ಮಂಗಳೂರಿನಲ್ಲಿ ನೋವಾ ಐವಿಎಫ್ ಫರ್ಟಿಲಿಟಿ ಪ್ರಾದೇಶಿಕ ಕೇಂದ್ರದ ವಿಸ್ತರಣೆ

ಮಂಗಳೂರು; ದೇಶಾದ್ಯಂತ 45 ಸಾವಿರಕ್ಕೂ ಅಧಿಕ ಕ್ಲಿನಿಕಲ್ ಗರ್ಭಧಾರಣೆಯನ್ನು ಯಶಸ್ವಿಯಾಗಿ ಪೂರೈಸಿರುವ ನೋವಾ ಐವಿಎಫ್ ಫರ್ಟಿಲಿಟಿ ತನ್ನ ಕೇಂದ್ರವನ್ನು ಮಂಗಳೂರು ಕೇಂದ್ರದಲ್ಲಿ ಸ್ಥಾಪನೆಯಾಗಿದೆ. ಈ ಮೂಲಕ ಇತ್ತೀಚಿನ ತಂತ್ರಜ್ಞಾನ, ನುರಿತ ಐವಿಎಫ್ ತಜ್ಞರು ಹಾಗೂ ಭ್ರೂಣ ಶಾಸ್ತ್ರಜ್ಞರೊಂದಿಗೆ ಅತ್ಯಾಧುನಿಕ ಫರ್ಟಿಲಿಟಿ ಚಿಕಿತ್ಸೆಯನ್ನು ಇಲ್ಲಿನ ದಂಪತಿಗೆ ಸಾಧ್ಯವಾಗಲಿದೆ ಎಂದು ನೋವಾ ಐವಿಎಫ್ ಫರ್ಟಿಲಿಟಿ ಸಿಇಒ ಎಸ್.ಚಂದ್ರಶೇಖರ್  ತಿಳಿಸಿದ್ದಾರೆ.

ಇತ್ತೀಚಿನ ದಿನಗಳಲ್ಲಿ ದಂಪತಿಯಲ್ಲಿ‌ ಬಂಜೆತನ ಅಧಿಕವಾಗುತ್ತಿದೆ. ಮೆಟ್ರೋಪಾಲಿಟನ್ ನಗರಗಳಲ್ಲಿ ದಂಪತಿ ಗಳಿಗೆ ಫರ್ಟಿಲಿಟಿ ಚಿಕಿತ್ಸಾ ಕೇಂದ್ರಗಳು ಲಭ್ಯವಿರುತ್ತದೆ‌. ಆದರೆ ಇತರ ನಗರಗಳಲ್ಲಿಈ ಅವಕಾಶವಿಲ್ಲ. ಆದ್ದರಿಂದ ಮಂಗಳೂರು ನಗರದಲ್ಲಿ ನಮ್ಮ ಕೇಂದ್ರವನ್ನು ಸ್ಥಾಪಿಸಿ ಕಾಸರಗೋಡು, ಬಂಟ್ವಾಳ, ಕುಂದಾಪುರ ಇನ್ನಿತರ ಇಲ್ಲಿನ ಪ್ರದೇಶಗಳ ದಂಪತಿಗಳಿಗೆ ಸೇವೆಯನ್ನು ಒದಗಿಸುವ ಭರವಸೆ ನೀಡುತ್ತೇವೆ. ಈ ಮೂಲಕ ಬಂಜೆತನ ಸಮಸ್ಯೆಗಳನ್ನು ನಿವಾರಣೆ ಮಾಡಲಿದ್ದೇವೆ ಎಂದರು.

ಅಧ್ಯಯನದ ಪ್ರಕಾರ ಸುಮಾರು 10-15 ಭಾರತೀಯ ದಂಪತಿ ಫರ್ಟಿಲಿಟಿ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಇವರು ನೈಸರ್ಗಿಕ ವಿಧಾನಗಳ ಮೂಲಕ ಗರ್ಭಧರಿಸಲು ಅಸಮರ್ಥರಾಗಿದ್ದಾರೆ‌. ಈ ದಂಪತಿಗಳಲ್ಲಿ ಕೇವ 1% ಮಾತ್ರ ಫರ್ಟಿಲಿಟಿ ಮೌಲ್ಯಮಾಪನಕ್ಕೆ ಒಳಗಾಗುತ್ತಾರೆ‌.  ಸದ್ಯ ಮೋವಾ ಐವಿಎಫ್ ಫರ್ಟಿಲಿಟಿಯು ಭಾರತದ 37 ನಗರಗಳಲ್ಲಿ 53 ಫರ್ಟಿಲಿಟಿ ಕೇಂದ್ರಗಳನ್ನು ನಿರ್ವಹಿಸುತ್ತಿದೆ ಎಂದರು.

ಸುದ್ದಿ ಗೋಷ್ಠಿಯಲ್ಲಿ ನೋವಾ ಐವಿಎಫ್ ನ ಫಲವತ್ತತೆ ಯ ಸಲಹೆಗಾರರಾದ ಡಾ.ಶಾವಿಝ್ ಫೈಝಿ,ಮಾಮ್ಸ್ ಕಮ್ಯೂನಿಟಿ ಮ್ಯಾನೇಜರ್ ಡಾ.ಶಿಲ್ಪಾ ಶ್ರೇಯಸ್ ಮೊದಲಾದ ವರು ಉಪಸ್ಥಿತರಿದ್ದರು.