ಕೆಂಪೇಗೌಡ ವಿಮಾನ ನಿಲ್ದಾಣದಲ್ಲಿ "ಡಿಜಿಯಾತ್ರೆ" ಆರಂಭ: ಆ್ಯಪ್ ಅಳವಡಿಸಿಕೊಂಡು ದೇಶದ 2ನೇ ವಿಮಾನ ನಿಲ್ದಾಣ
ಬೆಂಗಳೂರು: ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯದ ಮಹತ್ವದ ಯೋಜನೆಯಾದ "ಡಿಜಿಯಾತ್ರಾ" ಆಪ್ನ ಬೀಟಾ ಆವೃತ್ತಿಯನ್ನು ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅಳವಡಿಸಿಕೊಂಡಿದ್ದು, ಆಗಸ್ಟ್ 15ರಿಂದ ಪ್ರಾರಂಭಗೊಂಡಿದೆ.
ಡಿಜಿಯಾತ್ರ ಎನ್ನುವ ಆಪ್ನನ್ನು ಕೇಂದ್ರ ನಾಗರಿಕ ವಿಮಾನಯಾನ ಸಚಿವಾಲಯ ದೇಶದ ಎರಡು ವಿಮಾನ ನಿಲ್ದಾಣಗಳಲ್ಲಿ ಬಿಡುಗಡೆ ಮಾಡಿದ್ದು, ಅದರಲ್ಲಿ ಬೆಂಗಳೂರು ವಿಮಾನ ನಿಲ್ದಾಣ ಒಂದಾಗಿದೆ. ಡಿಜಿಯಾತ್ರ ಎಂದರೆ, ನಿಮ್ಮ ಫೇಸ್ಬಯೋಮೆಟ್ರಿಕ್ ಮೂಲಕ ಪ್ರಯಾಣಿಕರು ವಿಮಾನ ನಿಲ್ದಾಣವನ್ನು ಪ್ರವೇಶಿಸುವ ಯೋಜನೆಯಾಗಿದೆ. ಬೆಂಗಳೂರು ವಿಮಾನ ನಿಲ್ದಾಣದ ಇ-ಗೇಟ್ನಲ್ಲಿ ಡಿಜಿಯಾತ್ರಾ ಬಯೋಮೆಟ್ರಿಕ್ ಬೋರ್ಡಿಂಗ್ ಸಿಸ್ಟಮ್ ಅಳವಡಿಸಲಾಗಿದ್ದು, ಹಂತಹಂತವಾಗಿ ಎಲ್ಲಾ ಗೇಟ್ಗಳಲ್ಲಿ ಅಳವಡಿಸಲಾಗುವುದು. ಈ ಡಿಜಿಯಾತ್ರಾ ಬಯೋಮೆಟ್ರಿಕ್ ಸಿಸ್ಟಮ್ ನಿಮ್ಮ ಮುಖಚರ್ಯದಿಂದ ನಿಮ್ಮ ಗುರುತನ್ನ ನಿಖರವಾಗಿ ಪತ್ತೆಹಚ್ಚಲಿದ್ದು, ಈ ಮೂಲಕ ನಿಮ್ಮ ಬೋರ್ಡಿಂಗ್ ಪಾಸ್ ದೃಢೀಕರಿಸಲಿದೆ.
ಪ್ರಸ್ತುತ ಡಿಜಿಯಾತ್ರಾ ಆಪ್ನ ಯೋಜನೆಯನ್ನು ವಿಸ್ತಾರ ಏರ್ಲೈನ್ಸ್ ಹಾಗೂ ಏರ್ಏಷಿಯಾ ಅಳವಡಿಸಿಕೊಂಡಿದೆ. ಪ್ರಯಾಣಿಕರು ಈ ವಿಮಾನಗಳಲ್ಲಿ ಪ್ರಯಾಣಿಸಲು ಮೊದಲೇ ಡಿಜಿಯಾತ್ರಾ ಆಪ್ನನ್ನು ಪ್ಲೇಸ್ಟೋರ್ ಮೂಲಕ ಡೌನ್ಲೋನ್ ಮಾಡಿ, ನೋಂದಣಿ ಮಾಡಿಕೊಳ್ಳಬೇಕು. ಇನ್ನೊಂದು ತಿಂಗಳಲ್ಲಿ ಐಫೋನ್ ಮೊಬೈಲ್ ಬಳಕೆದಾರರಿಗೆ ಐಒಎಸ್ನಲ್ಲಿ ಲಭ್ಯವಾಗಲಿದೆ. ಈ ಕುರಿತು ಮಾತನಾಡಿದ ಬಿಐಎಎಲ್ನ ಸಿಇಒ ಹರಿಮರಾರ್, ಪ್ರಯಾಣಿಕರ ಪ್ರಯಾಣವನ್ನು ಸರಳೀಕರಿಸುವ ಉದ್ದೇಶವನ್ನು ನಾವು ಹಿಂದಿನಿಂದಲೂ ಹೊಂದಿದ್ದೆವು. ಇದೀಗ ಡಿಜಿಯಾತ್ರಾ ಸೆಂಟ್ರಲ್ ಇಕೋಸಿಸ್ಟಮ್ ಅಳವಡಿಕೆ ಮಾಡಿಕೊಳ್ಳುವ ಮೂಲಕ ಇನ್ನಷ್ಟು ಜನಸ್ನೇಹಿ ಮಾಡಲಾಗಿದೆ.
ಡಿಜಿಯಾತ್ರ ಆಪ್ನನ್ನು ಡಿವೈಸಿಇ, ವರ್ಲ್ಡ್ ವೈಡ್ ವೆಬ್ ಕನ್ಸಾರ್ಟಿಯಂ ವ್ಯಾಖ್ಯಾನಿಸಿದ ಮಾನದಂಡಗಳ ಅನ್ವಯ ನಿರ್ಮಿಸಲಾಗಿದ್ದು ಅದರಲ್ಲಿ ಪರಿಶೀಲಿಸಬಹುದಾದ ರುಜುವಾತುಗಳೊಂದಿಗೆ(ವೆರಿಫೈಯಬಲ್ ಕ್ರೆಡೆನ್ಷಿಯಲ್ಸ್-ವಿಸಿಗಳು) ಸೆಲ್ಫ್ ಸಾವರಿನ್ ಐಡೆಂಟಿಟಿ(ಎಸ್ಎಸ್ಐ), ಡಿಸೆಂಟ್ರಲೈಸ್ಡ್ ಐಡೆಂಟಿಫೈರ್ಸ್(ಡಿಐಡಿಗಳು) ಡಿಸ್ಟ್ರಿಬ್ಯೂಟೆಡ್ ಲೆಡ್ಜರ್ನ ವಿಶ್ವಾಸಾರ್ಹತೆ ಮತ್ತು ಖಾಸಗಿತನದ ವಿನ್ಯಾಸ ಹಾಗೂ ಖಾಸಗಿತನವನ್ನು ಸಹಜವಾಗಿ ಮೂಲಭೂತ ಸಿದ್ಧಾಂತಗಳಾಗಿ ಅಳವಡಿಸಿಕೊಳ್ಳಲಾಗಿದೆ. ಇದರಿಂದ ಖಾಸಗಿತನದ ಸಮಸ್ಯೆಗಳ ಕಾಳಜಿ ವಹಿಸಲಾಗುತ್ತದೆ ಮತ್ತು ಪ್ರಯಾಣಿಕರು ಅವರ ದತ್ತಾಂಶ ಹಂಚಿಕೊಳ್ಳುವ ಬಗ್ಗೆ ಆತಂಕ ಪಡಬೇಕಿಲ್ಲ. ಏಕೆಂದರೆ ಅದು ಸುರಕ್ಷಿತವಾಗಿರುತ್ತದೆ ಮತ್ತು ಅವರ ಪ್ರಯಾಣದ 24 ಗಂಟೆಗಳ ನಂತರ ವಿವರನ್ನು ಅಳಿಸಲಾಗುತ್ತದೆ.
ಡಿವೈಸಿಇ ಡಿಜಿ ಯಾತ್ರಾ ಫೌಂಡೇಷನ್(ಡಿವೈಎಫ್) ಉಪಕ್ರಮವಾಗಿದ್ದು 2019ರಲ್ಲಿ ಪ್ರಾರಂಭವಾದ ಜಂಟಿ ಸಹಯೋಗದ ಕಂಪನಿಯಾಗಿದೆ. ಬಿಐಎಎಲ್ ಅದರ ಪ್ರಮುಖ ಷೇರುದಾರರಲ್ಲಿ ಒಂದಾಗಿದೆ. ಡಿಜಿಯಾತ್ರಾ ಫೌಂಡೇಷನ್ ಅಖಿಲ ಭಾರತ ಸಂಸ್ಥೆಯಾಗಿದೆ ಮತ್ತು ಪ್ರಯಾಣಿಕರ ಗುರುತಿನ ದೃಢೀಕರಣ ಪ್ರಕ್ರಿಯೆಯ ಪಾಲಕನಾಗಿದೆ
