ಉತ್ತರಪ್ರದೇಶ ಪೊಲೀಸರು ಹಲವು ಬಾರಿ 'ನಿರಪರಾಧಿ'ಗಳನ್ನು ಬಂಧಿಸಿದ್ದಾರೆ: ಉತ್ತರಾಖಂಡದ ಉನ್ನತ ಅಧಿಕಾರಿ ಆರೋಪ

ಡೆಹ್ರಾಡೂನ್: ಮರಳು ಗಣಿಗಾರಿಕೆ ಮಾಫಿಯಾವನ್ನು ಮುಂದಿಟ್ಟುಕೊಂಡು ಉತ್ತರಾಖಂಡದಲ್ಲಿ ನಡೆಸಿದ ವಿಫಲ ದಾಳಿಯಲ್ಲಿ ಸ್ಥಳೀಯ ಬಿಜೆಪಿ ಮುಖಂಡನ ಪತ್ನಿ ಸಾವನ್ನಪ್ಪಿದ ನಂತರ  ಉತ್ತರಾಖಂಡ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ರಾಧಾ ರಾತುರಿ (Uttarakhand Additional Chief Secretary Radha Raturi) ಅವರು ಉತ್ತರ ಪ್ರದೇಶ ಪೊಲೀಸರೊಂದಿಗೆ ಸೋಮವಾರ ವಾಗ್ಯುದ್ದಕ್ಕೆ ಇಳಿದಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಉತ್ತರಾಖಂಡದ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ರಾಧಾ ರಾತುರಿ, "ಅಪರಾಧಗಳನ್ನು ಸರಿಯಾಗಿ ತನಿಖೆ ಮಾಡಬೇಕು ಹಾಗೂ  ತಪ್ಪಿತಸ್ಥರಿಗೆ ಶಿಕ್ಷೆಯಾಗಬೇಕು, ನಿರಪರಾಧಿಗಳಲ್ಲ'' ಎಂದಿದ್ದಾರೆ.

"ಹಲವು ಬಾರಿ ಉತ್ತರ ಪ್ರದೇಶ ಪೊಲೀಸರು ಅಮಾಯಕರನ್ನು ಹಿಡಿದು ಅವರು ತಪ್ಪಿತಸ್ಥರೆಂದು ಹೇಳಿಕೊಳ್ಳುತ್ತಾರೆ. ಅದು ಹಾಗಾಗಬಾರದು. ಒಬ್ಬ ಅಮಾಯಕನನ್ನು ಹಿಡಿಯುವುದು ಇನ್ನೂ 99 ಆರೋಪಿಗಳ ಉದಯಕ್ಕೆ ಕಾರಣವಾಗಬಹುದು" ಎಂದು ಅವರು ಹೇಳಿದರು.

ರಾಧಾ ರಾತುರಿ ಹೇಳಿಕೆಗೆ ಪ್ರತಿಕ್ರಿಯಿಸಿದ ಉತ್ತರ ಪ್ರದೇಶ ಪೊಲೀಸರು ಇದನ್ನು "ಬೇಜವಾಬ್ದಾರಿ" ಎಂದು ಹೇಳಿಕೆ ಎಂದು ಕರೆದರು ಮತ್ತು ಐಎಎಸ್ ಅಧಿಕಾರಿಗಳು ಇಂತಹ ಹೇಳಿಕೆಗಳಿಂದ ದೂರವಿರಬೇಕು ಎಂದು ಹೇಳಿದರು.