'ಪಠಾಣ್' ಯಶಸ್ಸಿನ ನಂತರ ಅಭಿಮಾನಿಗಳ ಮುಂದೆ ಕಾಣಿಸಿಕೊಂಡು ರಂಜಿಸಿದ ಶಾರುಖ್‌ ಖಾನ್‌

ಮುಂಬೈ: ಶಾರುಖ್‌ ಖಾನ್‌ (Shah Rukh Khan) -ದೀಪಿಕಾ ಪಡುಕೋಣೆ (Deepika Padukone) ಅಭಿನಯದ ಪಠಾಣ್ (Pathaan) ಚಿತ್ರದ ಭರ್ಜರಿ ಯಶಸ್ಸಿನ ಹಿನ್ನೆಲೆಯಲ್ಲಿ ರವಿವಾರ ರಾತ್ರಿ ಶಾರುಖ್‌ ಅವರ ಬಾಂದ್ರಾ ನಿವಾಸದ ಮುಂದೆ ಜಮಾಯಿಸಿದ್ದ ನೂರಾರು ಅಭಿಮಾನಿಗಳ ಮುಂದೆ ಕಾಣಿಸಿಕೊಂಡ ಸ್ಟಾರ್‌ ನಟ ಎಲ್ಲರಿಗೂ ಹೃದಯಾಂತರಾಳದಿಂದ ಧನ್ಯವಾದ ತಿಳಿಸಿದರು.

ಕಪ್ಪು ಬಣ್ಣದ ಉಡುಗೆ ಹಾಗೂ ಬಂದನಾ ಧರಿಸಿದ್ದ ಶಾರುಖ್‌ ತಮ್ಮ ಬಂಗಲೆ ಮನ್ನತ್‌ನ ಬಾಲ್ಕನಿಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಂತೆಯೇ ಅಭಿಮಾನಿಗಳ ಹರ್ಷೋದ್ಗಾರ ಮೊಳಗಿತು. ಅಭಿಮಾನಿಗಳು ಶಾರುಖ್‌ ಚಿತ್ರವನ್ನು ತಮ್ಮ ಮನಗಳಲ್ಲಿ ಹಾಗೂ ತಮ್ಮ ಮೊಬೈಲ್‌ ಫೋನ್‌ಗಳಲ್ಲಿ ಸೆರೆಹಿಡಿದರು.

ಸೋಮವಾರ ಬೆಳಿಗ್ಗೆ ಈ ಕುರಿತು ಟ್ವೀಟ್‌ ಮಾಡಿದ ನಟ ತಮ್ಮ ಮನೆಯೆದುರಿನ ರಸ್ತೆಯಲ್ಲಿ ತುಂಬಿದ್ದ ನೂರಾರು ಅಭಿಮಾನಿಗಳು ಹಾಗೂ ಅಲ್ಲಿ  ಟ್ರಾಫಿಕ್‌ ದಟ್ಟಣೆಯ ವೀಡಿಯೋ ಪೋಸ್ಟ್‌ ಮಾಡಿದರು.

"ಮೆಹಮಾನ್‌ ನವಾಝಿ ಪಠಾಣ್ ಕೆ ಘರ್‌ ಪರ್...‌ ನನ್ನ ರವಿವಾರವನ್ನು ಪ್ರೀತಿಯಿಂದ ತುಂಬಿದ್ದಕ್ಕೆ ಎಲ್ಲಾ ಅತಿಥಿಗಳಿಗೆ ಧನ್ಯವಾದ. ಚಿರಋಣಿ, ಸಂತೋಷ, ಪ್ರೀತಿ," ಎಂದು ಶಾರುಖ್‌ ಬರೆದು ಈ ಮೂಲಕ ಪಠಾನ್‌ ಚಿತ್ರದ ಒಂದು ಡೈಲಾಗ್‌ ಉಲ್ಲೇಖಿಸಿದ್ದಾರೆ.

ಇದನ್ನೂ ಓದಿ: ಶಾರ್ಜಾದಿಂದ ಕೊಚ್ಚಿಗೆ ಬರುತ್ತಿದ್ದ ವಿಮಾನದಲ್ಲಿ ತಾಂತ್ರಿಕ ವೈಫಲ್ಯ: ವಿಮಾನ ನಿಲ್ದಾಣದಲ್ಲಿ ತುರ್ತುಸ್ಥಿತಿ ಘೋಷಣೆ

Mehmaan Nawaazi Pathaan ke ghar par… Thank u all my Mehmaans for making my Sunday so full of love. Grateful. Happy. Loved. pic.twitter.com/ivfpK07Vus

— Shah Rukh Khan (@iamsrk) January 29, 2023