ನಮ್ಮ ಸ್ಥಾನ ತುಂಬೋರು ಯಾರು? : ನೆಟ್ಟಿಗರಲ್ಲಿ ಸಂಚಲನ ಮೂಡಿಸಿದ ಪಠಾಣ್ ಚಿತ್ರದ ಶಾರುಖ್, ಸಲ್ಮಾನ್ ಸಂಭಾಷಣೆ
ಮುಂಬೈ: ಬಲಪಂಥೀಯರ ಬಹಿಷ್ಕಾರದ ಕರೆಯ ನಡುವೆಯೂ ಪಠಾಣ್ ಚಿತ್ರ ಗಲ್ಲಾ ಪೆಟ್ಟಿಗೆಯನ್ನು ಕೊಳ್ಳೆಹೊಡೆದಿದ್ದು, ಭರ್ಜರಿ ಗಳಿಕೆಯನ್ನು ಕಂಡಿದೆ.
ರಾಕೆಟ್ರಿ, ಬ್ರಹ್ಮಾಸ್ತ್ರ ಮೊದಲಾದ ಸಿನೆಮಾಗಳಲ್ಲಿ ಅತಿಥಿ ಪಾತ್ರದಲ್ಲಿ ಶಾರುಖ್ ಕಾಣಿಸಿಕೊಂಡಿದ್ದರೂ, ಪೂರ್ಣ ಪ್ರಮಾಣದಲ್ಲಿ ನಾಯಕ ನಟನಾಗಿ ಕಾಣಿಸಿಕೊಳ್ಳದೆ ಐದು ವರ್ಷಗಳಾದವು. ಸುದೀರ್ಘ ಐದು ವರ್ಷಗಳ ಬಳಿಕ ತೆರೆ ಮೇಲೆ ಪೂರ್ಣ ಪ್ರಮಾಣದ ನಾಯಕನಾಗಿ ಅಬ್ಬರಿಸಿರುವ ಶಾರುಖ್ ಖಾನ್, ತಮ್ಮ ಅಭಿಮಾನಿಗಳನ್ನು ಸಿನೆಮಾದ ಮೂಲಕ ತೃಪ್ತಿ ಪಡಿಸಿದ್ದಾರೆ. ಅದರಲ್ಲೂ ಸಲ್ಮಾನ್ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವುದು ಇಬ್ಬರು ಖಾನ್ ಗಳ ಅಭಿಮಾನಿಗಳಲ್ಲಿ ಸಂಚಲನ ಮೂಡಿಸಿದೆ.
ಶಾರುಖ್ ಮತ್ತು ಸಲ್ಮಾನ್ ಹಲವು ವರ್ಷಗಳ ಬಳಿಕ ಒಟ್ಟಿಗೆ ತೆರೆ ಹಂಚಿಕೊಳ್ಳುತ್ತಿರುವುದರಿಂದ ಇವರಿಬ್ಬರ ನಡುವಿನ ಸಂಭಾಷಣೆಗಳು ಕುತೂಹಲ ಹುಟ್ಟಿಸಿವೆ. ಏಕ್ ಥಾ ಟೈಗರ್, ಟೈಗರ್ ಝಿಂದಾ ಹೈ ಚಿತ್ರಗಳಲ್ಲಿ ನಿರ್ವಹಿಸಿದ ಟೈಗರ್ ಪಾತ್ರವನ್ನೇ ಸಲ್ಮಾನ್ ಪಠಾಣ್ ಚಿತ್ರದಲ್ಲೂ ನಿರ್ವಹಿಸಿದ್ದಾರೆ.
ಶಾರುಖ್ ಮತ್ತು ಸಲ್ಮಾನ್ ಒಟ್ಟಿಗೆ ಕಾಣಿಸಿಕೊಂಡ ದೃಶ್ಯದ ಬಳಿಕ ಇಬ್ಬರು ಕುಳಿತು ಮಾತನಾಡುವ ದೃಶ್ಯವಿದ್ದು, ಈ ದೃಶ್ಯದಲ್ಲಿ ಖಾನ್ಗಳಿಬ್ಬರು ಮಾತನಾಡಿರುವ ಸಂಭಾಷಣೆ ಸಾಮಾಜಿಕ ಜಾಲತಾಣ ಬಳಕೆದಾರರ ಗಮನ ಸೆಳೆದಿದೆ.
“ನಾನು ಆಗಾಗ ಯೋಚಿಸುತ್ತೇನೆ, 30 ವರ್ಷ ಆಯಿತು, ಇನ್ನಾದರೂ ಬಿಟ್ಟು ಕೊಡಬೇಕು” ಎಂದು ಶಾರುಖ್ ಹೇಳುವಾಗ, “ನಮ್ಮ ಸ್ಥಾನವನ್ನು ತುಂಬುವವರು ಯಾರು?” ಎಂದು ಸಲ್ಮಾನ್ ಪ್ರಶ್ನಿಸುತ್ತಾರೆ. ಈ ಇಬ್ಬರು ಖಾನ್ಗಳು ಬಾಲಿವುಡ್ಗೆ ಬಂದು ಸರಿ ಸುಮಾರು 3 ದಶಕಗಳೇ ಆಗಿರುವುದರಿಂದ ಈ ಸಂಭಾಷಣೆಯನ್ನು ಇವರ ವೃತ್ತಿ ಜೀವನದೊಂದಿಗೆ ಹಲವು ಅಭಿಮಾನಿಗಳು ಹೋಲಿಸಿಕೊಂಡಿದ್ದಾರೆ. ಬಾಲಿವುಡ್ನಲ್ಲಿ ಇನ್ನು ಮುಂದೆ ಶಾರುಖ್, ಸಲ್ಮಾನ್ ಸ್ಥಾನವನ್ನು ತುಂಬಲು ಯಾರಿಂದಲೂ ಸಾಧ್ಯವಿಲ್ಲ ಎಂಬರ್ಥದಲ್ಲಿ ಸಂಭಾಷಣೆ ಇದೆಯೆಂದು ಹಲವರು ಅರ್ಥೈಸಿಕೊಂಡಿದ್ದಾರೆ.
PILLAR OF BOLLYWOOD INDUSTRY @BeingSalmanKhan @iamsrk #SalmanKhan #srk pic.twitter.com/66O7Y36LGx
— Nikita Bhoir (@NikitaBhoir16) January 31, 2023
Outstanding and excellent Film ever seen. Love you @iamsrk & @BeingSalmanKhan Sir for ur mind blowing acting, action & speechless dialogue delivery. pic.twitter.com/1mE8Z3xwvj
— M.D ZIA. محمد ضياء (@MDmylife) January 29, 2023
We're Getting Older Baby And I've Been Thinking About It Lately Doest It Ever Drive You Crazy You Just How Fast The Night Changes @iamsrk @BeingSalmanKhan pic.twitter.com/RFOA4VCSf7
— SAHIL SHEIKH ⚡ (@SahilSheikh__SK) January 26, 2023
