63,000 ಪಿಎಸಿಎಸ್‌ಗಳ ಗಣಕೀಕರಣಕ್ಕಾಗಿ 2,516 ಕೋ.ರೂ.ಗಳ ಪ್ರಸ್ತಾವಕ್ಕೆ ಸರಕಾರದ ಅನುಮೋದನೆ

ಹೊಸದಿಲ್ಲಿ,ಜೂ.29: ಹಣಕಾಸು ಸೇರ್ಪಡೆಯನ್ನು ಉತ್ತೇಜಿಸುವ ಉದ್ದೇಶದಿಂದ ಕ್ರಿಯಾಶೀಲವಾಗಿರುವ 63,000 ಪ್ರಾಥಮಿಕ ಕೃಷಿ ಸಾಲ ಸೊಸೈಟಿ (ಪಿಎಸಿಎಸ್)ಗಳ ಗಣಕೀಕರಣಕ್ಕಾಗಿ ಐದು ವರ್ಷಗಳಲ್ಲಿ 2,516 ಕೋ.ರೂ.ಗಳನ್ನು ಒದಗಿಸುವ ಪ್ರಸ್ತಾವಕ್ಕೆ ಸರಕಾರವು ಬುಧವಾರ ಅನುಮೋದನೆಯನ್ನು ನೀಡಿದೆ. ಇದರಲ್ಲಿ ಕೇಂದ್ರದ ಪಾಲು 1,528 ಕೋ.ರೂ.ಆಗಿರಲಿದೆ.

ಸಂಪುಟ ಸಭೆಯ ಬಳಿಕ ಮಾಧ್ಯಮಗಳನ್ನುದ್ದೇಶಿಸಿ ಮಾತನಾಡಿದ ವಾರ್ತಾ ಮತ್ತು ಪ್ರಸಾರ ಸಚಿವ ಅನುರಾಗ ಸಿಂಗ್ ಠಾಕೂರ್ ಅವರು,ಇದರಿಂದ ಹೆಚ್ಚಿನವರು ಸಣ್ಣ ಮತ್ತು ಅತಿಸಣ್ಣ ರೈತರು ಸೇರಿದಂತೆ 13 ಕೋ.ರೈತರಿಗೆ ಲಾಭವಾಗಲಿದೆ ಎಂದು ತಿಳಿಸಿದರು.