ಸಿವಿಲ್ ಇಂಜಿನಿಯರಿಂಗ್: ಬಂಟಕಲ್‌ನ ವಿದ್ಯಾರ್ಥಿನಿ ಜಾನ್ವಿಗೆ 9ನೇ ರ‍್ಯಾಂಕ್

ಉಡುಪಿ, ಫೆ.22: ಬಂಟಕಲ್ ಶ್ರೀಮಧ್ವವಾದಿರಾಜ ತಾಂತ್ರಿಕ ಮಹಾವಿದ್ಯಾ ಲಯದ ಸಿವಿಲ್ ಇಂಜಿನಿಯರಿಂಗ್ ವಿಭಾಗದ 2018-22ನೇ ಸಾಲಿನ ವಿದ್ಯಾರ್ಥಿನಿ ಜಾನ್ವಿ ವಿ.ನಿಲೇಕಣಿ ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವ ವಿದ್ಯಾಲಯದ ಸಿವಿಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ 9.31ಸಿಜಿಪಿಎ ನೊಂದಿಗೆ 9ನೇ ರ‍್ಯಾಂಕ್  ಗಳಿಸಿದ್ದಾರೆ.

ವಿದ್ಯಾರ್ಥಿನಿಯ ಈ ಸಾಧನೆಗೆ  ಸಂಸ್ಥೆಯ ಆಡಳಿತ  ಮಂಡಳಿ, ಶಿಕ್ಷಕ ಹಾಗೂ ಶಿಕ್ಷಕೇತರ ಸಿಬ್ಬಂದಿ ವರ್ಗದವರು ಶುಭ ಹಾರೈಸಿದ್ದಾರೆ. ಈ ವಿದ್ಯಾರ್ಥಿನಿಯು 2022ನೆ ಸಾಲಿನ ಕಾಲೇಜಿನ ಉತ್ತಮ ವಿದ್ಯಾರ್ಥಿನಿ ಪ್ರಶಸ್ತಿಯನ್ನೂ ಪಡೆದಿದ್ದರು.