ಅಬುಧಾಬಿ: ಬ್ಯಾರೀಸ್ ವೆಲ್ಫೇರ್ ಫೋರಂ ವತಿಯಿಂದ ಇಫ್ತಾರ್ ಕೂಟ

ಅಬುಧಾಬಿ: ಅನಿವಾಸಿ ಬ್ಯಾರಿ ಸಮುದಾಯದ ಅಭ್ಯುದಯಕ್ಕಾಗಿ ಯುನೈಟೆಡ್ ಅರಬ್ ಎಮಿರೇಟ್ಸ್ ನ ಅಬುಧಾಬಿಯಲ್ಲಿ ದಶಕಗಳಿಂದ ಕಾರ್ಯಾಚರಿಸುತ್ತಿರುವ ಬ್ಯಾರೀಸ್ ವೆಲ್ಫೇರ್ ಫೋರಂ ಅಬುಧಾಬಿ (BWF) ವತಿಯಿಂದ ಶುಕ್ರವಾರ ಇಫ್ತಾರ್ ಕೂಟ ಆಯೋಜಿಸಲಾಗಿತ್ತು. 25 ಪ್ರತಿನಿಧಿಗಳನ್ನೊಳಗೊಂಡ BWF ಸಂಸ್ಥೆಯು ಮುಹಮ್ಮದ್ ಅಲಿ ಉಚ್ಚಿಲ್ ಹಾಗೂ ಅಬ್ದುಲ್ಲಾ ಮದುಮೂಲೆ ಅವರ ಸಾರಥ್ಯದಲ್ಲಿ ಹಲವಾರು ಸಮಾಜಮುಖಿ ಕಾರ್ಯಗಳೊಂದಿಗೆ  ಮುನ್ನಡೆಯುತ್ತಿದೆ.

ಸಂಸ್ಥೆಯ ಪ್ರತಿನಿಧಿ ಅಬ್ದುಲ್ ಮುಜೀಬ್ ಉಚ್ಚಿಲರವರ ಕಿರಾಅತ್ ಪಠಣದೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಕೆ.ಎಂ ಮುಸ್ತಫಾ ನಯೀಮಿ ಹಾವೇರಿ ಉಸ್ತಾದ್ ನೆರೆದಿದ್ದ ಸಮೂಹಕ್ಕೆ  ಧಾರ್ಮಿಕ ಸಂದೇಶವನ್ನು ನೀಡಿದರು. ಅಬೂ ಸುಫಿಯಾನ್ (ಎಚ್.ಎ. ಇಬ್ರಾಹಿಂ ಮದನಿ) ಉಸ್ತಾದರು ಆಶೀರ್ವಚನಗೈದರು.

ಸಂಸ್ಥೆಯ ಅಧ್ಯಕ್ಷರಾದ ಮುಹಮ್ಮದ್ ಅಲಿ ಉಚ್ಚಿಲ್ ಸರ್ ಪ್ರಾಸ್ತಾವಿಕ ಭಾಷಣ ಮಾಡಿ ಸಂಸ್ಥೆಯ ಕಾರ್ಯವೈಖರಿಗಳ ಬಗ್ಗೆ ವಿವರಿಸಿದರು. ಬಿಡಬ್ಲ್ಯೂಫ್  ಕಳೆದ 20 ವರ್ಷಗಳಿಂದ ನಡೆಸಿಕೊಂಡು ಬರುತ್ತಿರುವ ಜೀವ ಕಾರುಣ್ಯ ಚಟುವಟಿಕೆಗಳ ಕಿರು ಪರಿಚಯ ನೀಡಿದರು. ಪ್ರಧಾನ ಕಾರ್ಯದರ್ಶಿ ಅಬ್ದುಲ್ಲಾ ಮದುಮೂಲೆ  ರಮಝಾನ್ ಸಂದೇಶ ನೀಡಿ ಪರಿಸರ ಸಂರಕ್ಷಣೆಯ ಬಗ್ಗೆ ಜಾಗೃತಿ ಮೂಡಿಸಲು ಸಲಹೆ ಹಾಗೂ ಕರೆ ನೀಡಿದರು.

ಕಾರ್ಯಕ್ರಮದಲ್ಲಿ ಸುಮಾರು ನೂರಾರು ಬ್ಯಾರಿ ಸಮುದಾಯದವರು ಭಾಗವಹಿಸಿದ್ದಾರೆ. ಸಂಸ್ಥೆಯ ಉಪಾಧ್ಯಕ್ಷರಾದ ಅಬ್ದುಲ್ ರವೂಫ್ ಹಾಜಿ ಕೈಕಂಬರವರು ಕಾರ್ಯಕ್ರಮವನ್ನು ನಿರೂಪಿಸಿದರು. ಅಬ್ದುಲ್ ರಶೀದ್ ವಿ.ಕೆ ರವರು ಧನ್ಯವಾದ ಸಮರ್ಪಿಸಿದರು.

ಬ್ಯಾರೀಸ್ ವೆಲ್ಫೇರ್ ಫೋರಂ ಅಬುಧಾಬಿ (BWF) ಸಂಸ್ಥೆ ಸಾಮೂಹಿಕ ವಿವಾಹ, ಅಶಕ್ತರ ಮನೆ ದುರಸ್ಥಿ, ಪ್ರತಿಭಾನ್ವಿತರ ವಿದ್ಯಾರ್ಜನೆಗೆ ಆರ್ಥಿಕ ಸಹಾಯಗಳಂತಹ ಸಾಮುದಾಯಿಕ ಸಾಮಾಜಿಕ ಕಾರ್ಯಗಳನ್ನು ಮಾಡುತ್ತಿದೆ. BWF ಈವರೆಗೆ ಸುಮಾರು 110 ಜೋಡಿ ವಿವಾಹಗಳನ್ನು ನಡೆಸಿಕೊಟ್ಟಿದೆ. 

ಬಿಡಬ್ಲ್ಯೂಫ್ ನ ಪದಾಧಿಕಾರಿಗಳಾದ ಹಂಝ ಕಣ್ಣಗಾರ್, ಮೊಹಮ್ಮದ್ ಕಲ್ಲಾಪು, ಹಮೀದ್ ಗುರುಪುರ, ಇಮ್ರಾನ್ ಕುದ್ರೋಳಿ, ನವಾಝ್ ಉಚ್ಚಿಲ್, ಜಲೀಲ್ ಬಜ್ಪೆ, ಹನೀಫ್ ಉಳ್ಳಾಲ್, ಸಿರಾಜುದ್ದೀನ್ ಪಾರಲಡ್ಕ, ಅಬ್ದುಲ್ ಮಜೀದ್, ಮಜೀದ್ ಆತೂರ್, ಬಷೀರ್ ಬಜ್ಪೆ, ಇರ್ಫಾನ್ ಕುದ್ರೋಳಿ, ಬಷೀರ್ ಉಚ್ಚಿಲ್, ಮೊಯಿನುದ್ದೀನ್ ಹಂಡೇಲ್, ಇಮ್ರಾನ್ ಕೃಷ್ಣಾಪುರ, ನಝೀರ್ ಉಬರ್, ನಿಜಾಮುದ್ದೀನ್ ವಿಟ್ಲ, ಯಾಹ್ಯಾ ಕೊಡ್ಲಿಪೇಟ್, ರಶೀದ್ ಬಿಜೈ ಉಪಸ್ಥಿತರಿದ್ದರು.