ಯುಪಿಎಸ್ಸಿ ಪರೀಕ್ಷೆ: ಶ್ರುತಿ ಶರ್ಮಾ ಟಾಪರ್, ಮೊದಲ ಮೂರೂ ಸ್ಥಾನಗಳು ಮಹಿಳಾ ಅಭ್ಯರ್ಥಿಗಳಿಗೆ

ಹೊಸದಿಲ್ಲಿ: ಕೇಂದ್ರ ಲೋಕ ಸೇವಾ ಆಯೋಗದ (ಸಿವಿಲ್ ಸರ್ವಿಸಸ್) 2021 ಪರೀಕ್ಷೆಗಳ ಫಲಿತಾಂಶ ಇಂದು ಘೋಷಣೆಯಾಗಿದ್ದು ಶ್ರುತಿ ಶರ್ಮಾ ಅವರು ಟಾಪರ್ ಆಗಿ ಹೊರಹೊಮ್ಮಿದ್ದಾರೆ. ಈ ಬಾರಿ ಮೊದಲ ಮೂರು ಸ್ಥಾನಗಳನ್ನು ಮಹಿಳಾ ಅಭ್ಯರ್ಥಿಗಳೇ ಪಡೆದಿರುವುದು ವಿಶೇಷವಾಗಿದೆ. ಎರಡನೇ ಸ್ಥಾನವನ್ನು ಅಂಕಿತಾ ಅಗರ್ವಾಲ್ ಮತ್ತು ಮೂರನೇ ಸ್ಥಾನವನ್ನು ಗಾಮಿನಿ ಸಿಂಗ್ಲಾ ಗಳಿಸಿದ್ದಾರೆ.

ಈ ಬಾರಿ ಒಟ್ಟು 685 ಅಭ್ಯರ್ಥಿಗಳು ಉತ್ತೀರ್ಣರಾಗಿದ್ದಾರೆ ಎಂದು ಆಯೋಗ ತಿಳಿಸಿದೆ.