ಲಂಡನ್:‌ ಪದವಿ ಸ್ವೀಕಾರ ಸಮಾರಂಭದಲ್ಲಿ ಕರ್ನಾಟಕದ ಧ್ವಜ ಅರಳಿಸಿದ ಭಾರತೀಯ ವಿದ್ಯಾರ್ಥಿ

ಲಂಡನ್:‌ ವಿಶ್ವವಿದ್ಯಾನಿಲಯದ ಪದವಿ ಪ್ರದಾನ ಕಾರ್ಯಕ್ರಮದಲ್ಲಿ ಪದವಿ ಸ್ವೀಕಾರಕ್ಕೂ ಮುಂಚೆ ಕರ್ನಾಟಕದ ಧ್ವಜವನ್ನು ಅರಳಿಸುವ ಮೂಲಕ ಕರ್ನಾಟಕದ ಬೀದರ್‌ ಮೂಲದ ವಿದ್ಯಾರ್ಥಿ ಆದೀಶ್‌ ಆರ್. ವಲಿ ಕನ್ನಡಿಗರ ಹೃದಯ ಗೆದ್ದಿದ್ದಾರೆ. ಅವರ ಪದವಿ ಸ್ವೀಕಾರ ಸಮಾರಂಭದ ವೀಡಿಯೊ ಸಾಮಾಜಿಕ ತಾಣದಲ್ಲಿ ವೈರಲ್‌ ಆಗಿದೆ. 

ತಮ್ಮ ಟ್ವಿಟರ್‌ ಖಾತೆಯಲ್ಲಿ ವೀಡಿಯೊ ಪೋಸ್ಟ್‌ ಮಾಡಿರುವ ಅವರು, "ಲಂಡನ್‌ ನ ಬೇಸ್‌ ಬ್ಯುಸಿನೆಸ್‌ ಸ್ಕೂಲ್‌ ನಿಂದ ಮ್ಯಾನೇಜ್‌ಮೆಂಟ್‌ ನಲ್ಲಿ ನಾನು ಪದವೀಧರನಾಗಿದ್ದೇನೆ. ಒಂದು ಹೆಮ್ಮೆಯ ಕ್ಷಣವೆಂಬಂತೆ ಈ ಸಂದರ್ಭದಲ್ಲಿ ನಾನು ಕರ್ನಾಟಕ ರಾಜ್ಯದ ಧ್ವಜವನ್ನು ಹಾರಿಸಿದ್ದೇನೆ" ಎಂದು ಅವರು ತಿಳಿಸಿದ್ದಾರೆ. ಅಲ್ಲದೇ, ಲಂಡನ್‌ ನಲ್ಲಿ ವಿದ್ಯಾರ್ಥಿ ಸಂಘದ ಚುನಾವಣೆಯಲ್ಲಿ ಗೆದ್ದ ಮೊದಲ ಕನ್ನಡಿಗ ಎಂದೂ ಅವರು ತಮ್ಮನ್ನು ಉಲ್ಲೇಖಿಸಿದ್ದಾರೆ.

I graduated with MS in Management from City University of London - Bayes Business School (Cass). A moment of pride as I unfurled our Karnataka state flag during the ceremony in London, UK.
- ARW #ARW #karnataka #bidar #kannada #kannadiga #london #uk #England @bidarupdates pic.twitter.com/Hofb01W0WX

— Adhish R. Wali (@AdhishWali) January 21, 2023