ಫೆ.17ರಂದು KCF ಒಮಾನ್ ವತಿಯಿಂದ ಅಲ್ ಮುಬಾಶಿರ ಗ್ರ್ಯಾಂಡ್ ಫ್ಯಾಮಿಲಿ ಮೀಟ್

ಬರ್ಕ: ಕರ್ನಾಟಕ ಕಲ್ಚರಲ್ ಫೌಂಡೇಶನ್ (KCF) ಒಮಾನ್ ವತಿಯಿಂದ ಫೆ.17ರಂದು  KCF ‘ಅಲ್ ಮುಬಾಶಿರ ಗ್ರ್ಯಾಂಡ್ ಫ್ಯಾಮಿಲಿ ಮೀಟ್’ ಬರ್ಕಾದ ಅಲ್ ರಿಯಾಮ್ ಫಾರ್ಮ್ ಹೌಸ್ ನಲ್ಲಿ ನಡೆಯಲಿದೆ.

ಕಾರ್ಯಕ್ರಮವು ಬೆಳಗ್ಗೆ ಮಹ್ಳರತುಲ್ ಬದ್ರಿಯಾ ಮಜ್ಲಿಸ್ ನೊಂದಿಗೆ ಉದ್ಘಾಟನೆಗೊಳ್ಳಲಿದ್ದು, ವಾರ್ಷಿಕ ಸ್ವಲಾತ್ ಮಜ್ಲಿಸ್ ಕಾರ್ಯಕ್ರಮದೊಂದಿಗೆ ಮರ್ಹೂಂ ಝಾಕಿರ್ ಸೂರಿಂಜೆ, ಮರ್ಹೂಂ ಅಬ್ಬಾಸ್ ಮಿತ್ತೂರು, ಮರ್ಹೂಂ  ಹಮೀದಾಕ ಕನ್ನಂಗಾರ್ ಇವರ ಅನುಸ್ಮರಣಾ ಮಜ್ಲಿಸ್ ನಡೆಯಲಿದೆ. ನಂತರ 10 ಗಂಟೆಗೆ ಅನಿವಾಸಿ ಕನ್ನಡಿಗರ  ಸಂಘಟನೆ KCF ಇದರ 10ನೇ ವರ್ಷದ KCF ಫೌಂಡೇಷನ್ ಡೇ ಕಾರ್ಯಕ್ರಮವು ನಡೆಯಲಿದೆ. ಈ ವೇಳೆ ಮಕ್ಕಳಿಗೆ, ಯುವಕರಿಗೆ, ವಯಸ್ಕರಿಗೆ ಹಾಗೂ ಸ್ತ್ರೀಯರಿಗೆ ವಿವಿಧ ಆಟೋಟ ಸ್ಪರ್ಧೆಗಳು ಹಾಗೂ ವಿವಿಧ ಕಾರ್ಯಕ್ರಮಗಳು ನಡೆಯಲಿದೆ.

ಪ್ರವಾಸಿ ಸಾಧಕರಿಗೆ ಹಾಗೂ ವಿವಿಧ ರಂಗದಲ್ಲಿ ಗುರುತಿಸಿದ ಸಾಧಕರಿಗೆ ಸನ್ಮಾನ ಕಾರ್ಯಕ್ರಮ ನಡೆಯಲಿದೆ. ಒಮಾನಿನ ಪ್ರಮುಖ ಆಸ್ಪತ್ರೆಗಳಲ್ಲೊಂದಾದ ಬದರ್ ಅಲ್ ಸಮಾ ಇದರ ಸಹಯೋಗದಲ್ಲಿ ಮಧ್ಯಾಹ್ನ 2 ರಿಂದ ಸಂಜೆ 5 ರ ತನಕ  ಆರೋಗ್ಯ ತಪಾಸಣಾ ಶಿಬಿರ ನಡೆಯಲಿದೆ.

ಡಾ. ಅಬ್ದುಲ್ ರಝಾಕ್ ಕಾಪು  (senior cardiologist MOH oman ) ಇವರ ನೇತೃತ್ವದಲ್ಲಿ ಹೆಲ್ತ್ ಎವರ್ನೆಸ್ ಕಾರ್ಯಕ್ರಮ, ಸಲೀಮ್ ಅಲ್ತಾಫ್ ಸುಳ್ಯ (National Director BNI Oman) ಇವರ ನೇತೃತ್ವದಲ್ಲಿ ಸೆಲ್ಫ್ ಬಿಸಿನೆಸ್ ತರಬೇತಿ ನಡೆಯಲಿದೆ. ಸಂಜೆ 7:30 ಕ್ಕೆ ಬ್ರೈಟ್ ಆಫ್ ಮದೀನ ಎಂಬ ಶೀರ್ಷಿಕೆಯೊಂದಿಗೆ ಬುರ್ದಾ ಹಾಗೂ ನಅ್ತೇ ಶರೀಫ್ ಹಾಗೂ ದಫ್ ಕಾರ್ಯಕ್ರಮ ನಡೆಯಲಿದೆ.

ಸಮಾರೋಪ ಸಮಾರಂಭದಲ್ಲಿ ಸಯ್ಯಿದ್ ಆಬಿದ್ ಅಲ್ ಹೈದ್ರೋಸಿ ಇವರ ದುಆದೊಂದಿಗೆ ನಡೆಯುವ ಕಾರ್ಯಕ್ರಮವನ್ನು ಅಯ್ಯೂಬ್ ಕೋಡಿಯವರು ಅಧ್ಯಕ್ಷತೆ ವಹಿಸಲಿದ್ದಾರೆ. ಕಾರ್ಯಕ್ರಮದಲ್ಲಿ ಕೆಸಿಎಫ್ ಒಮಾನ್ ಇದರ ಅಧೀನದಲ್ಲಿ ಶಿಕಾರಿಪುರ ಮದ್ರಸ ಕಟ್ಟಡ ಇದರ ಅಧಿಕೃತ ಚಾಲನೆಯು ನಡೆಯಲಿದೆ. ಕೆಸಿಎಫ್ ಒಮಾನ್ ದಶಮಾನೋತ್ಸವ ವಿಶೇಷಾಂಕ ಇದರ ಸಂಚಿಕೆಯ ಮುಖಪುಟ ಬಿಡುಗಡೆಯು ನಡೆಯಲಿದೆ.

ಮುಖ್ಯ ಅತಿಥಿಗಳಾಗಿ ಆಬಿದ್ ಪಾಷ ಬಾಳೆಹೊನ್ನೂರು, ಮುಹಮ್ಮದ್ ಸಾಜಿದ್ ಅತ್ತರ್ ಮುಂಬೈ, ಅಬ್ಬಾಸ್ ಫೈಝಿ ದೇವಿ ಪಟ್ನಂ, ಇಕ್ಬಾಲ್ ಬೊಳ್ಮಾರ್ ಬರ್ಕ, ಸ್ವಾದಿಕ್ ಹಾಜಿ ಸುಳ್ಯ, ಆರಿಫ್ ಕೋಡಿ, ಇಬ್ರಾಹೀಂ ಹಾಜಿ ಅತ್ರಾಡಿ, ಅಬ್ದುಲ್ ಸಲಾಂ ಸಖಾಫಿ ಅರಿಕ್ಕಾಡಿ, ಉಬೈದುಲ್ಲಾ ಸಖಾಫಿ ಮಿತ್ತೂರು, ಸಲೀಮ್ ಮಿಸ್ಬಾಹಿ ಕನ್ಯಾನ ಹಾಗೂ ಇನ್ನಿತರ ಗಣ್ಯರು ಉಪಸ್ಥಿತರಿರುವರು ಎಂದು ಕಾರ್ಯಕ್ರಮದ ಸ್ವಾಗತ ಸಮಿತಿ ಚೇರ್ಮೇನ್ ಸಿದ್ದೀಕ್ ಮಾಂಬ್ಳಿ ಸುಳ್ಯ ಹಾಗೂ ಕನ್ವೀನರ್ ಹಂಝ ಹಾಜಿ ಕನ್ನಂಗಾರ್  ಇವರು ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.