ಮಂಗಳೂರು: ಮಾ.4ರಂದು ರೈಲು ಸಂಚಾರದಲ್ಲಿ ವ್ಯತ್ಯಯ

ಮಂಗಳೂರು,  ಮಾ.1:  ಪಡೀಲ್ -ಜೋಕಟ್ಟೆ ನಡುವಿನ ಡಬಲ್ ಲೈನ್ ಮರುಸ್ಥಾಪನೆ ಕಾಮಗಾರಿಗೆ ಸಂಬಂಧಿಸಿ ಮಾ.4ರಂದು ಮಂಗಳೂರನ್ನು ಸಂಪರ್ಕಿಸುವ ಕೆಲವು  ರೈಲುಗಳ  ಓಡಾಟದಲ್ಲಿ ಬದಲಾವಣೆ ಮಾಡಲಾಗಿದೆ ಎಂದು ದಕ್ಷಿಣ ರೈಲ್ವೇಯು  ಪ್ರಕಟನೆಯಲ್ಲಿ ತಿಳಿಸಿದೆ.

ರೈಲು ಸಂಖ್ಯೆ 06489 ಮಂಗಳೂರು ಸೆಂಟ್ರಲ್-ಸುಬ್ರಹ್ಮಣ್ಯ , ನಂ.06488 ಸುಬ್ರಹ್ಮಣ್ಯ - ಮಂಗಳೂರು ಸೆಂಟ್ರಲ್ , ರೈಲು ಸಂಖ್ಯೆ 06487 ಮಂಗಳೂರು ಸೆಂಟ್ರಲ್ - ಕಬಕ ಪುತ್ತೂರು ಮತ್ತು  ರೈಲು ಸಂಖ್ಯೆ. 06486 ಕಬಕ ಪುತ್ತೂರು - ಮಂಗಳೂರು ಸೆಂಟ್ರಲ್ ಅನ್‌ರಿಸರ್ವ್ಡ್ ಎಕ್ಸ್‌ಪ್ರೆಸ್ ವಿಶೇಷ  ರೈಲಿನ ಓಡಾಟವನ್ನು ಮಾ.4ರಂದು  ಪೂರ್ಣವಾಗಿ ರದ್ದುಗೊಳಿಸಲಾಗಿದೆ.

ರೈಲು ಸಂಖ್ಯೆ 10107 ಮಡಗಾಂವ್ ಜಂಕ್ಷನ್ - ಮಂಗಳೂರು ಸೆಂಟ್ರಲ್ ಮೆಮು ಎಕ್ಸ್‌ಪ್ರೆಸ್ ಪ್ರಯಾಣದ ಸೇವೆಯನ್ನು ತೋಕೂರು - ಮಂಗಳೂರು ಸೆಂಟ್ರಲ್ ನಡುವೆ ,ರೈಲು ಸಂಖ್ಯೆ 10108 ಮಂಗಳೂರು ಸೆಂಟ್ರಲ್ - ಮಡಗಾಂವ್ ಜಂಕ್ಷನ್ ಮೆಮು ಎಕ್ಸ್‌ಪ್ರೆಸ್ ಪ್ರಯಾಣದ ಸೇವೆ  ಮಂಗಳೂರು ಸೆಂಟ್ರಲ್ - ತೋಕೂರು ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತದೆ.  ರೈಲು ಮಾ.4ರಂದು ತೋಕೂರಿನಿಂದ ಸಂಜೆ 3:40ಕ್ಕೆ ನಿರ್ಗಮಿಸಲಿದೆ.

ಮಾ. 3ರಂದು ರೈಲು ಸಂಖ್ಯೆ 12133 ಮುಂಬೈ ಸಿಎಸ್‌ಎಂಟಿ  - ಮಂಗಳೂರು ಜಂಕ್ಷನ್ ಎಕ್ಸ್‌ಪ್ರೆಸ್ ಪ್ರಯಾಣ ವನ್ನು ಸುರತ್ಕಲ್ - ಮಂಗಳೂರು ಜಂಕ್ಷನ್ ನಡುವೆ ಭಾಗಶಃ ರದ್ದುಗೊಳಿಸಲಾಗುತ್ತದೆ.

ಮಾ.4 ರಂದು ಪ್ರಾರಂಭವಾಗುವ ರೈಲು ಸಂಖ್ಯೆ 12134 ಮಂಗಳೂರು ಜಂಕ್ಷನ್ - ಮುಂಬೈ ಸಿಎಸ್‌ಎಂಟಿ  ಎಕ್ಸ್‌ಪ್ರೆಸ್ ರೈಲಿನ  ಮಂಗಳೂರು ಜಂಕ್ಷನ್ ಮತ್ತು ಸುರತ್ಕಲ್ ನಡುವಿನ ಓಡಾಟವನ್ನು ಭಾಗಶಃ ರದ್ದುಗೊಳಿಸಲಾಗುವುದು.

ರೈಲು ಸಂಖ್ಯೆ 16539 ಯಶವಂತಪುರ - ಮಂಗಳೂರು ಜಂಕ್ಷನ್ ವೀಕ್ಲಿ ಎಕ್ಸ್‌ಪ್ರೆಸ್ (ಶ್ರವಣಬೆಳಗೋಳ ಮೂಲಕ) ಸೇವೆ ಮಾ.4ರಂದು ಕಬಕ ಪುತ್ತೂರು ಮತ್ತು ಮಂಗಳೂರು ಜಂಕ್ಷನ್ ನಡುವೆ ಭಾಗಶಃ ರದ್ದಾಗಲಿದೆ.

* ರೈಲು ಸಂಖ್ಯೆ 07377 ವಿಜಯಪುರ-ಮಂಗಳೂರು ಜಂಕ್ಷನ್ ಡೈಲಿ ಎಕ್ಸ್‌ಪ್ರೆಸ್ ವಿಶೇಷ ಪ್ರಯಾಣವು ಮಾ. 3ರಂದು ಸುಬ್ರಹ್ಮಣ್ಯ ರಸ್ತೆ ಮತ್ತು ಮಂಗಳೂರು ಜಂಕ್ಷನ್ ನಡುವೆ ಭಾಗಶಃ ರದ್ಧಾಗಲಿದೆ.

* ರೈಲು ಸಂಖ್ಯೆ 07378 ಮಂಗಳೂರು ಜಂಕ್ಷನ್-ವಿಜಯಪುರ ಡೈಲಿ ಎಕ್ಸ್‌ಪ್ರೆಸ್ ವಿಶೇಷ ರೈಲಿನ  ಸೇವೆಯು ಮಾ.4ರಂದು  ಮಂಗಳೂರು ಜಂಕ್ಷನ್ ಮತ್ತು ಸುಬ್ರಹ್ಮಣ್ಯ ನಡುವೆ ಭಾಗಶಃ ರದ್ದಾಗಲಿದೆ ಎಂದು ಪ್ರಕಟನೆ ತಿಳಿಸಿದೆ.