ಸೌದಿ ಅರೇಬಿಯಾ ನಿಯಮ ಮುರಿಯಲಿದ್ದಾರೆಯೇ ರೊನಾಲ್ಡೋ ದಂಪತಿ?

ರಿಯಾದ್: ಇತ್ತೀಚೆಗಷ್ಟೇ ಸೌದಿ ಅರೇಬಿಯಾದ ಕ್ಲಬ್‌ ಸೇರಿಕೊಂಡಿರುವ‌ ಫುಟ್‌ಬಾಲ್‌ ತಾರೆ ಕ್ರಿಸ್ಟಿಯಾನೋ ರೊನಾಲ್ಡೊ ಮತ್ತು ಅವರ ದೀರ್ಘಕಾಲದ ಸಂಗಾತಿ ಜಾರ್ಜಿನಾ ರೊಡ್ರಿಗಸ್ ಸೌದಿ ಅರೇಬಿಯಾದಲ್ಲಿ ಒಟ್ಟಿಗೆ ವಾಸಿಸಲು ಸಜ್ಜಾಗಿದ್ದಾರೆ. ಸೌದಿ ಅರೇಬಿಯಾದಲ್ಲಿ ಮದುವೆಯಾಗದ ಗಂಡು-ಹೆಣ್ಣು ಒಂದೇ ಮನೆಯಲ್ಲಿ ವಾಸಿಸುವುದು ಕಾನೂನು ಬಾಹಿರವಾಗಿದ್ದರೂ, ರೊನಾಲ್ಡೋ ದಂಪತಿ ಕಾನೂನನ್ನು ಮೀರಲು ಸಿದ್ಧರಾಗಿದ್ದಾರೆ ಎಂದು ವರದಿಯಾಗಿದೆ. 

 
ಸ್ಪ್ಯಾನಿಷ್ ಸುದ್ದಿ ಸಂಸ್ಥೆ EFE ಪ್ರಕಾರ, ರೊನಾಲ್ಡೊ ವಿಶ್ವದ ಅತ್ಯಂತ ಬೇಡಿಕೆಯ ಕ್ರೀಡಾಪಟುಗಳಲ್ಲಿ ಒಬ್ಬರಾಗಿರುವ ಕಾರಣ, ರೊನಾಲ್ಡೋ ಶಿಕ್ಷೆಗೆ ಒಳಗಾಗುವ ಸಾಧ್ಯತೆಯಿಲ್ಲ ಎಂದು ವರದಿಯಾಗಿದೆ.

ರೊನಾಲ್ಡೊ ಅವರ ಪ್ರಕರಣದಲ್ಲಿ ಅಧಿಕಾರಿಗಳು ಮಧ್ಯಪ್ರವೇಶಿಸುವುದಿಲ್ಲ ಎಂದು ಸೌದಿಯ ಇಬ್ಬರು ವಕೀಲರನ್ನುಲ್ಲೇಖಿಸಿ ವರದಿ ಹೇಳಿದೆ. 

  “(ಸೌದಿಯ) ಕಾನೂನುಗಳು ಮದುವೆಯ ಒಪ್ಪಂದವಿಲ್ಲದೆ ಸಹಬಾಳ್ವೆ ನಡೆಸುವುದನ್ನಿನ್ನೂ ನಿಷೇಧಿಸುತ್ತಿದ್ದರೂ, ಅಧಿಕಾರಿಗಳು ಕಣ್ಣುಮುಚ್ಚಿ ಯಾರಿಗೂ ಕಿರುಕುಳ ನೀಡುವುದಿಲ್ಲ. ಸಹಜವಾಗಿ, ಸಮಸ್ಯೆ ಅಥವಾ ಅಪರಾಧ ನಡೆದಾಗ ಮಾತ್ರ ಈ ಕಾನೂನುಗಳನ್ನು ಬಳಸಲಾಗುತ್ತದೆ.” ಎಂದು ವಕೀಲರೊಬ್ಬರು ತಿಳಿಸಿದ್ದಾರೆ. 

"ಸೌದಿ ಅರೇಬಿಯಾದ ಅಧಿಕಾರಿಗಳು, ಇಂದು (ವಿದೇಶಿಗಳ) ವಿಷಯದಲ್ಲಿ ಮಧ್ಯಪ್ರವೇಶಿಸುವುದಿಲ್ಲ, ಆದರೆ ಕಾನೂನು ಮದುವೆಯ ಹೊರತುಪಡಿಸಿ ಸಹಬಾಳ್ವೆ ನಡೆಸುವುದನ್ನು ನಿಷೇಧಿಸುತ್ತದೆ" ಎಂದು ಮತ್ತೊಬ್ಬ ವಕೀಲ ತಿಳಿಸಿದ್ದಾರೆ ಎಂದು theNewIndiaExpress.com ವರದಿ ಮಾಡಿದೆ.