ಪ್ರಧಾನಿ-ಅದಾನಿ ಸಂಬಂಧದ ಕುರಿತ ರಾಹುಲ್ ಗಾಂಧಿಯ ಯಾವೆಲ್ಲಾ ಹೇಳಿಕೆಗಳನ್ನು ಲೋಕಸಭೆ ಕಡತದಿಂದ ತೆಗೆದುಹಾಕಲಾಗಿದೆ?
ಹೊಸದಿಲ್ಲಿ: ಉದ್ಯಮಿ ಗೌತಮ್ ಅದಾನಿ ಹಾಗೂ ಪ್ರಧಾನಿ ನರೇಂದ್ರ ಮೋದಿಯವರ ಸಂಬಂಧದ ಬಗ್ಗೆ ರಾಹುಲ್ ಗಾಂಧಿ ಅವರು ಸದನದಲ್ಲಿ ಮಾಡಿದ ಭಾಷಣದ ಹಲವು ಭಾಗಗಳನ್ನು ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ ಅವರು ಕಡತದಿಂದ ತೆಗೆದು ಹಾಕಲು ಸೂಚಿಸಿರುವುದು, ವಿರೋಧ ಪಕ್ಷದ ತೀವ್ರ ಟೀಕೆಗೆ ಕಾರಣವಾಗಿದೆ.
ರಾಹುಲ್ ಗಾಂಧಿಯವರು ತಮ್ಮ 53 ನಿಮಿಷಗಳ ಭಾಷಣದಲ್ಲಿ ಮಾಡಿದ 18 ಟೀಕೆಗಳನ್ನು ಲೋಕಸಭೆಯ ದಾಖಲೆಗಳಿಂದ ತೆಗೆದುಹಾಕಲಾಗಿದೆ.
ಅದಾನಿಯೊಂದಿಗಿನ ಸಂಬಂಧದ ಕುರಿತು ಪ್ರಧಾನಿಗೆ ಪ್ರಶ್ನಿಸಿದ ತಮ್ಮ ಭಾಷಣದ ವೀಡಿಯೊ ಕ್ಲಿಪ್ ಅನ್ನು ಟ್ವೀಟ್ ಮಾಡುವ ಮೂಲಕ ಈ ನಡೆಗೆ ಆಕ್ಷೇಪ ವ್ಯಕ್ತಪಡಿಸಿರುವ ರಾಹುಲ್ ಗಾಂಧಿ, “ಪ್ರಧಾನಮಂತ್ರಿ, ನೀವು ಪ್ರಜಾಪ್ರಭುತ್ವದ ಧ್ವನಿಯನ್ನು ತೊಡೆದುಹಾಕಲು ಸಾಧ್ಯವಿಲ್ಲ. ಭಾರತದ ಜನರು ನಿಮಗೆ ಪ್ರಶ್ನೆಗಳನ್ನು ಕೇಳುತ್ತಿದ್ದಾರೆ, ನಮಗೆ ಉತ್ತರಗಳನ್ನು ನೀಡಿ” ಎಂದು ಪ್ರತಿಕ್ರಿಯಿಸಿದ್ದಾರೆ.
ಕಡತದಿಂದ ತೆಗೆದು ಹಾಕಲಾದ ರಾಹುಲ್ ಟೀಕೆಗಳ ಕುರಿತಂತೆ ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ಅವರು ಪ್ರಕಟನೆ ಹೊರಡಿಸಿದ್ದು, 2014ರಲ್ಲಿ ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ಅಧಿಕಾರಕ್ಕೆ ಬಂದ ನಂತರ ಅದಾನಿ ಸಮೂಹದ ಸಂಪತ್ತು ಅಭೂತಪೂರ್ವವಾಗಿ ಏರಿದೆ ಎಂದು ರಾಹುಲ್ ಗಾಂಧಿ ತಮ್ಮ ಭಾಷಣದಲ್ಲಿ ಆರೋಪಿಸಿದ್ದಾರೆ. ಕಡತದಿಂದ ತೆಗೆದುಹಾಕಲಾದ ಟೀಕೆಗಳಲ್ಲಿ ಅದಾನಿ ಜೊತೆಗಿನ ಪ್ರಧಾನ ಮಂತ್ರಿಯ ಸಂಬಂಧದ ಬಗ್ಗೆ ರಾಹುಲ್ ಗಾಂಧಿ ಕೇಳಿದ ಪ್ರಶ್ನೆಗಳು ಒಳಗೊಂಡಿವೆ. ಅದಾನಿ-ಮೋದಿ ನಡುವಿನ ಆಪ್ತತೆಯನ್ನು ಸೂಚಿಸುವ ಕೆಲವು ಛಾಯಾಚಿತ್ರಗಳನ್ನು ಪ್ರದರ್ಶಿಸಿದ ರಾಹುಲ್ ಗಾಂಧಿ, ಅದಾನಿ ಹಾಗೂ ಮೋದಿಯ ಸಂಬಂಧವು ಮೋದಿ ಗುಜರಾತ್ನ ಮುಖ್ಯಮಂತ್ರಿಯಾಗುವುದಕ್ಕಿಂತಲೂ ಹಳೆಯದು ಎಂದು ಹೇಳಿದ್ದಾರೆ.
ಕಡತದಿಂದ ತೆಗೆದುಹಾಕಲಾದ ಟೀಕೆಗಳಲ್ಲಿ ಮುಂಬೈ ವಿಮಾನ ನಿಲ್ದಾಣದ ಬಗ್ಗೆ ರಾಹುಲ್ ಗಾಂಧಿ ಮಾಡಿದ ಆರೋಪಗಳೂ ಸೇರಿವೆ.
"ಮುಂಬೈ ವಿಮಾನ ನಿಲ್ದಾಣವನ್ನು ಅದಾನಿ ಗ್ರೂಪ್ ಸ್ವಾಧೀನಪಡಿಸಿಕೊಂಡಿರುವುದು ಕ್ರೋನಿ ಕ್ಯಾಪಿಟಲಿಸಂ (ಸ್ನೇಹ ಮತ್ತು ಬೆಂಬಲದಿಂದಲೇ ಉದ್ಯಮವನ್ನು ಬೆಳೆಸುವ ಬಂಡವಾಳಶಾಹಿ ವ್ಯವಸ್ಥೆ) ನಲ್ಲಿ ಕೇಸ್ ಸ್ಟಡಿ ಆಗಬೇಕು” ಎಂದು ಅವರು ಹೇಳಿದ್ದರು. ಈ ಆರೋಪವನ್ನು ಕಡತದಿಂದ ತೆಗೆದು ಹಾಕಲಾಗಿದೆ.
“2019 ರಲ್ಲಿ ಮುಂಬೈ ವಿಮಾನ ನಿಲ್ದಾಣದಲ್ಲಿ ತನ್ನ ಪಾಲನ್ನು ಖರೀದಿಸಲು ಅದಾನಿ ಗ್ರೂಪ್ ನಡೆಸುತ್ತಿರುವ ಪ್ರಯತ್ನಗಳನ್ನು GVK ಗ್ರೂಪ್ ತೀವ್ರವಾಗಿ ವಿರೋಧಿಸಿತ್ತು, ನ್ಯಾಯಾಲಯಗಳಿಗೆ ಹೋಗಿ ತನ್ನ ಜಂಟಿ ಪಾಲುದಾರರಾದ Bidvest ಮತ್ತು ACSA ಅನ್ನು ಖರೀದಿಸಲು ಹಣವನ್ನು ಸಂಗ್ರಹಿಸಿತ್ತು. ಆದರೂ ಆಗಸ್ಟ್ 2020 ರಲ್ಲಿ, ಕೇಂದ್ರೀಯ ತನಿಖಾ ದಳ (ಸಿಬಿಐ) ಮತ್ತು ಜಾರಿ ನಿರ್ದೇಶನಾಲಯ (ಇಡಿ) ನಡೆಸಿದ ದಾಳಿಗಳ ಕೇವಲ ಒಂದು ತಿಂಗಳಲ್ಲಿ, ಜಿವಿಕೆ ತನ್ನ ಅತ್ಯಮೂಲ್ಯ ಆಸ್ತಿಯನ್ನು ಅದಾನಿ ಗ್ರೂಪ್ಗೆ ಮಾರಾಟ ಮಾಡಬೇಕಾದ ಅನಿವಾರ್ಯತೆ ಸೃಷ್ಟಿಯಾಯಿತು. ಜಿವಿಕೆ ವಿರುದ್ಧ ಸಿಬಿಐ ಮತ್ತು ಇಡಿ ತನಿಖೆ ಎಲ್ಲಿಗೆ ತಲುಪಿತು? ಮುಂಬೈ ವಿಮಾನ ನಿಲ್ದಾಣವನ್ನು ಅದಾನಿ ಗ್ರೂಪ್ಗೆ ಮಾರಾಟ ಮಾಡಿದ ನಂತರ ಅವರು (ಜಿವಿಕೆ ಸಂಸ್ಥೆ) ಹೇಗೆ ನಿಗೂಢವಾಗಿ ಕಣ್ಮರೆಯಾದರು? ಭಾರತದ ಎರಡನೇ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣವನ್ನು ಅದಾನಿ ಗ್ರೂಪ್ ಗೆ ಬಿಟ್ಟುಕೊಡುವಂತೆ GVK ಮೇಲೆ ಒತ್ತಡ ಹೇರಲು ಆ ಪ್ರಕರಣಗಳನ್ನು ಬಳಸಲಾಗಿದೆಯೇ?” ಎಂದು ರಾಹುಲ್ ಪ್ರಶ್ನಿಸಿದ್ದಾರೆ.
ಅದಾನಿ ಗ್ರೂಪ್ಗೆ ಇಸ್ರೇಲ್ನಿಂದ ಕೆಲವು ರಕ್ಷಣಾ ಒಪ್ಪಂದಗಳು, ಬಾಂಗ್ಲಾದೇಶದೊಂದಿಗೆ ವಿದ್ಯುತ್ ಸರಬರಾಜು ಒಪ್ಪಂದ ಮತ್ತು ಎಸ್ಬಿಐನಿಂದ ಅದಾನಿ ಸಮೂಹಕ್ಕೆ ಸಾಲ ಪಡೆಯುವಲ್ಲಿ ಪ್ರಧಾನಿ ಸಹಾಯ ಮಾಡಿದ್ದಾರೆ ಎಂಬ ಗಾಂಧಿಯವರ ಆರೋಪಗಳನ್ನು ಸಹ ಕಡತದಿಂದ ತೆಗೆದುಹಾಕಲಾಗಿದೆ.
ಅದಾನಿ ಗ್ರೂಪ್ ಕಡಿಮೆ ಅವಧಿಯಲ್ಲಿ, "2019 ರಲ್ಲಿ ಸರ್ಕಾರದಿಂದ ಆರು ವಿಮಾನ ನಿಲ್ದಾಣವನ್ನು ಪಡೆದುಕೊಂಡಿದೆ ಮತ್ತು ಭಾರತದ ಎರಡನೇ ಅತ್ಯಂತ ಜನನಿಬಿಡ ವಿಮಾನ ನಿಲ್ದಾಣವಾದ ಮುಂಬೈನ ಛತ್ರಪತಿ ಶಿವಾಜಿ ಮಹಾರಾಜ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು 2021 ರಲ್ಲಿ ಸ್ವಾಧೀನಪಡಿಸಿಕೊಂಡಿತು.”ಎನ್ನುವುದನ್ನೂ ರಾಹುಲ್ ಗಾಂಧಿ ಪ್ರಶ್ನಿಸಿದ್ದರು.
2006 ರಲ್ಲಿ ಯುಪಿಎ ಸರ್ಕಾರವು ಜಿಎಂಆರ್ ಮತ್ತು ಜಿವಿಕೆ ಗುಂಪುಗಳಿಗೆ ಕ್ರಮವಾಗಿ ದಿಲ್ಲಿ ಮತ್ತು ಮುಂಬೈ ವಿಮಾನ ನಿಲ್ದಾಣಗಳನ್ನು 30 ವರ್ಷಗಳ ಅವಧಿಗೆ ನಿರ್ವಹಿಸಲು ನೀಡಿತ್ತು. ನವೆಂಬರ್ 7, 2006 ರಂದು, ಸುಪ್ರೀಂ ಕೋರ್ಟ್ ಈ ಖಾಸಗೀಕರಣಗಳನ್ನು ಪ್ರತಿ ಬಿಡ್ದಾರನು ಅನುಭವಿ ವಿಮಾನ ನಿಲ್ದಾಣ ನಿರ್ವಾಹಕರೊಂದಿಗೆ ಪಾಲುದಾರಿಕೆಗೆ ಅಗತ್ಯವಿರುವ ಷರತ್ತಿನ ಜೊತೆಗೆ ಎತ್ತಿಹಿಡಿದಿತ್ತು. ಎರಡೂ ಸಂದರ್ಭಗಳಲ್ಲಿ GMR ಅಗ್ರ ಬಿಡ್ದಾರರಾಗಿ ಹೊರಹೊಮ್ಮಿದ್ದರೂ, ಸ್ಪರ್ಧೆಯ ಹಿತಾಸಕ್ತಿಯಿಂದ ಸಂಸ್ಥೆಗೆ ಎರಡನ್ನೂ ನೀಡದಿರಲು ನಿರ್ಧರಿಸಲಾಯಿತು, ”ಎಂದು ಅವರು ಹೇಳಿದರು.
2019 ರಲ್ಲಿ, ಅಹಮದಾಬಾದ್, ಲಕ್ನೋ, ಮಂಗಳೂರು, ಜೈಪುರ, ಗುವಾಹಟಿ ಮತ್ತು ತಿರುವನಂತಪುರಂ ವಿಮಾನ ನಿಲ್ದಾಣಗಳನ್ನು ನಿರ್ವಹಿಸುವ ಹಕ್ಕನ್ನು 50 ವರ್ಷಗಳ ಅವಧಿಗೆ ವಿಮಾನ ನಿಲ್ದಾಣಗಳನ್ನು ನಿರ್ವಹಿಸಿದ ಯಾವ ಅನುಭವವೂ ಇಲ್ಲದ ಅದಾನಿ ಗ್ರೂಪ್ಗೆ ನೀಡಲಾಗಿದೆ.
"ಪಿಎಂಒ (ಪ್ರಧಾನ ಮಂತ್ರಿ ಕಛೇರಿ) ಮತ್ತು ಎಂಪವರ್ಡ್ ಗ್ರೂಪ್ ಆಫ್ ಸೆಕ್ರೆಟರಿಗಳ ನೇತೃತ್ವದ ನೀತಿ (ಎನ್ಐಟಿಐ) ಆಯೋಗದ ಅಧ್ಯಕ್ಷರು ಈ ಶಿಫಾರಸನ್ನು ಏಕೆ ನಿರ್ಲಕ್ಷಿಸಿದರು? ಮತ್ತು ಅನನುಭವಿ ಅದಾನಿ ಗ್ರೂಪ್ ಗೆ ಆರು ವಿಮಾನ ನಿಲ್ದಾಣಗಳನ್ನು ನೀಡಲು ಏಕೆ ಅನುಕೂಲ ಮಾಡಿದರು?" ಎಂದವರು ಪ್ರಶ್ನಿಸಿದ್ದಾರೆ.
“ಆರ್ಥಿಕ ವ್ಯವಹಾರಗಳ ಇಲಾಖೆಯು ದಿಲ್ಲಿ ಮತ್ತು ಮುಂಬೈ ವಿಮಾನ ನಿಲ್ದಾಣಗಳ ಖಾಸಗೀಕರಣದಂತಹ ಅಪಾಯವನ್ನು ಕಡಿಮೆ ಮಾಡಲು ಮತ್ತು ಸ್ಪರ್ಧೆಯನ್ನು ಸುಗಮಗೊಳಿಸಲು ಒಬ್ಬ ಬಿಡ್ಡರ್ಗೆ ಎರಡಕ್ಕಿಂತ ಹೆಚ್ಚು ವಿಮಾನ ನಿಲ್ದಾಣಗಳನ್ನು ನೀಡಬಾರದು ಎಂದು ಬಲವಾಗಿ ಶಿಫಾರಸು ಮಾಡಿದೆ. ಆದರೂ, ಆಡಳಿತ ಮಂಡಳಿಯು ತನ್ನ ಆಪ್ತರಿಗೆ ಸಹಾಯ ಮಾಡುವ ಧಾವಂತದಲ್ಲಿ ಇದನ್ನು ಸಹ ನಿರ್ಲಕ್ಷಿಸಿದೆ. ಈ ಹಿಂದಿನ ಷರತ್ತನ್ನು ಬದಿಗಿರಿಸಿ, ಈ ವಲಯದಲ್ಲಿ ಏಕಸ್ವಾಮ್ಯವನ್ನು ನಿರ್ಮಿಸಲು ಅದಾನಿ ಗ್ರೂಪ್ಗೆ ದಾರಿಯನ್ನು ತೆರವುಗೊಳಿಸುವಂತೆ ಕಾರ್ಯದರ್ಶಿಗಳ ನಿಯೋಗಕ್ಕೆ ಯಾರು ಸೂಚನೆ ನೀಡಿದರು?” ಎಂದು ನರೇಂದ್ರ ಮೋದಿ ಅವರನ್ನು ಉದ್ದೇಶಿಸಿ ರಾಹುಲ್ ಗಾಂಧಿ ಪ್ರಶ್ನಿಸಿದ್ದರು.
ಮೂಲ: indianexpress.com
Contrary to plants in Godi media, here’s why @RahulGandhi was right to question sale of Mumbai airport to Adani:
— Jairam Ramesh (@Jairam_Ramesh) February 8, 2023
1.Isn’t it true that NIIF,a govt fund, was opposed to outright sale?
2.Isn’t it true that investors raised concerns that sale was neither independent nor transparent? pic.twitter.com/bwFy3Mvwsm
प्रधानमंत्री जी, आप लोकतंत्र की आवाज़ को मिटा नहीं सकते। भारत के लोग आपसे सीधे सवाल कर रहे हैं। जवाब दीजिए! pic.twitter.com/xlUdLylvUw
— Rahul Gandhi (@RahulGandhi) February 8, 2023
Here is HAHK-4 (Hum Adanike Hain Kaun), the fourth in the series of questions to the PM on the PM-linked Adani MahaMegaScam. pic.twitter.com/MxDlpaVS8v
— Jairam Ramesh (@Jairam_Ramesh) February 8, 2023
