ಆಲ್ಕೋಹಾಲ್‌ನಿಂದ ಅನೇಕ ಪ್ರಯೋಜನಗಳಿವೆ: ಚತ್ತೀಸ್‌ಗಢ ಸಚಿವರ ವೀಡಿಯೊ ವೈರಲ್

ರಾಯಪುರ, ಸೆ. 1: ಚತ್ತೀಸ್‌ಗಢ ಸಚಿವ ಡಾ. ಪ್ರೇಮ್‌ಸಾಯ್ ಸಿಂಗ್ ಟೆಕಾಮ್ ಆಲ್ಕೋಹಾಲ್‌ನಿಂದ ಹಲವು ಪ್ರಯೋಜನಗಳು ಇವೆ ಎಂದು ಹೇಳಿದ ವೀಡಿಯೊ ಸಾಮಾಜಿಕ ಜಾಲ ತಾಣದಲ್ಲಿ ವೈರಲ್ ಆಗಿದೆ. ಕಾಂಗ್ರೆಸ್ ನಾಯಕರಾಗಿರುವ ಟೆಕಾಮ್ ಅವರು ರಸ್ತೆ ಅಪಘಾತದ ಬಗ್ಗೆ ನೀಡಿದ ಹೇಳಿಕೆ ಕೂಡ ಸಾಮಾಜಿಕ ಜಾಲ ತಾಣದಲ್ಲಿ ವೈರಲ್ ಆಗಿದೆ.

‘‘ಜನರು ಆಲ್ಕೋಹಾಲ್ ಹಾಗೂ ಅದರಿಂದ ಉಂಟಾಗುವ ಹಾನಿ ಬಗ್ಗೆ ಮಾತನಾಡುತ್ತಾರೆ. ಆದರೆ, ಅದರ ಅನೇಕ ಪ್ರಯೋಜನಗಳ ಬಗ್ಗೆ ಯಾರೊಬ್ಬರೂ ಮಾತನಾಡುವುದಿಲ್ಲ. ಅಲ್ಲದೆ, ನಾವು ಆಲ್ಕೋಹಾಲ್ ಬಗ್ಗೆ ಮಾತನಾಡುವಾಗ, ಅದನ್ನು ಕುಡಿಯುವ ಸರಿಯಾದ ವಿಧಾನದ ಬಗ್ಗೆ ನೆನಪಿಟ್ಟುಕೊಳ್ಳಬೇಕು.  ಅದಕ್ಕೆ ಸರಿಯಾದ ಪ್ರಮಾಣದಲ್ಲಿ ನೀರು ಬೆರೆಸಿ ದುರ್ಬಲಗೊಳಿಸಬೇಕು’’ ಎಂದು ಕಾರ್ಯಕ್ರಮವೊಂದರಲ್ಲಿ ಅವರು ಹೇಳುತ್ತಿರುವುದು ವೀಡಿಯೊದಲ್ಲಿ ಕೇಳಿ ಬಂದಿದೆ.

‘‘ರಸ್ತೆಯ ಕಳಪೆ ಸ್ಥಿತಿಯ ಕುರಿತು ನಾವು ಜನರ ಹಲವು ಕರೆಗಳನ್ನು ಸ್ವೀಕರಿಸಿದ್ದೇವೆ. ಆದರೆ, ರಸ್ತೆ ಅಪಘಾತ ಈ ರಸ್ತೆಯಲ್ಲಿ ಮಾತ್ರ ಸಂಭವಿಸಿಲ್ಲ. ಉತ್ತಮ ರಸ್ತೆಯಲ್ಲೂ ಸಂಭವಿಸಿವೆ. ಜನರು ಅತಿ ವೇಗವಾಗಿ ವಾಹನ ಚಲಾಯಿಸುತ್ತಾರೆ. ಇದರಿಂದ ಅಪಘಾತ ಸಂಭವಿಸುತ್ತದೆ’’ ಎಂದು ಸಚಿವರು ಹೇಳುವುದು ವೀಡಿಯೊದಲ್ಲಿ ದಾಖಲಾಗಿದೆ.
ಈ ವೀಡಿಯೊ ಅಪ್‌ಲೋಡ್ ಆದ ಬಳಿಕ ಶಿಕ್ಷಣ ಸಚಿವರಾಗಿರುವ ಟೆಕಾಮ್ ಅವರ ಉತ್ತರದಾಯಿತ್ವದ ಕುರಿತಂತೆ ಸಾಮಾಜಿಕ ಜಾಲ ತಾಣದಲ್ಲಿ ತೀವ್ರ ಚರ್ಚೆಯಾಗುತ್ತಿದೆ.

#WATCH | At a de-addiction drive, Chhattisgarh Min Premsai Singh Tekam says, "There should be self-control. I once went to a meeting where they spoke for & against liquor. One side spoke of its benefits. Liquor should be diluted, there should be a duration (to consume it)"(31.8) pic.twitter.com/FE8HJd3ktD

— ANI MP/CG/Rajasthan (@ANI_MP_CG_RJ) September 1, 2022