ಮೊದಲ ಬಜೆಟ್ ಅಧಿವೇಶನಕ್ಕೆ ತಮ್ಮ ಹಳೆಯ ಕಾರಿನಲ್ಲಿ ವಿಧಾನಸಭೆಗೆ ಆಗಮಿಸಿದ ಹಿಮಾಚಲ ಮುಖ್ಯಮಂತ್ರಿ
ಶಿಮ್ಲಾ: ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖ್ವೀಂದರ್ ಸಿಂಗ್ (Himachal Pradesh CM Sukhvinder Singh) ಇಂದು ತಮ್ಮ ಪ್ರಥಮ ಬಜೆಟ್ ಅಧಿವೇಶನಕ್ಕೆ (budget session) ವಿಧಾನಸಭೆಗೆ ತಮ್ಮ ಹಳೆಯ ಕಾರಿನಲ್ಲಿ ಆಗಮಿಸುವ ಮೂಲಕ ತಮ್ಮ ಸರಳತೆ ಮೆರೆದಿದ್ದಾರೆ.
ಈ ಕುರಿತು ಮಾಧ್ಯಮಗಳ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು ತಾವು ಮೊದಲ ಬಾರಿ ಶಾಸಕರಾದ ನಂತರ ತಮ್ಮ ಆಲ್ಟೋ ಕಾರಿನಲ್ಲಿ ಆಗಮಿಸಿದ್ದು ಹಾಗೂ ಅಂದಿನಿಂದ ಇದೇ ಕಾರಿನಲ್ಲಿ ವಿಧಾನಸಭೆಗೆ ಆಗಮಿಸುತ್ತಿರುವುದಾಗಿ ತಿಳಿಸಿದರು.
"ಇದು ನನ್ನ ಹಳೆಯ ದಿನಗಳನ್ನು ನೆನಪಿಸುತ್ತದೆ," ಎಂದು ಮುಖ್ಯಮಂತ್ರಿ ಹೇಳಿದರು.
ವಿಧಾನಸಭೆಗೆ ಆಗಮಿಸಿದ ಮುಖ್ಯಮಂತ್ರಿಗಳನ್ನು ಉಪಮುಖ್ಯಮಂತ್ರಿ ಮುಕೇಶ್ ಆಗ್ನಿಹೋತ್ರಿ ಮತ್ತು ಸಂಸದೀಯ ವ್ಯವಹಾರಗಳ ಸಚಿವ ಹರ್ಷವರ್ಧನ್ ಚೌಹಾಣ್ ಸ್ವಾಗತಿಸಿದರು.
ಮುಖ್ಯಮಂತ್ರಿಯ ಸರಳತೆಯನ್ನು ರಾಜ್ಯದ ಜನ ನೋಡಿದ್ದು ಇದೇ ಮೊದಲ ಬಾರಿಯಲ್ಲ. ಈ ಹಿಂದೆ ಕೂಡ ಅವರು ಸಾಮಾನ್ಯರಂತೆ ಬೆಳಗ್ಗಿನ ವಾಕಿಂಗಿಗೆ ಮಾಲ್ ರೋಡ್ನಲ್ಲಿ ಹೋಗುವುದನ್ನು ಹಲವರು ನೋಡಿದ್ದಾರೆ. ಯಾವುದೇ ವಿವಿಐಪಿ ಶಿಷ್ಟಾಚಾರವಿಲ್ಲದೆ ಮುಖ್ಯಮಂತ್ರಿ ಜನರೊಂದಿಗೆ ಬೆರೆಯುತ್ತಿರುವುದು ರಾಜ್ಯದ ಜನತೆಗೆ ಖುಷಿ ನೀಡಿದೆ ಎಂದು ndtv.com ವರದಿ ಮಾಡಿದೆ.
ಇದನ್ನೂ ಓದಿ: ನಾನೇನು ಮಾಡಲಿ, ಕೆಲಸ ಬಿಡಲೇ: ಪೂಜಾರ ಬೌಲಿಂಗ್ ಚಿತ್ರ ಟ್ವೀಟಿಸಿ ಅಶ್ವಿನ್ ಪ್ರಶ್ನೆ
आज अपनी पुरानी अल्टो कार से विधानसभा पहुंचा।
— Sukhvinder Singh Sukhu (@SukhuSukhvinder) March 14, 2023
"इंसान को कभी भी अपने भूतकाल को नहीं भूलना चाहिए । चाहे वह जितना भी बड़ा पद हासिल कर ले।
भूतकाल की वह परिस्थितियां, परिवार और समाज जो आपके साथ थे, हमेशा आपके लिए प्रेरणा स्रोत बने रहते हैं" pic.twitter.com/4sNSpT2oWj
