್ನೇಹಿತೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಗಾಯತ್ರಿ ಅವರ ನಿಜವಾದ ಹೆಸರು ಡಾಲಿ ಡಿ ಕ್ರೂಝ್. ಅವರು ಜಲ್ಸಾ ರಾಯುಡು ಎಂಬ ಚಾನೆಲ್‌ನೊಂದಿಗೆ ಜನಪ್ರಿಯ ಯೂಟ್ಯೂಬರ್ ಕೂಡ ಆಗಿದ್ದರು. ಅವರು ಇತ್ತೀಚೆಗೆ ತೆಲುಗು ವೆಬ್ ಸೀರೀಸ್ ಮೇಡಂ ಸರ್ ಮೇಡಂ ಅಂಥೆಯಲ್ಲಿಯೂ ಕೆಲಸ ಮಾಡಿದ್ದರು.