ಅಮರ್, ಅಕ್ಬರ್, ಅಂಥೋನಿ...: ಏಕತೆಯ ಸಂದೇಶ ಸಾರಿದ ಶಾರೂಖ್ ಖಾನ್

ಹೊಸದಿಲ್ಲಿ: ಬಾಕ್ಸ್ ಆಫೀಸ್‌ನಲ್ಲಿ ದಾಖಲೆ ಸೃಷ್ಟಿಸುತ್ತಾ ಮುನ್ನಡೆದಿರುವ ಪಠಾಣ್ ಚಿತ್ರದ ಸಹನಟಿ ದೀಪಿಕಾ ಪಡುಕೋಣೆ ಮತ್ತು ಸಹ ನಟ ಜಾನ್ ಅಬ್ರಹಾಂ ಜತೆಗಿನ ತಮ್ಮ ಸಂಬಂಧವನ್ನು ಖ್ಯಾತ ಬಾಲಿವುಡ್ ನಟ ಶಾರೂಖ್ ಖಾನ್, ಅಮರ್- ಅಕ್ಬರ್- ಆಂಥೋನಿಗೆ ಹೋಲಿಸಿದ್ದಾರೆ. ಮನಮೋಹನ್ ದೇಸಾಯಿಯವರ 1977ರ ಸೂಪರ್ ಹಿಟ್ ಚಲನಚಿತ್ರದ ಪಾತ್ರಗಳಿಗೆ ಪಠಾಣ್ ಪಾತ್ರಗಳನ್ನು ಹೋಲಿಕೆ ಮಾಡಿಕೊಂಡಿದ್ದಾರೆ.

"ಈಕೆ ದೀಪಿಕಾ ಪಡುಕೋಣೆ; ಈಕೆ ಅಮರ್, ನಾನು ಶಾರೂಖ್ ಖಾನ್, ಅಕ್ಬರ್; ಈತ ಜಾನ್ ಅಬ್ರಹಾಂ, ಈತ ಆಂಥೋನಿ. ಇದು ಒಂದು ಸಿನಿಮಾ. ಅಮರ್, ಅಕ್ಬರ್ ಮತ್ತು ಆಂಥೋನಿ. ನಮ್ಮಲ್ಲಿ ಯಾರಲ್ಲೂ ಯಾವುದೇ ಭೇಧಭಾವ ಇಲ್ಲ. ಯಾವುದೇ ಸಂಸ್ಕೃತಿ ಅಥವಾ ಬದುಕಿನಯಾವುದೇ ಆಯಾಮದಲ್ಲಿ ಭಿನ್ನತೆ ಇಲ್ಲ. ನಾವು ನಿಮ್ಮನ್ನು ಪ್ರೀತಿಸುತ್ತೇವೆ; ಆದ್ದರಿಂದ ಚಿತ್ರಗಳನ್ನು ಮಾಡುತ್ತಿದ್ದೇವೆ. ನಿಮ್ಮ ಪ್ರೀತಿಗಾಗಿ ನಾವು ನಿಮ್ಮನ್ನು ಪ್ರೀತಿಸುತ್ಥೇವೆ. ನಮಗೆ ಪ್ರೀತಿ ಕೊಡಿ, ಪ್ರೀತಿಗಾಗಿ ನಾವು ಹಾತೊರೆದಿದ್ದೇವೆ" ಎಂದು ಚಿತ್ರದ ಭರ್ಜರಿ ಯಶಸ್ಸಿನ ನಡುವೆ ನೇರಪ್ರಸಾರದ ಕಾರ್ಯಕ್ರಮದಲ್ಲಿ ಮಾಧ್ಯಮವನ್ನು ಉದ್ದೇಶಿಸಿ ಮಾತನಾಡುವ ವೇಳೆ ಸ್ಪಷ್ಟಪಡಿಸಿದರು.

"ನಟರು ತಮ್ಮ ಪಾತ್ರಗಳನ್ನು ನಿರ್ವಹಿಸುತ್ತಾರೆ; ಯಾರನ್ನೂ ನೋಯಿಸುವ ಪ್ರಯತ್ನ ಇದಲ್ಲ. ಸಿನಿಮಾದ ಉದ್ದೇಶ ಸಂತೋಷ, ಬ್ರಾತೃತ್ವ, ಪ್ರೀತಿ ಹಾಗೂ ದಯೆಯ ಭಾವನೆಯನ್ನು ಹರಡುವುದು" ಎಂದು ಬಣ್ಣಿಸಿದರು.

"ಪ್ರಾಮಾಣಿಕವಾಗಿ ಹೇಳಬೇಕೆಂದರೆ ಉತ್ತರ, ದಕ್ಷಿಣ, ಪೂರ್ವ, ಪಶ್ಚಿಮ ಎಲ್ಲೇ ಇರಲಿ; ನಾವು ಚಿತ್ರಗಳನ್ನು ನಿರ್ಮಿಸುವ ಉದ್ದೇಶ ಶ ಸಂತೋಷ, ಬ್ರಾತೃತ್ವ, ಪ್ರೀತಿ ಹಾಗೂ ದಯೆಯ ಭಾವನೆಯನ್ನು ಹರಡುವುದು.. ಡರ್ ಚಿತ್ರದಲ್ಲಿ ನಾನು ಬ್ಯಾಡ್‌ಬಾಯ್ ಆಗಿ ಪಾತ್ರ ನಿರ್ವಹಿಸಿದ್ದೆ; ಜಾನ್ ಈ ಚಿತ್ರದಲ್ಲಿ ಕೆಟ್ಟ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.. ನಾವು ಕೇವಲ ಪಾತ್ರವನ್ನು ನಿರ್ವಹಿಸುತ್ತೇವೆ.. ಇದು ಯಾರ ಭಾವನೆಗಳಿಗೆ ಧಕ್ಕೆ ತರುವ ಸಲುವಾಗಿ ಅಲ್ಲ. ಇದು ಕೇವಲ ಮನೋರಂಜನೆ" ಎಂದು ಹೇಳಿದರು.

Shah Rukh Khan just gave a MASTERCLASS in how to do a press conference. This is why he is the KING. He promotes religious harmony, inclusivity, love and happiness. I’m glad I chose my childhood hero well. #Pathaan pic.twitter.com/Z9pC1TwQi0

— Haroon Rashid (@iHaroonRashid) January 30, 2023