ಉಡುಪಿ: ಫೆ.1ರ ಧೂಮಕೇತು ವೀಕ್ಷಣೆಗೆ ಅವಕಾಶ

ಉಡುಪಿ: ಭೂಮಿಗೆ ಹತ್ತಿರವಾಗಿ ಸುಮಾರು 50ಸಾವಿರ ವರ್ಷಗಳ ನಂತರ ಫೆ.1ರಂದು ಮುಂಜಾನೆ ನಾಲ್ಕು ಗಂಟೆ ಸುಮಾರಿಗೆ ಆಕಾಶದಲ್ಲಿ ಪ್ರಜ್ವಲಿಸಲಿರುವ ಧೂಮಕೇತು ವೀಕ್ಷಿಸಲು ಉಡುಪಿ ಪರ್ಕಳದ ಬಸ್ ನಿಲ್ದಾಣದ ಬಳಿಯ ಸಂಧ್ಯಾ ಹೋಟೆಲ್‌ನ ಕಟ್ಟಡದ ಟಾಪ್ ಫ್ಲೋರ್‌ನಲ್ಲಿ ವ್ಯವಸ್ಥೆ ಕಲ್ಪಿಸಲಾಗಿದೆ.

ಮಣಿಪಾಲದ ಎಂಐಟಿಯ ಉದ್ಯೋಗಿ ಆರ್.ಮನೋಹರ್ ಅವರ ದೂರ ದರ್ಶಕ ಹಾಗೂ ಸುಹಾಸ್ ಶೆಣೈ ಸರಳೇಬೆಟ್ಟು ಅವರ ಕ್ಯಾಮೆರದ ಮೂಲಕ ಖಗೋಳ ಆಸಕ್ತರಿಗೆ ನೋಡಲು ಅವಕಾಶ  ಮಾಡಲಾಗಿದೆ. ಧೂಮಕೇತುವನ್ನು ವೀಕ್ಷಿಸಲು ಬರುವವರಿಗೆ ಜ.31ರಂದು ರಾತ್ರಿ ವಿಶ್ರಾಂತಿಗೆ ವ್ಯವಸ್ಥೆ ಮಾಡಲಾಗಿದೆ. ಹೆಚ್ಚಿನ ಮಾಹಿತಿಗಾಗಿ ದೂರವಾಣಿ ಸಂಖ್ಯೆ 9845690278ನ್ನು ಸಂಪರ್ಕಿಸುವಂತೆ ಎಂದು ಕಾರ್ಯಕ್ರಮ ಸಂಘಟಕ ಗಣೇಶ್‌ರಾಜ್ ಸರಳೇ ಬೆಟ್ಟು ಹಾಗೂ ರಾಜೇಶ್ ಪ್ರಭು ಪರ್ಕಳ ತಿಳಿಸಿದ್ದಾರೆ.