ಸ್ವತಂತ್ರ ಭಾರತದ ಮೊದಲ ಮತದಾರ ಶ್ಯಾಮ್ ಸರನ್ ನೇಗಿ ನಿಧನ

ಕಿನ್ನೌರ್ (ಹಿಮಾಚಲ ಪ್ರದೇಶ): ಸ್ವತಂತ್ರ ಭಾರತದ ಮೊದಲ ಮತದಾರ, 106 ವರ್ಷದ ಶ್ಯಾಮ್ ಸರನ್ ನೇಗಿ Shyam Saran Negi, India's First Voter ಅವರು ರಾಜ್ಯದ 14 ನೇ ವಿಧಾನಸಭಾ ಚುನಾವಣೆಯಲ್ಲಿ ತನ್ನ ಕೊನೆಯ ಮತ ಚಲಾಯಿಸಿದ ಕೆಲವೇ ದಿನಗಳಲ್ಲಿ ಹಿಮಾಚಲ ಪ್ರದೇಶದ ಕಲ್ಪಾದಲ್ಲಿರುವ ತಮ್ಮ ನಿವಾಸದಲ್ಲಿ ಶನಿವಾರ ನಿಧನರಾದರು.

ನೇಗಿ ಅವರು ಸ್ವತಂತ್ರ ದೇಶದಲ್ಲಿ ಅಕ್ಟೋಬರ್ 23, 1951 ರಂದು ಕಲ್ಪಾ ಮತಗಟ್ಟೆಯಲ್ಲಿ ತಮ್ಮ ಮೊದಲ ಮತವನ್ನು ಚಲಾಯಿಸಿದ್ದರು. ದೇಶದ ಮೊದಲ ಮತದಾರರಾದರು. ಅವರು ಈ ವರ್ಷದ ನವೆಂಬರ್ 2 ರಂದು 34 ನೇ ಬಾರಿಗೆ ಮತ ಚಲಾಯಿಸಿದರು, ಅದು ಅವರ ಕೊನೆಯ ಮತವಾಯಿತು. ಈ ಸಾಧನೆಯನ್ನು ಪ್ರಧಾನಿ ನರೇಂದ್ರ ಮೋದಿ ಮೆಚ್ಚಿಕೊಂಡಿದ್ದಾರೆ.

"ಇದು ಶ್ಲಾಘನೀಯ ಮತ್ತು ಚುನಾವಣೆಯಲ್ಲಿ ಭಾಗವಹಿಸಲು ಮತ್ತು ನಮ್ಮ ಪ್ರಜಾಪ್ರಭುತ್ವವನ್ನು ಬಲಪಡಿಸಲು ಯುವ ಮತದಾರರಿಗೆ ಸ್ಫೂರ್ತಿಯಾಗಬೇಕು" ಎಂದು ಪ್ರಧಾನಿ ಮೋದಿ ಟ್ವೀಟ್ ಮಾಡಿದ್ದಾರೆ.

106 ವರ್ಷದ ನೇಗಿ ಅವರು ನವೆಂಬರ್ 2 ರಂದು ಅಂಚೆ ಮತಪತ್ರದ ಮೂಲಕ ಮತ ಚಲಾಯಿಸಿದ್ದರು.

ನೇಗಿ ಅವರ ನಿಧನಕ್ಕೆ ಮುಖ್ಯಮಂತ್ರಿ ಜೈರಾಮ್ ಠಾಕೂರ್ ಸಾಂತ್ವನ ಹೇಳಿದರು ಮತ್ತು ದೇಶದ ಮೊದಲ ಮತದಾರ ತನ್ನ ಕೊನೆಯ ಮತವನ್ನು ಚಲಾಯಿಸಿದ ನೆನಪು "ಯಾವಾಗಲೂ ಭಾವನಾತ್ಮಕವಾಗಿರುತ್ತದೆ" ಎಂದು ಹೇಳಿದರು.

ಜನವರಿ ಹಾಗೂ  ಫೆಬ್ರವರಿ 1952 ರಲ್ಲಿ ದೇಶದ ಸಾರ್ವತ್ರಿಕ ಚುನಾವಣೆಗಳನ್ನು ನಡೆಸಿದ್ದರಿಂದ ಮಾಸ್ಟರ್ ಶ್ಯಾಮ್ ಎಂದು ಕರೆಯಲ್ಪಡುವ ನೇಗಿ ಅವರು ಭಾರತೀಯ ಪ್ರಜಾಪ್ರಭುತ್ವದ ಮೊದಲ ಮತದಾರರಾದರು. ಹಿಮ ಮತ್ತು ಹವಾಮಾನ ಪರಿಸ್ಥಿತಿಗಳನ್ನು ಗಮನದಲ್ಲಿಟ್ಟುಕೊಂಡು ಹಿಮಾಚಲ ಪ್ರದೇಶದಲ್ಲಿ ಅಕ್ಟೋಬರ್ 1951 ರಲ್ಲಿ ಮತದಾನವನ್ನು ನಡೆಸಲಾಯಿತು.  ನೇಗಿ ಅವರು 1951 ರಿಂದ ಪ್ರತಿ ಲೋಕಸಭೆ, ವಿಧಾನಸಭೆ ಹಾಗೂ  ಎಲ್ಲಾ ಸ್ಥಳೀಯ ಸಂಸ್ಥೆಗಳ ಚುನಾವಣೆಗಳಲ್ಲಿ ಮತ ಚಲಾಯಿಸಿದ್ದಾರೆ.

ಜುಲೈ 1917 ರಲ್ಲಿ ಹಿಮಾಚಲ ಪ್ರದೇಶದ ಕಿನ್ನೌರ್ ಜಿಲ್ಲೆಯಲ್ಲಿ ಜನಿಸಿದ್ದ ನೇಗಿ ಅವರು 2014 ರಿಂದ ರಾಜ್ಯದ ಐಕಾನ್ ಆಗಿದ್ದರು. ಅವರು ಲೋಕಸಭೆ ಚುನಾವಣೆಯಲ್ಲಿ 16 ಬಾರಿ ಮತ ಚಲಾಯಿಸಿದ್ದರು.

Not just first voter of Independent India,but a man with exceptional faith in #democracy.

ECI mourns the demise of Shri Shyam Saran Negi. We are eternally grateful for his service to the Nation. https://t.co/IdmJFXXhFf

— Election Commission of India #SVEEP (@ECISVEEP) November 5, 2022