ಪಾಕ್‌ ವಿರುದ್ಧದ ಪಂದ್ಯಾಟದಲ್ಲಿ ನನ್ನ ಮಗಳು ಭಾರತದ ಧ್ವಜ ಹಿಡಿದಿದ್ದಳು: ಶಾಹಿದ್‌ ಅಫ್ರಿದಿ ಹೇಳಿಕೆ
ಇಸ್ಲಾಮಾಬಾದ್: ಪಾಕ್‌ ಕ್ರಿಕೆಟ್ ತಂಡದ ಮಾಜಿ ಕ್ಯಾಪ್ಟನ್ ಶಾಹಿದ್‌ ಅಫ್ರೀದಿಯವರ ಕಿರಿಯ ಮಗಳು ಭಾರತ-ಪಾಕ್‌ ಪಂದ್ಯಾಟದ ವೇಳೆ ಭಾರತದ ಧ್ವಜವನ್ನು ಹಾರಿಸಿದ್ದಾರೆ. ಇದನ್ನು ಸ್ವತಃ ಶಾಹಿದಿ ಅಫ್ರೀದಿಯೇ ಬಹಿರಂಗಪಡಿಸಿದ್ದಾರೆ.
ಇತ್ತೀಚೆಗೆ ನಡೆದ ಏಷ್ಯಾ ಕಪ್ 2022 ರಲ್ಲಿ, ಭಾರತ ಮತ್ತು ಪಾಕಿಸ್ತಾನ (IND vs PAK) ಆಗಸ್ಟ್ 28 ರಂದು ಮತ್ತು ನಂತರ ಸೆಪ್ಟೆಂಬರ್ 4 ರಂದು ಮುಖಾಮುಖಿಯಾಗಿದ್ದವು. ಮೊದಲ ಪಂದ್ಯದಲ್ಲಿ ಟೀಂ ಇಂಡಿಯಾ ಗೆದ್ದರೂ ಎರಡನೇ ಪಂದ್ಯದಲ್ಲಿ ಪಾಕಿಸ್ತಾನ ಗೆಲುವು ಸಾಧಿಸಿತ್ತು.
ದುಬೈ ಅಂತಾರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಈ ಹೈವೋಲ್ಟೇಜ್‌ ಪಂದ್ಯಾಟ ವೀಕ್ಷಿಸಲು ಅಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಸ್ಟೇಡಿಯಂಗೆ ಆಗಮಿಸಿದ್ದರು.
ಈ ಪಂದ್ಯದ ಬಗ್ಗೆ ಪಾಕಿಸ್ತಾನದ ಟಿವಿ ಚಾನೆಲ್‌ ಒಂದರಲ್ಲಿ ಮಾತನಾಡುತ್ತಿದ್ದ ಶಾಹಿದ್‌ ಅಫ್ರೀದಿ, ತನ್ನ ಮಗಳು ಭಾರತದ ತ್ರಿವರ್ಣ ಧ್ವಜ ಹಿಡಿದ ಪ್ರಸಂಗವನ್ನು ವಿವರಿಸಿದ್ದಾರೆ.
“ಭಾರತ-ಪಾಕಿಸ್ತಾನ ಪಂದ್ಯ ನಡೆಯುವಾಗ ಸ್ಟೇಡಿಯಂನಲ್ಲಿದ್ದ ಹೆಚ್ಚಿನ ಅಭಿಮಾನಿಗಳು ಭಾರ”ದವರು" ಎಂದು ಚರ್ಚೆಯ ನಡುವೆ ನಿರೂಪಕರು ಗಮನ ಸೆಳೆಯುತ್ತಾರೆ. ಇದಕ್ಕೆ ಪ್ರತಿಕ್ರಿಯಿಸಿದ ಅಫ್ರೀದಿ, 'ಹೌದು, ನನ್ನ ಕುಟುಂಬ ಅಲ್ಲಿ (ಸ್ಟೇಡಿಯಂನಲ್ಲಿ) ಕುಳಿತಿತ್ತು, ಅವರು ನನಗೆ ಹೇಳುತ್ತಿದ್ದರು. ವೀಡಿಯೋವನ್ನು ನನಗೆ ಕಳುಹಿಸುತ್ತಿದ್ದರು, ನಾನು ನೋಡುತ್ತಿದ್ದೆ. ಕೇವಲ 10 ಪ್ರತಿಶತ ಪಾಕಿಸ್ತಾನಿಗಳು ಇಲ್ಲಿದ್ದಾರೆ. ಉಳಿದ 90 ಪ್ರತಿಶತ ಭಾರತೀಯರು ಎಂದು ನನ್ನ ಹೆಂಡತಿ ನನಗೆ ತಿಳಿಸಿದರುʼ ಎಂದು ಹೇಳಿದರು.
'ಪಾಕಿಸ್ತಾನದ ಧ್ವಜ ಕೂಡ ಅಲ್ಲಿ ಲಭ್ಯವಿರಲಿಲ್ಲ. ನನ್ನ ಕಿರಿಯ ಮಗಳು ಕೈಯಲ್ಲಿ ಭಾರತದ ಧ್ವಜವನ್ನು ಹಿಡಿದು ಹಾರಿಸಿದ್ದಳು. ನನ್ನ ಬಳಿ ಅದರ ವಿಡಿಯೋ ಇದೆ, ಆದರೆ ಅದನ್ನು ಟ್ವೀಟ್ ಮಾಡಬೇಕೋ ಬೇಡವೋ ಎಂದು ನನಗೆ ಅರ್ಥವಾಗುತ್ತಿಲ್ಲʼ ನಗುತ್ತಾ ಅಫ್ರೀದಿ ಹೇಳಿದ್ದಾರೆ.
Why Shahid Afridi's daughter was holding Indian flag???…#pakvsindia #PakvInd #INDvPAK pic.twitter.com/nV4HTMgodR
— Muhammad Noman (@nomanedits) September 5, 2022
