ರೊನಾಲ್ಡೊ ನಿರ್ಗಮನ: ಮ್ಯಾಂಚೆಸ್ಟರ್ ಯುನೈಟೆಡ್ ಕ್ಲಬ್ ಮಾರಾಟಕ್ಕೆ ಮುಂದಾದ ಮಾಲಕರು

ಲಂಡನ್: ನಮ್ಮ ಕ್ಲಬ್ ಅನ್ನು ಮಾರಾಟ ಮಾಡಲು ಸಿದ್ಧರಿದ್ದೇವೆ ಎಂದು ಮ್ಯಾಂಚೆಸ್ಟರ್ ಯುನೈಟೆಡ್‌ನ ಮಾಲಿಕರು ಮಂಗಳವಾರ ಹೇಳಿದ್ದಾರೆ.

 ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ "ತಕ್ಷಣವೇ" ದೊಂದಿಗೆ ಕ್ಲಬ್ ತೊರೆದಿದ್ದಾರೆ. ಪರಸ್ಪರ ಒಪ್ಪಂದದ ಮೂಲಕ ರೊನಾಲ್ಡೊ ಅವರೊಂದಿಗಿನ ಒಪ್ಪಂದವನ್ನು ಕೊನೆಗೊಳಿಸಲಾಗಿದೆ ಎಂದು ಈ ಹಿಂದೆ ಮ್ಯಾಂಚೆಸ್ಟರ್ ಯುನೈಟೆಡ್ ಪ್ರಕಟಿಸಿತ್ತು.

ಆ ನಾಟಕೀಯ ಘೋಷಣೆಯ ಕೆಲವೇ ಗಂಟೆಗಳ ನಂತರ ಅಮೆರಿಕ ಮೂಲದ ಗ್ಲೇಝರ್ ಕುಟುಂಬವು ಕ್ಲಬ್ ಅನ್ನು ಮಾರಾಟ ಮಾಡುವುದಾಗಿ ಘೋಷಿಸಿದೆ.

"ಕ್ಲಬ್‌ಗೆ ಹೊಸ ಹೂಡಿಕೆ, ಮಾರಾಟ ಅಥವಾ ಕಂಪನಿಯನ್ನು ಒಳಗೊಂಡ ಇತರ ವಹಿವಾಟುಗಳು ಸೇರಿದಂತೆ ಎಲ್ಲಾ ಕಾರ್ಯತಂತ್ರದ ಪರ್ಯಾಯಗಳನ್ನು ಮಂಡಳಿಯು ಪರಿಗಣಿಸುತ್ತದೆ" ಎಂದು ಯುನೈಟೆಡ್ ಹೇಳಿಕೆಯೊಂದರಲ್ಲಿ ತಿಳಿಸಿದೆ.

ಅಲೆಕ್ಸ್ ಫರ್ಗುಸನ್ ಅವರು 2013 ರಲ್ಲಿ ನಿರ್ವಾಹಕರಾಗಿ ನಿವೃತ್ತರಾದ ನಂತರ ಮ್ಯಾಂಚೆಸ್ಟರ್ ಕ್ಲಬ್ ನ  ಫಲಿತಾಂಶವು  ಒಂಬತ್ತು ವರ್ಷಗಳಿಂದ  ಕುಸಿತದ ಹಾದಿಯಲ್ಲಿದೆ.

2012-2013 ರಲ್ಲಿ ಫರ್ಗುಸನ್ ಅವರ ನಿವೃತ್ತಿಯ ಬಳಿಕ   ರೆಡ್ ಡೆವಿಲ್ಸ್ ಪ್ರೀಮಿಯರ್ ಲೀಗ್ ಪ್ರಶಸ್ತಿಯನ್ನು ಗೆದ್ದಿಲ್ಲ ಹಾಗೂ  2017 ರಿಂದ ಯಾವುದೇ ಟ್ರೋಫಿಯನ್ನು ಗೆಲ್ಲಲು ವಿಫಲವಾಗಿದೆ.

ಯುನೈಟೆಡ್ ಪ್ರಸ್ತುತ ಪ್ರೀಮಿಯರ್ ಲೀಗ್‌ನಲ್ಲಿ ಐದನೇ ಸ್ಥಾನದಲ್ಲಿದೆ, ಮೊದಲ ಸ್ಥಾನದಲ್ಲಿರುವ  ಆರ್ಸೆನಲ್‌ಗಿಂತ 11 ಪಾಯಿಂಟ್‌ಗಳ ಹಿಂದಿದೆ.