ಕಾಬೂಲ್: ಮಸೀದಿ ಬಳಿ ಬಾಂಬ್ ಸ್ಫೋಟಇಬ್ಬರು ಮೃತ್ಯು

 ಕಾಬೂಲ್, ಅ.5: ಅಫ್ಘಾನಿಸ್ತಾನದ ರಾಜಧಾನಿ ಕಾಬೂಲ್ನಲ್ಲಿನ ಸರಕಾರಿ ಕಟ್ಟಡದ ಕಂಪೌಂಡ್ನಲ್ಲಿರುವ ಮಸೀದಿಯ ಮೇಲೆ ಬುಧವಾರ ನಡೆದ ಆತ್ಮಾಹುತಿ ಬಾಂಬ್ ದಾಳಿಯಲ್ಲಿ ಇಬ್ಬರು ಮೃತಪಟ್ಟಿದ್ದು 20ಕ್ಕೂ ಅಧಿಕ ಮಂದಿ ಗಾಯಗೊಂಡಿರುವುದಾಗಿ ವರದಿಯಾಗಿದೆ.

 ಕಾಬೂಲ್ನಲ್ಲಿನ ಆಂತರಿಕ ಸಚಿವಾಲಯದ ಕಂಪೌಂಡ್ನಲ್ಲಿರುವ ಮಸೀದಿಯಲ್ಲಿ ಬಾಂಬ್ ಸ್ಫೋಟಿಸಿದಾಗ ಮಸೀದಿಯಲ್ಲಿ ಪ್ರಾರ್ಥನೆ ಸಲ್ಲಿಸುತ್ತಿದ್ದವರು ಹಾಗೂ ಸಂದರ್ಶಕರು ಗಾಯಗೊಂಡಿದ್ದಾರೆ. ತೀವ್ರ ಗಾಯಗೊಂಡ ಇಬ್ಬರು ಆಸ್ಪತ್ರೆಗೆ ದಾಖಲಿಸುವ ಸಂದರ್ಭ ಕೊನೆಯುಸಿರು ಎಳೆದಿದ್ದಾರೆ ಎಂದು ತಾಲಿಬಾನ್ ಅಧಿಕಾರಿಗಳು ಹೇಳಿದ್ದಾರೆ.