ವಿಶ್ವ ಕೌಶಲ್ಯ ಸ್ಪರ್ಧೆ 2022: 2 ಬೆಳ್ಳಿ, 3 ಕಂಚು, 13 ಉತ್ಕೃಷ್ಟ ಪದಕ ಗೆದ್ದ ಭಾರತ

ಹೊಸದಿಲ್ಲಿ: ವಿಶ್ವ ಕೌಶಲ್ಯ ಸ್ಪರ್ಧೆ ಸ್ಪರ್ಧೆ 2022 (WSC 2022) ನಲ್ಲಿ ಭಾರತವು ಎರಡು ಬೆಳ್ಳಿ ಪದಕಗಳು, ಮೂರು ಕಂಚಿನ ಪದಕಗಳು ಹಾಗೂ  13 ಉತ್ಕೃಷ್ಟ ಪದಕದೊಂದಿಗೆ 11 ನೇ ಸ್ಥಾನವನ್ನು ಪಡೆದುಕೊಂಡಿದೆ.

ವಿಶ್ವ ಕೌಶಲ್ಯ ಸ್ಪರ್ಧೆಯು ನುರಿತ ಜನರ ಪ್ರೊಫೈಲ್ ಹೆಚ್ಚಿಸುವಿಕೆ ಹಾಗೂ ಅವರ ಗುರುತಿಸುವಿಕೆಗೆ ಹೆಸರುವಾಸಿಯಾಗಿದೆ..

ಈ ವರ್ಷ ಸೆಪ್ಟೆಂಬರ್ 3 ರಿಂದ ನವೆಂಬರ್ 28 ರವರೆಗೆ ಯುರೋಪ್, ಉತ್ತರ ಅಮೆರಿಕ ಹಾಗೂ  ಪೂರ್ವ ಏಷ್ಯಾದಾದ್ಯಂತ ವಿಕೇಂದ್ರೀಕೃತ ಕ್ರಮದಲ್ಲಿ ಸ್ಪರ್ಧೆಯನ್ನು ನಡೆಸಲಾಯಿತು. ಭಾರತದಲ್ಲಿ, ಅಭ್ಯರ್ಥಿಗಳನ್ನು ನ್ಯಾಷನಲ್ ಸ್ಕಿಲ್ ಡೆವಲಪ್‌ಮೆಂಟ್ ಕಾರ್ಪೊರೇಷನ್ (NSDC) ಇಂಡಿಯಾ ಸ್ಕಿಲ್ಸ್ ಸ್ಪರ್ಧೆಯ ಮೂಲಕ ಆಯ್ಕೆ ಮಾಡಲಾಗುತ್ತದೆ.

ಈ ವರ್ಷದ ಸ್ಪರ್ಧೆಯಲ್ಲಿ 56 ಕ್ಕೂ ಹೆಚ್ಚು ಸ್ಪರ್ಧಿಗಳು, 50 ತಜ್ಞರು, 11 ಇಂಟರ್ಪ್ರಿಟರ್‌ಗಳು ಮತ್ತು ಏಳು ಟೀಮ್ ಲೀಡರ್‌ಗಳೊಂದಿಗೆ 50 ಕೌಶಲ್ಯಗಳಲ್ಲಿ ಭಾರತ ಭಾಗವಹಿಸಿತು. ಹೋಟೆಲ್ ಸ್ವಾಗತಕಾರರು, ಮೆಕಾಟ್ರಾನಿಕ್ಸ್, ಬೇಕರಿ, ವೆಬ್ ತಂತ್ರಜ್ಞಾನಗಳು ಹೆಚ್ಚಿನ ಉದ್ಯಮಗಳಾದ್ಯಂತ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಿದರು.

ಭಾಗವಹಿಸುವಿಕೆಯು 50 ಕೌಶಲ್ಯಗಳನ್ನು ಹೊಂದಿದ್ದು, ಇದರಲ್ಲಿ ಆರು ಕೌಶಲ್ಯಗಳು ತಲಾ ಇಬ್ಬರು ಸ್ಪರ್ಧಿಗಳ ತಂಡವನ್ನು ಒಳಗೊಂಡಿವೆ. 56 ಸ್ಪರ್ಧಿಗಳ ಪೈಕಿ 11 ಮಹಿಳೆಯರು ಹಾಗೂ  12 ಅಭ್ಯರ್ಥಿಗಳು ಕೈಗಾರಿಕಾ ತರಬೇತಿ ಸಂಸ್ಥೆಗಳಿಂದ (ಐಟಿಐ) ಅರ್ಹತೆ ಪಡೆದಿದ್ದಾರೆ.