ಉಡುಪಿ ಕೃಷ್ಣಮಠದಲ್ಲಿ ಕೃಷ್ಣಾಷ್ಟಮಿಯ ವಿವಿಧ ಸ್ಪರ್ಧೆಗಳು

ಉಡುಪಿ, ಆ.7: ಉಡುಪಿ ಶ್ರೀಕೃಷ್ಣ ಮಠ, ಪರ್ಯಾಯ ಶ್ರೀಕೃಷ್ಣಾಪುರ ಮಠದ ವತಿಯಿಂದ ಶ್ರೀಕೃಷ್ಣಾಷ್ಟಮಿಯ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸ ಲಾಗಿದೆ.

ಆ.14ರಂದು ಬೆಳಗ್ಗೆ 9.30ರಿಂದ ‘ಶ್ರೀಕೃಷ್ಣನಿಗೆ ಸಂಬಂಧಿಸಿದ ಕಥಾ ಸನ್ನಿವೇಷ’ ವಿಷಯದ ಕುರಿತು ಚಿತ್ರಕಲಾ ಸ್ಪರ್ಧೆ ನಡೆಯಲಿದ್ದು, ಸ್ಪರ್ಧೆಯ ಅವಧಿ 2ಗಂಟೆ. ರಾಜಾಂಗಣದಲ್ಲಿ 3ರಿಂದ 7 ತರಗತಿ ಮತ್ತು 8ರಿಂದ 10ತರಗತಿ, ಮಧ್ವಾಂಗಣ ದಲ್ಲಿ ಕಾಲೇಜು ವಿಭಾಗದ ಸ್ಪರ್ಧೆ ನಡೆಯಲಿದೆ. ಡ್ರಾಯಿಂಗ್ ಪೇಪರ್ ನೀಡಲಾಗುವುದು. ಬಣ್ಣ ಪರಿಕರಗಳನ್ನು ತರಬೇಕು.

೧೪ರಂದು ಬೆಳಗ್ಗೆ ೧೦.೩೦ಕ್ಕೆ ಕನಕ ಮಂಟಪದಲ್ಲಿ ಸಾರ್ವಜನಿಕ ವಿಭಾಗದಲ್ಲಿ ರಸಪ್ರಶ್ನೆ ಸ್ಪರ್ಧೆ(ಕೃಷ್ಣಾವತಾರದ ಬಗ್ಗೆ ೫೦ ಪ್ರಶ್ನೆಗಳು, ಅವಧಿ: ಒಂದು ಗಂಟೆ) ಹಾಗೂ ಬೆಳಗ್ಗೆ ೧೧ಗಂಟೆಗೆ ಮಧ್ವಮಂಟಪದಲ್ಲಿ ೮-೧೨ನೆ ತರಗತಿಯವರಿಗೆ ಆಶು ಭಾಷಣ ಸ್ಪರ್ಧೆ ನಡೆಯಲಿದೆ. ೧೫ರಂದು ಮಧ್ಯಾಹ್ನ ೨.೩೦ಕ್ಕೆ ಸಂಗೀತ ಸ್ಪರ್ಧೆ(ಅಪರೋಕ್ಷಜ್ಞಾನೀಕೃತ ದಾಸರಪದಗಳು)ಯು ೧-೪ನೆ ತರಗತಿಯವರಿಗೆ ಅನ್ನಬ್ರಹ್ಮದಲ್ಲಿ, ೫-೭ನೆ ತರಗತಿಯವರಿಗೆ ಮಧ್ವಮಂಟಪದಲ್ಲಿ, ೮-೧೨ನೆ ತರಗತಿ ಯವರಿಗೆ ರಾಜಾಂಗಣದಲ್ಲಿ ಜರಗಲಿದೆ.

ಆ.೧೮ರಂದು ಮಧ್ಯಾಹ್ನ ೦೨.೩೦ಕ್ಕೆ ಮಧ್ವಮಂಟಪದಲ್ಲಿ ಸಾರ್ವಜನಿಕರಿಗೆ ಶಂಖ ಊದುವ ಸ್ಪರ್ಧೆ ನಡೆಯಲಿದೆ. ಆ.೧೯ರಂದು ಬೆಳಗ್ಗೆ ೯.೩೦ರಿಂದ ಕೃಷ್ಣವೇಷ ಸ್ಪರ್ಧೆ(ಮಧ್ವಾಂಗಣದಲ್ಲಿ ೧-೩ವರ್ಷ ಮುದ್ದುಕೃಷ್ಣ ವಿಭಾಗ, ಭೋಜನ ಶಾಲೆಯಲ್ಲಿ ೪-೬ವರ್ಷ ಬಾಲಕೃಷ್ಣ ವಿಭಾಗ ಮತ್ತು ಅನ್ನಬ್ರಹ್ಮದಲ್ಲಿ ೭-೧೦ವರ್ಷ ಕಿಶೋರಕೃಷ್ಣ ವಿಭಾಗ) ಮತ್ತು ಆ.೨೦ರಂದು ಸಂಜೆ ೫ಗಂಟೆಯಿಂದ ರಾಜಾಂಗಣದಲ್ಲಿ ಹುಲಿವೇಷ/ ಜಾನಪದ ಕುಣಿತ ಸ್ಪರ್ಧೆ ಜರಗಲಿದೆ.

ವ್ಯಕ್ತಿಗತ ಸ್ಪರ್ಧೆಯಲ್ಲಿ ಪ್ರಥಮ ೧ಸಾವಿರ ರೂ., ದ್ವಿತೀಯ ೭೫೦ರೂ., ತೃತೀಯ ೫೦೦ರೂ., ಹುಲಿವೇಷ ಕುಣಿತ ಸ್ಪರ್ಧೆಯಲ್ಲಿ ಪ್ರಥಮ ೧೫,೦೦೦ರೂ., ದ್ವಿತೀಯ ೧೦,೦೦೦ರೂ., ತೃತೀಯ ೫,೦೦೦ರೂ. ಜಾನಪದ ನೃತ್ಯ ಸ್ಪರ್ಧೆಯಲ್ಲಿ ಪ್ರಥಮ ೫,೦೦೦ರೂ., ದ್ವಿತೀಯ ೩,೦೦೦ರೂ. ನಗದು ಬಹುಮಾನ ನೀಡ ಲಾಗುವುದು.
ಹೆಚ್ಚಿನ ಮಾಹಿತಿಗಾಗಿ ಶ್ರೀಕೃಷ್ಣ ಮಠ ಕಾರ್ಯಾಲಯ - ೦೮೨೦ ೨೫೨೦೫೯೮ ಅಥವಾ ವಿಷ್ಣುಪ್ರಸಾದ್ ಪಾಡಿಗಾರ್-೯೮೮೦೬೪೫೩೪೨ನ್ನು ಸಂಪರ್ಕಿಸಬಹುದು. ಸ್ಪರ್ಧಾಳುಗಳು ಆಯಾ ವಿಭಾಗಕ್ಕೆ ತಮ್ಮ ಹೆಸರನ್ನು ಬಡಗುಮಾಳಿಗೆ ಕಛೇರಿಯಲ್ಲಿ ಅಥವಾ ಸೂಚಿತ ಮೊಬೈಲ್ ನಂಬರ್‌ಗೆ ಸ್ಪರ್ಧಾ ದಿನದ ಹಿಂದಿನ ದಿನ ಸಂಜೆ ೬ಗಂಟೆಯ ಒಳಗೆ ನೊಂದಾಯಿಸಬೇಕು ಎಂದು ಪ್ರಕಟಣೆ ತಿಳಿಸಿದೆ.