ಉಡುಪಿ ; ವಿವಿಧೆಡೆ ಸ್ವಾತಂತ್ರ್ಯೋತ್ಸವ ದಿನಾಚರಣೆ
ಭಾರತೀಯ ರೆಡ್ ಕ್ರಾಸ್: ಭಾರತೀಯ ರೆಡ್ಕ್ರಾಸ್ ಸಂಸ್ಥೆ ಉಡುಪಿ ಜಿಲ್ಲಾ ಘಟಕ ಮತ್ತು ಜಿಲ್ಲಾ ವಿಕಲಚೇತನರ ಪುನರ್ವಸತಿ ಕೇಂದ್ರದ ಸಹಯೋಗ ದೊಂದಿಗೆ ರೆಡ್ಕ್ರಾಸ್ ಭವನದಲ್ಲಿ ಸ್ವಾತಂತ್ರ್ಯದ ಅಮೃತ ಮಹೋತ್ಸವದ ಧ್ವಜಾರೋಹಣವನ್ನು ಸಂಸ್ಥೆಯ ಸಭಾಪತಿ ಬಸ್ರೂರು ರಾಜೀವ್ ಶೆಟ್ಟಿ ಆಚರಿಸಿದರು.
ಅರ್ಹ ಪಲಾನುಭವಿಗಳಿಗೆ ಕಿಚನ್ ಸೆಟ್, ಬಕೆಟ್, ಟಾರ್ಪಲ್, ಸೋಪ್, ಮಾಸ್ಕ್, ಸೊಳ್ಳೆ ಪರದೆ ವಸ್ತುಗಳನ್ನು ವಿತರಿಸಲಾಯಿತು. ರೆಡ್ ಕ್ರಾಸ್ ಸಂಸ್ಥೆಯ ಉಪಸಭಾಪತಿ ಡಾ.ಅಶೋಕ್ ಕುಮಾರ್ ವೈ.ಜಿ., ಕಾರ್ಯದರ್ಶಿ ಬಿ.ರತ್ನಾಕರ್ ಶೆಟ್ಟಿ, ಮಾಜಿ ಕಾರ್ಯದರ್ಶಿ ಬಾಲಕೃಷ್ಣ ಶೆಟ್ಟಿ ಕೆ., ಮಾಜಿ ಖಜಾಂಚಿ ಟಿ. ಚಂದ್ರಶೇಖರ್, ರೆಡ್ಕ್ರಾಸ್ ಸದಸ್ಯರಾದ ವಿಶ್ವನಾಥ್ ಹೆಗ್ಡೆ, ಪ್ರಕಾಶ್ ಅಂದ್ರಾದೆ ಉಪಸ್ಥಿತರಿದ್ದರು.
ಉಡುಪಿ ನಗರ ಗ್ರಂಥಾಲಯ: ಉಡುಪಿಯ ವಿದ್ಯಾ ವಾಚಸ್ಪತಿ ಡಾ.ಬನ್ನಂಜೆ ಗೋವಿಂದಾಚಾರ್ಯ ಸ್ಮಾರಕ ನಗರ ಕೇಂದ್ರ ಗ್ರಂಥಾಲಯದಲ್ಲಿ ಸ್ವಾತಂತ್ರ್ಯ ದಿನಾಚರಣೆಯ ಅಮೃತ ಮಹೋತ್ಸವದ ಅಂಗವಾಗಿ ಪುಸ್ತಕ ಪ್ರದರ್ಶನವನ್ನು ವಸಂತಿ ಶೆಟ್ಟಿ ಬ್ರಹ್ಮಾವರ ಉದ್ಘಾಟಿಸಿ, ಧ್ವಜಾರೋಹಣ ನೆರವೇರಿಸಿದರು.
ನಗರ ಕೇಂದ್ರ ಗ್ರಂಥಾಲಯದ ಮುಖ್ಯ ಗ್ರಂಥಾಲಯಾಧಿಕಾರಿ ನಳಿನಿ ಜಿ.ಐ. ಸ್ವಾಗತಿಸಿದರು. ಜಿಲ್ಲಾ ಕೇಂದ್ರ ಗ್ರಂಥಾಲಯದ ಮುಖ್ಯ ಗ್ರಂಥಾಲಯಾಧಿಕಾರಿ ಜಯಶ್ರೀ ಎಂ., ನಗರ ಕೇಂದ್ರ ಗ್ರಂಥಾಲಯದ ಗ್ರಂಥಪಾಲಕಿ ರಂಜಿತ ಸಿ ಉಪಸ್ಥಿತರಿದ್ದರು. ಗ್ರಂಥಾಲಯದ ಸಹಾಯಕಿ ಸುನಿತಾ ವಂದೇಮಾತರಂ ಋಹಾಡಿದರು. ಪ್ರಥಮ ದರ್ಜೆ ಸಹಾಯಕಿ ಪ್ರೇಮ ವಂದಿಸಿದರು.
ಕುಂದಾಪುರ ಬಸ್ ಏಜೆಂಟರ್: ಕುಂದಾಪುರ ಶಾಸ್ತ್ರೀಯ ವೃತ್ತದ ಬಸ್ ನಿಲ್ದಾಣದಲ್ಲಿ ಬಸ್ ಏಜೆಂಟರ ನೇತೃತ್ವದಲ್ಲಿ ಸ್ವಾತಂತ್ರ್ಯೋತ್ಸವ ದಿನಾಚರಣೆಯ ಧ್ವಜಾರೋಹಣವನ್ನು ಹಿರಿಯ ಬಸ್ ಏಜೆಂಟ್ ಸತೀಶ್ ಹೊಳ್ಳ ನೆರವೇರಿಸಿ ದರು. ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ, ಉದ್ಯಮಿ ಹಂಸರಾಜ್ ಶೆಟ್ಟಿ, ಬಿಜೆಪಿ ಅಧ್ಯಕ್ಷ ಶಂಕರ ಅಂಕದಕಟ್ಟೆ, ಬಸ್ ಏಜೆಂಟರುಗಳಾದ ಸೂರ್ಯಕಾಂತ, ಶಂಕರ ಖಾರ್ವಿ, ಗಿರೀಶ್ ಕುಂದಾಪುರ, ರಮೇಶ್ ಕೋಣಿ, ಹರೀಶ್ ಸಿಎಚ್, ಮಹೇಶ್ ಖಾರ್ವಿ, ಶೇಖರ ಪೂಜಾರಿ, ದಿವಾಕರ್ ಖಾರ್ವಿ, ಸುಂದರ್ ಖಾರ್ವಿ, ಸಂತೋಷ್ ಪೂಜಾರಿ, ಪ್ರದೀಪ್, ಹರೀಶ್ ಪೂಜಾರಿ, ನಾಸೀರ್, ಮೆಲ್ವಿನ್ ಫೆರ್ನಾಂಡಿಸ್ ಮೊದಲಾದವರು ಇದ್ದರು.
ಕೀಳೇಶ್ವರಿ ಯೂತ್ ಕ್ಲಬ್: ಕುಂದಾಪುರ ವಿಠಲವಾಡಿಯ ಕೀಳೇಶ್ವರಿ ಯೂತ್ ಕ್ಲಬ್ ವತಿಯಿಂದ ೭೫ನೇ ಸ್ವಾತಂತ್ರ್ಯೋತ್ಸವ ದಿನಾಚರಣೆಯ ಧ್ವಜಾ ರೋಹಣವನ್ನು ಕುಂದಾಪುರ ಪೌರಕಾರ್ಮಿಕ ಸಂಘದ ಅಧ್ಯಕ್ಷ ನಾಗರಾಜ್ ಹಾಗೂ ಸರೋಜ ನೆರವೇರಿಸಿದರು.
ಯೋಧ ಶಿವರಾಜ್, ಹಿರಿಯರಾದ ಸಂಜೀವ ಶ್ರೀಯಾನ್, ಕುಂದಾಪುರ ಮಾಜಿ ತಾಪಂ ಅಧ್ಯಕ್ಷ ಭಾಸ್ಕರ ಬಿಲ್ಲವ, ಯುವ ಮುಖಂಡ ಮಹೇಶ್ ಪೂಜಾರಿ ಹಳೆಅಳಿವೆ, ಕೀಳೇಶ್ವರಿ ಯೂತ್ ಕ್ಲಬ್ ಅಧ್ಯಕ್ಷ ರಘು, ಕಾರ್ಯದರ್ಶಿ ಸುಧಾಕರ್, ಅಂಗನವಾಡಿ ಕಾರ್ಯಕರ್ತೆ ಅನುಸೂಯ ಹಾಜರಿದ್ದರು. ಯೂತ್ ಕ್ಲಬ್ ನಿರ್ದೇಶಕ ಭಾಸ್ಕರ್ ವಿಠಲವಾಡಿ ಕಾರ್ಯಕ್ರಮ ನಿರೂಪಿಸಿ, ಮಾಜಿ ಅಧ್ಯಕ್ಷ ರಾಘು ವಿಠಲವಾಡಿ ವಂದಿಸಿದರು.
ಕೊಡೇರಿ ಸರಕಾರಿ ಶಾಲೆ: ನಾಗೂರು ಕೊಡೇರಿ ಸರಕಾರಿ ಹಿರಿಯ ಪ್ರಾಾಥಮಿಕ ಶಾಲೆಯಲ್ಲಿ ನಡೆದ ಸ್ವಾತ್ರಂತ್ರ್ಯೋತ್ಸವ ದಿನಾಚರಣೆಯ ಧ್ವಜಾ ರೋಹಣವನ್ನು ಹಿರಿಯರಾದ ವಾಸುದೇವ ಕಾರಂತ ನೆರವೇರಿಸಿದರು.
ಶಾಲಾ ಮುಖ್ಯಶಿಕ್ಷಕಿ ಶ್ಯಾಮಲಾ, ಎಸ್ಡಿಎಂಸಿ ಅಧ್ಯಕ್ಷ ಸುರೇಶ್ ಖಾರ್ವಿ ಹುಣ್ಸೆೆಡಿ, ಹಳೆ ವಿದ್ಯಾಾರ್ಥಿ ಸಂಘದ ಅಧ್ಯಕ್ಷ ಆನಂದ ಪೂಜಾರಿ, ಪ್ರಮುಖ ರಾದ ಸಿ.ಎಸ್.ಖಾರ್ವಿ, ಮಂಜುನಾಥ ಉಪಸ್ಥಿತರಿದ್ದರು. ಅನಂತರ ವಿದ್ಯಾರ್ಥಿ ಗಳಿಗೆ ಶಾಲೆಯ ಐಡಿಕಾರ್ಡ್ ಮತ್ತು ಸಿಹಿ ವಿತರಣೆ ನಡೆಯಿತು.
ಹಕ್ರೆಮಠ ದೇವಸ್ಥಾನ: ಬೈಂದೂರು ತಾಲೂಕಿನ ಕಿರಿಮಂಜೇಶ್ವರ ಗ್ರಾಾಮದ ಕೊಡೇರಿ ಹಕ್ರೆಮಠ ದೇವಸ್ಥಾನದ ಸಮೀಪದ ಕೆರೆಯಲ್ಲಿ ಕೊಡೇರಿಯ ನವಮಿ ಡಾಟ್ಕಾಮ್ನಿಂದ ಕೊಡುಗೆಯಾಗಿ ನೀಡಲಾದ ಧ್ವಜ ಕಟ್ಟೆಯನ್ನು ಮಾಜಿ ಸೈನಿಕ ಹಾಗೂ ಗ್ರಾಪಂ ಪಿಡಿಒ ರಾಜೇಶ್ ಉದ್ಘಾಟಿಸಿದರು.
ಸ್ವಾತಂತ್ರ್ಯ ಹೋರಾಟಗಾರ ದಿ.ಚೌಕಿ ಸುಬ್ಬಯ್ಯ ಖಾರ್ವಿ ಮೊಮ್ಮಗ ಸಿ.ಎಸ್. ಖಾರ್ವಿ ಧ್ವಜಾರೋಹಣ ನೆರವೇರಿಸಿದರು. ಕಟ್ಟೆ ನಿರ್ಮಿಸಿದ ಚೇತನ್ ಖಾರ್ವಿ ಯವರನ್ನು ಗೌರವಿಸಲಾಯಿತು. ಗ್ರಾಪಂ ಅಧ್ಯಕ್ಷೆ ಗೀತಾ, ಉಪಾಧ್ಯಕ್ಷ ಶೇಖರ್ ಖಾರ್ವಿ, ಗ್ರಾಪಂ ಸದಸ್ಯರಾದ ಆನಂದ ಪೂಜಾರಿ, ಶಶಿಕಲಾ, ನೇತ್ರಾವತಿ, ಜಿಪಂ ಯೋಜನಾಧಿಕಾರಿ ಬಾಬು ಮೊದಲಾದವರು ಉಪಸ್ಥಿತರಿದ್ದರು. ಚಂದ್ರಶೆಟ್ಟಿ ನಿರ್ವಹಿಸಿದರು.
ಎಸಿಎ ಸ್ಪೋರ್ಟ್ಸ್ ಕ್ಲಬ್: ಅಮ್ಮುಂಜೆ ಎಸಿಎ ಸ್ಪೋರ್ಟ್ಸ್ ಕ್ಲಬ್ ಆವರಣದಲ್ಲಿ ಸ್ವಾತಂತ್ರ್ಯ ದಿನಾಚರಣೆಯನ್ನು ಆಚರಿಸಲಾಯಿತು.
ಧ್ವಜಾರೋಹಣವನ್ನು ಅಮ್ಮುಂಜೆ ಶಾಲೆಯ ನಿವೃತ್ತ ಶಿಕ್ಷಕ ದಿವಾಕರ್ ಶೆಟ್ಟಿ ನೆರವೇರಿಸಿದರು. ಕ್ಲಬ್ ಅಧ್ಯಕ್ಷ ಮೈಕಲ್ ಮಸ್ಕರೇನಸ್ ಸ್ವಾಗತಿಸಿದರು. ಕ್ಲಬ್ನ ಪದಾಧಿಕಾರಿಗಳು, ಸರ್ವ ಸದಸ್ಯರು ಹಾಗೂ ಸ್ಥಳೀಯರ ಉಪಸ್ಥಿತಿರಿದ್ದರು. ಕಾರ್ಯದರ್ಶಿ ಚಂದಪ್ಪಕಾರ್ಯಕ್ರಮ ನಿರೂಪಿಸಿದರು.
ಡಿವೈಎಫ್ಐ ಬಿ.ಸಿ.ರಸ್ತೆ: ಭಾರತ ಪ್ರಜಾಸತ್ತಾತ್ಮಕ ಯುವಜನ ಫೆಡರೇಶನ್ (ಡಿವೈಎಫ್ಐ) ಬಿ.ಸಿ.ರಸ್ತೆ ಘಟಕದ ಆಶ್ರಯದಲ್ಲಿ ಅಕ್ಷರ ಘಟಕದಲ್ಲಿ ನಡೆದ ಸ್ವಾತಂತ್ರ್ಯೋತ್ಸವ ದಿನಾಚರಣೆಯ ಧ್ವಜಾರೋಹಣವನ್ನು ಹಂಚು ಕಾರ್ಮಿಕ ಬಾಬು ಪೂಜಾರಿ ನೆರವೇರಿಸಿದರು.
ಮುಖ್ಯ ಅತಿಥಿಗಳಾಗಿ ಸಿಐಟಿಯು ಮುಖಂಡ ಸುರೇಶ್ ಕಲ್ಲಾಗರ ಮಾತನಾಡಿದರು. ಮಂಜುನಾಥ್ ಶೋಗನ್ ಸ್ವಾಗತಿಸಿದರು. ರವಿ ವಿ.ಎಂ. ವಂದಿಸಿದರು.
