ಎಐಎಫ್ಎಫ್ ನಡೆಸಲು ನೇಮಿಸಿದ್ದ ಆಡಳಿತಗಾರರ ಸಮಿತಿ ರದ್ದುಪಡಿಸಿದ ಸುಪ್ರೀಂಕೋರ್ಟ್

ಹೊಸದಿಲ್ಲಿ: ಅಖಿಲ ಭಾರತ ಫುಟ್ಬಾಲ್ ಫೆಡರೇಶನ್ (ಎಐಎಫ್‌ಎಫ್) All India Football Federation (AIFF)ನಡೆಸಲು ಕಳೆದ ವರ್ಷ ನೇಮಿಸಿದ್ದ ಆಡಳಿತಗಾರರ ಸಮಿತಿಯನ್ನು (ಸಿಒಎ) ಸುಪ್ರೀಂ ಕೋರ್ಟ್(Supreme Court) ಸೋಮವಾರ  ರದ್ದುಗೊಳಿಸಿದೆ. ಹಂಗಾಮಿ ಪ್ರಧಾನ ಕಾರ್ಯದರ್ಶಿ ನೇತೃತ್ವದ AIFF ಆಡಳಿತವು ಭಾರತೀಯ ಫುಟ್ಬಾಲ್ ಸಂಸ್ಥೆಯ ದೈನಂದಿನ ನಿರ್ವಹಣೆಗೆ ನಿರ್ದೇಶನ ನೀಡಿದೆ. 

ನ್ಯಾಯಾಲಯವು ಒಂದು ವಾರ ಕಾಲಾವಕಾಶ ನೀಡುವ ಮೂಲಕ ಚುನಾವಣಾ ಪ್ರಕ್ರಿಯೆಯನ್ನು ಮಾರ್ಪಡಿಸಿದೆ. ನಾಮನಿರ್ದೇಶನ ಪ್ರಕ್ರಿಯೆಯಲ್ಲಿ ಪ್ರಸ್ತಾಪಿಸಲಾದ ಆಗಸ್ಟ್ 28 ರಂದು ನಿಗದಿಯಾಗಿದ್ದ ಎಐಎಫ್‌ಎಫ್ ಚುನಾವಣೆಯನ್ನು ಒಂದು ವಾರದವರೆಗೆ ಮುಂದೂಡಲು ಕೇಂದ್ರ ಸರಕಾರವು ಪ್ರಸ್ತಾಪಿಸಿತ್ತು.

ಚುನಾವಣೆಯ ಮತದಾರರ ಪಟ್ಟಿಯು ಸದಸ್ಯ ರಾಜ್ಯಗಳನ್ನು (35+1 ಅಸೋಸಿಯೇಟ್) ಒಳಗೊಂಡಿರುತ್ತದೆ.  ಅದೇ ಚುನಾವಣಾಧಿಕಾರಿಯು ಚುನಾವಣೆಗೆ ಮುಂದುವರಿಯುತ್ತಾರೆ ಎಂದು ನ್ಯಾಯಾಲಯ ಹೇಳಿದೆ.

ಆಗಸ್ಟ್ 28 ರಂದು ಸಿಒಎ ಅಧೀನದಲ್ಲಿ ಎಐಎಫ್‌ಎಫ್ ಚುನಾವಣೆಗಳನ್ನು ನಡೆಸುವಂತೆ ಆಗಸ್ಟ್ 3 ರಂದು ಸುಪ್ರೀಂ ಕೋರ್ಟ್ ಆದೇಶ ನೀಡಿತ್ತು. 36 ಪ್ರಸಿದ್ಧ ಆಟಗಾರರಿಗೆ ಮತದಾನದ ಹಕ್ಕು ನೀಡಿತು. ಆದರೆ ಎಲೆಕ್ಟೋರಲ್ ಕಾಲೇಜ್  ರಚಿಸುವ ವೈಯಕ್ತಿಕ ಸದಸ್ಯರ ಪರವಾಗಿಲ್ಲದ FIFA ಆಗಸ್ಟ್ 15 ರಂದು AIFF ಅನ್ನು ಅಮಾನತುಗೊಳಿಸಿತ್ತು.

ವಿಶ್ವದ ಅಗ್ರಮಾನ್ಯ  ಫುಟ್ಬಾಲ್ ಸಂಸ್ಥೆಯಾದ FIFA, "FIFA ಕಾನೂನುಗಳ ಸ್ಪಷ್ಟ ಉಲ್ಲಂಘನೆ" ಯ ಮೇಲೆ ತಕ್ಷಣವೇ ಜಾರಿಗೆ ಬರುವಂತೆ AIFF ಅನ್ನು ಅಮಾನತುಗೊಳಿಸಿದ ಒಂದು ವಾರದ ನಂತರ ಈ ಆದೇಶವು ಬಂದಿದೆ.

"ಎಐಎಫ್‌ಎಫ್‌ನ ಅಮಾನತು ಇಡೀ ದೇಶಕ್ಕೆ ಹಾಗೂ  ಎಲ್ಲಾ ಫುಟ್ಬಾಲ್ ಆಟಗಾರರಿಗೆ ನಷ್ಟವಾಗಿದೆ ” ಎಂದು ಕೇಂದ್ರದ ಪರವಾಗಿ ಹಾಜರಾದ ಸಾಲಿಸಿಟರ್ ಜನರಲ್ ತುಷಾರ್ ಮೆಹ್ತಾ ಸುಪ್ರೀಂ ಕೋರ್ಟ್‌ಗೆ ತಿಳಿಸಿದರು.

ಫಿಫಾ ಅಮಾನತಿನ ನಂತರ ಕ್ರೀಡಾ ಸಚಿವಾಲಯದ ಕೋರಿಕೆಯ ಮೇರೆಗೆ ಸುಪ್ರೀಂ ಕೋರ್ಟ್ ಇಂದು ಮಹತ್ವದ ವಿಚಾರಣೆಯನ್ನು ಕೈಗೆತ್ತಿಕೊಂಡಿದೆ.