ಮಂಗಳೂರು: ಅ.2ರಂದು ಸಿಟಿ ಗೋಲ್ಡ್ನ ‘ಕೆವಾ ಬಾಕ್ಸ್’ ಅಧಿಕೃತ ಅನಾವರಣ
ಮಂಗಳೂರು, ಅ.1: ಜುವೆಲ್ಲರಿ ಕ್ಷೇತ್ರದಲ್ಲಿ ಅಂತರ್ ರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಂಡಿರುವ ಸಿಟಿ ಗೋಲ್ಡ್ನ ಅಂಗಸಂಸ್ಥೆ ‘ಕೆವಾ ಬಾಕ್ಸ್’ನ ಅಧಿಕೃತ ಅನಾವರಣ ಕಾರ್ಯಕ್ರಮವು ನಗರದ ನೆಕ್ಸಸ್ ಮಾಲ್(ಫಿಝಾ ಮಾಲ್)ನಲ್ಲಿ ‘ಸಾಂಸ್ಕೃತಿಕ ವೈಶಿಷ್ಟ್ಯ: ನಮಸ್ತೆ ಇಂಡಿಯಾ’ ಎಂಬ ವಿಶೇಷ ಕಾರ್ಯಕ್ರಮದೊಂದಿಗೆ ಅ.2ರಂದು ಸಂಜೆ 5.30ಕ್ಕೆ ನಡೆಯಲಿದೆ.
ವಿಶ್ವದ ಆಭರಣ ಕೇಂದ್ರಗಳಾಗಿ ಗುರುತಿಸಿಕೊಂಡಿರುವ ಭಾರತ, ಇಟಲಿ ಮತ್ತು ಟರ್ಕಿಯ ಹಗುರ ಹಾಗೂ ನವನವೀನ ಕಲಾತ್ಮಕತ ವಿನ್ಯಾಸಗಳಿಂದ ರೂಪಿಸಲಾದ ಚಿನ್ನಾಭರಣಗಳ ಅಪಾರ ಸಂಗ್ರಹವನ್ನು ಕೆವಾ ಬಾಕ್ಸ್ ಹೊಂದಿದೆ.
ದುಬೈನಲ್ಲಿ ಪ್ರಧಾನ ಕಚೇರಿ ಹೊಂದಿರುವ ಬಹುರಾಷ್ಟ್ರೀಯ ಸಂಘಟಿತ ಸಂಸ್ಥೆಯಾದ ಪ್ರೈಡ್ ಗ್ರೂಪ್ನ ಸಹಭಾಗಿತ್ವ ಮತ್ತು ಸಿಟಿಗೋಲ್ಡ್, ಡೈಮಂಡ್ಸ್ ಗ್ರೂಪ್ನ ಆಶ್ರಯದಲ್ಲಿ ಆರು ತಿಂಗಳ ಹಿಂದೆ ನೆಕ್ಸಸ್ ಮಾಲ್ನಲ್ಲಿ ಕೆವಾ ಬಾಕ್ಸ್ ಕಾರ್ಯಾರಂಭಿಸಿದೆ.
ಫ್ಯಾಶನ್ ಆಭರಣ ಪ್ರಿಯರ ಬೇಡಿಕೆಗಳನ್ನು ಪೂರೈಸುವ ನಿಟ್ಟಿನಲ್ಲಿ ಕೆವಾ ಬಾಕ್ಸ್ ತನ್ನ ಮಳಿಗೆಗಳನ್ನು ಶೀಘ್ರದಲ್ಲೇ ದುಬೈ, ಬೆಂಗಳೂರು ಮತ್ತು ಇತರ ಮಹಾನಗರಗಳಿಗೆ ವಿಸ್ತರಿಸಲು ಮುಂದಾಗಿದೆ. ಮುಂದಿನ ವರ್ಷಗಳಲ್ಲಿ ಭಾರತಾದ್ಯಂತ 50 ಮಳಿಗೆಗಳನ್ನು ತೆರೆಯುವ ಉದ್ದೇಶ ಹೊಂದಲಾಗಿದ್ದು, ವೇಗವಾಗಿ ಬೆಳೆಯುತ್ತಿರುವ ನೂತನ ಜುವೆಲ್ಲರಿ ಬ್ರಾಂಡ್ ಆಗಿ ಈಗಾಗಲೇ ಕೆವಾ ಬಾಕ್ಸ್ ಅಂತರ್ ರಾಷ್ಟ್ರೀಯ ಐಕಾನಿಕ್ ಪ್ರಶಸ್ತಿಯನ್ನು ಕೂಡಾ ಪಡೆದಿದೆ.
‘ಸಾಂಸ್ಕೃತಿಕ ವೈಶಿಷ್ಟ್ಯ: ನಮಸ್ತೇ ಇಂಡಿಯಾ’ ವಿಶೇಷ ಕಾರ್ಯಕ್ರಮದಲ್ಲಿ ಬಾಲಿವುಡ್ ಸೆಲೆಬ್ರಿಟಿ ಡೈಸಿ ಶಾ ಭಾಗವಹಿಸಲಿದ್ದಾರೆ. ಖ್ಯಾತ ಸಾಂಸ್ಕೃತಿಕ ತಂಡವಾದ ಹರಿ ಮತ್ತು ಚೇತನಾ ಅವರಿಂದ ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಇದೇ ವೇಳೆ ಭಾರತದ ಫ್ಯಾಶನ್ ಉದ್ಯಮದ ಪ್ರಮುಖ ದಿಗ್ಗಜರಿಂದ ಫ್ಯಾಶನ್ ಶೋ ಕೂಡಾ ಆಯೋಜಿಸಲಾಗಿದೆ ಎಂದು ಸಿಟಿ ಗೋಲ್ಡ್ನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಕೆವಾ ಬಾಕ್ಸ್ನ ಸ್ಥಾಪಕ ಸಿಇಒ ಮುಹಮ್ಮದ್ ದಿಲ್ಶಾದ್ ತಿಳಿಸಿದ್ದಾರೆ.
