ನೈಜೀರಿಯಾ ಪ್ರವಾಹ: ಮೃತರ ಸಂಖ್ಯೆ 603ಕ್ಕೆ ಏರಿಕೆ

ಲಾಗೊಸ್, ಅ.17. ದಶಕದಲ್ಲೇ ಅತ್ಯಂತ ಭೀಕರ ಪ್ರವಾಹದಿಂದ ತತ್ತರಿಸಿರುವ  ನೈಜೀರಿಯಾದಲ್ಲಿ ಪ್ರವಾಹದಿಂದ ಮೃತಪಟ್ಟಿರುವವರ ಸಂಖ್ಯೆ 603ಕ್ಕೆ ಏರಿಕೆಯಾಗಿದೆ ಎಂದು ನೈಜೀರಿಯಾದ ಮಾನವೀಯ ವ್ಯವಹಾರಗಳ ಇಲಾಖೆ ಹೇಳಿದೆ.

1.3 ದಶಲಕ್ಷಕ್ಕೂ ಅಧಿಕ ಜನತೆಯನ್ನು ಸ್ಥಳಾಂತರಿಸಲಾಗಿದೆ. 82,000ಕ್ಕೂ ಅಧಿಕ ಮನೆಗಳು , 1,10,000 ಹೆಕ್ಟೇರ್ನಷ್ಟು ಕೃಷಿ ಭೂಮಿಗೆ ಸಂಪೂರ್ಣ ಹಾನಿಯಾಗಿದೆ. ತಗ್ಗು ಪ್ರದೇಶಗಳಲ್ಲಿ ನೆರೆನೀರು ತುಂಬಿದ್ದು ಜನಜೀವನ ಅಸ್ತವ್ಯಸ್ತವಾಗಿದೆ ಎಂದು ಇಲಾಖೆಯ ಸಚಿವ ಸದಿಯಾ ಉಮರ್ ಫರೂಕ್ ಹೇಳಿದ್ದಾರೆ.