ನ.3: ಸಿಟಿ ಗೋಲ್ಡ್‌ನಿಂದ ‘ವೆಡ್ಡಿಂಗ್ ಆಫ್ ವಂಡರ್ಸ್‌’ ಪ್ರಯುಕ್ತ ಪ್ರದರ್ಶನ ಮೇಳಕ್ಕೆ ಚಾಲನೆ
ಮಂಗಳೂರು, ನ.2: ನಗರದ ಕಂಕನಾಡಿ ಬೈಪಾಸ್ ರಸ್ತೆಯಲ್ಲಿರುವ ಸಿಟಿ ಗೋಲ್ಡ್ ವತಿಯಿಂದ ನಡೆಯುವ ‘ವೆಡ್ಡಿಂಗ್ ಆಫ್ ವಂಡರ್ಸ್‌’ (ವೋವ್) ಪ್ರಯುಕ್ತದ ಪ್ರದರ್ಶನ ಮೇಳಕ್ಕೆ ನ.3ರಂದು ಚಾಲನೆ ನೀಡಲಾಗುವುದು.
ನ.3ರಿಂದ ಡಿಸೆಂಬರ್ 15ರವರೆಗೆ ‘ವೆಡ್ಡಿಂಗ್ ಆಫ್ ವಂಡರ್ಸ್‌’ (ವೋವ್) ನಡೆಯಲಿದೆ. ಆ ಹಿನ್ನೆಲೆಯಲ್ಲಿ ನ.3ರಿಂದ ನ.6ರವರೆಗೆ ಬೃಹತ್ ಪ್ರದರ್ಶನ ಮೇಳವನ್ನು ಸಿಟಿ ಗೋಲ್ಡ್ ಶೋರೂಮ್‌ನಲ್ಲಿ ಆಯೋಜಿಸಲಾಗಿದೆ.
ಈ ಪ್ರದರ್ಶನ ಮೇಳವನ್ನು ನ.3ರಂದು ಸಂಜೆ 4ಕ್ಕೆ ಎಐಸಿಸಿ ವಕ್ತಾರೆ ಲಾವಣ್ಯ ಬಲ್ಲಾಳ್ ಉದ್ಘಾಟಿಸಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ವೈದ್ಯೆ ಡಾ. ವಿದ್ಯಾ ಶಾರದಾ ಭಟ್ ಕೆ., ಆಯಿಶಾಝ್ ಮೇಕ್ ಓವರ್‌ನ ಮಾಲಕಿ ಆಯಿಶಾ ಶಹನಾಝ್, ಪ್ರೊ-ಮೇಕಪ್ ಆರ್ಟಿಸ್ಟ್ ವಸೀಲಾ ಝಕರಿಯಾ, ಮರ್ಸಿ ಬ್ಯೂಟಿ ಅಕಾಡಮಿಯ ಮರ್ಸಿ ವೀಣಾ ಡಿಸೋಜ, ವೆಡ್ಡಿಂಗ್ ಫೋಟೋಗ್ರಾಫರ್ ಶಾಹಿನಾ ಭಾಗವಹಿಸಲಿದ್ದಾರೆ.
ನಾಲ್ಕು ದಿನಗಳ ಕಾಲ ನಡೆಯುವ ಪ್ರದರ್ಶನ ಮೇಳದಲ್ಲಿ ದೇಶ ವಿದೇಶಗಳ ಪಾರಂಪರಿಕ ಚಿನ್ನಾಭರಣಗಳು ಹಾಗೂ ವಜ್ರ ವೈಢೂರ್ಯಗಳ ಬೃಹತ್ ಸಂಗ್ರಹಗಳಲ್ಲದೆ ವಿಂಟೇಜ್ ಪ್ರೀಮಿಯಂ ಆಂಟಿಕ್ ಕಲೆಕ್ಷನ್‌ಗಳು, ಮೆಹರ್ ವೆಡ್ಡಿಂಗ್ , ಕೆನ್ನ ಡೈಮಂಡ್, ಜೈಪುರ್ ಟ್ರೆಂಡಿ ಅಂಟಿಕ್, ಫ್ಲೋರಾ ಫಿರೋಜ್ಜಾ ಆಂಟಿಕ್‌ಗಳು, ಬಿಕಾನೇರ್ ಎತ್ನಿಕ್ ಕಲೆಕ್ಷನ್, ಮನಾಮ ಕಲೆಕ್ಷನ್, ಬಾಂಬೆ ಆಂಟಿಕ್ ಕಲೆಕ್ಷನ್ಸ್ ಹಾಗೂ ದೇಶ ವಿದೇಶಗಳ ಪಾರಂಪರಿಕ ಚಿನ್ನಾಭರಣಗಳು ಮತ್ತು ವಜ್ರಗಳ ಪ್ರದರ್ಶನವೂ ನಡೆಯಲಿದೆ.
ಈ ಸಂದರ್ಭ ಪ್ರಮುಖ ಚಿತ್ರನಟ-ನಟಿಯರು, ಪ್ರಸಿದ್ಧ ಮೇಕಪ್ ಆರ್ಟಿಸ್ಟ್‌ಗಳು ಹಾಗೂ ಮೋಡಲ್‌ಗಳು ಭಾಗವಹಿಸಲಿದ್ದಾರೆ.
ಪ್ರದರ್ಶನ ಮೇಳದ ಪ್ರಯುಕ್ತ ಚಿನ್ನಾಭರಣ ಖರೀದಿ ಹಾಗೂ ಮೇಕಿಂಗ್ ಚಾರ್ಜ್ ಮೇಲೆ ಶೇ.50 ಡಿಸ್ಕೌಂಟ್ ನೀಡಲಾಗುವುದು. ಹೆಚ್ಚುವರಿಯಾಗಿ ಶೇ.10 ಮುಂದಿನ ಖರೀದಿಗೆ ಮೇಕಿಂಗ್ ಚಾರ್ಜ್ ಮೇಲೆ ರಿಯಾಯಿತು ನೀಡಲಾಗುವುದು. ವಜ್ರಾಭರಣಗಳ ಖರೀದಿಯ ಮೇಲೆ ಶೇ.25 ಹಾಗೂ ಹೆಚ್ಚುವರಿಯಾಗಿ ಮುಂದಿನ ಖರೀದಿಗೆ ಶೇ.5 ರಿಯಾಯಿತಿ ನೀಡಲಾಗುವುದು ಎಂದು ಸಂಸ್ಥೆಯು ಪ್ರಕಟನೆಯಲ್ಲಿ ತಿಳಿಸಿದೆ.
