​ಭಾರತೀಯ ನೌಕಾ ಪಡೆಗೆ ಐಎನ್‌ಎಸ್ ವಾಗಿರ್ ಸೇರ್ಪಡೆ

ಹೊಸದಿಲ್ಲಿ, ಜ. 23: ಕಲ್ವರಿ ದರ್ಜೆಯ ಐದನೇ ಜಲಾಂತರ್ಗಾಮಿ ಐಎನ್‌ಎಸ್ ವಾಗಿರ್  ಭಾರತೀಯ ನೌಕಾ ಪಡೆಗೆ ಸೋಮವಾರ ಸೇರ್ಪಡೆಯಾಗಿದೆ. ಇದರೊಂದಿಗೆ ಭಾರತೀಯ ಸೇನಾ ಪಡೆಯ ಬಲ ವರ್ಧನೆಯಾಗಿದೆ.

ಐಎನ್‌ಎಸ್ ವಾಗಿರ್ ಅನ್ನು ಫ್ರಾನ್ಸ್ ತಂತ್ರಜ್ಞಾನದೊಂದಿಗೆ ಮಝಗಾಂವ್ ಡಾಕ್ ಶಿಪ್ ಬ್ಯುಲ್ಡರ್ಸ್ ನಿರ್ಮಿಸಲಾಗಿದೆ.

ನೌಕಾ ಪಡೆಯ ಮುಖ್ಯಸ್ಥ ಅಡ್ಮಿರಲ್ ಆರ್. ಹರಿ ಕುಮಾರ್ ಅವರ ಉಪಸ್ಥಿತಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಜಲಾಂತರ್ಗಾಮಿ ಭಾರತೀಯ ನೌಕಾ ಪಡೆಗೆ ಸೇರ್ಪಡೆಗೊಂಡಿದೆ.

ಸುಧಾರಿತ ತಂತ್ರಜ್ಞಾನದ ಐಎನ್‌ಎಸ್ ವಾಗಿರ್ ಶತ್ರುಗಳ ದಾಳಿ ತಡೆಯಲು, ಸಾಗರದಲ್ಲಿ ಭಾರತದ ರಕ್ಷಣೆಯ ಬಲವರ್ಧನೆಗೆ, ಗುಪ್ತಚರ ಹಾಗೂ ನಿಗಾ ವಹಿಸಲು ನೆರವಾಗಲಿದೆ. ಜಗತ್ತಿನ ಅತ್ಯುತ್ತಮ ಸೆನ್ಸಾರ್ ಅನ್ನು ಇದು ಒಳಗೊಂಡಿದೆ ಎಂದು ನೌಕಾ ಪಡೆ ತಿಳಿಸಿದೆ.