ಮಲ್ಪೆ ಬೀಚ್ ಗುತ್ತಿಗೆದಾರ ಸುದೇಶ್ ಶೆಟ್ಟಿ ಮನೆ, ಸಂಸ್ಥೆ ಮೇಲೆ ಇಡಿ ದಾಳಿ

ಉಡುಪಿ, ಎ.20: ಮಲ್ಪೆ ಬೀಚ್ ನಿರ್ವಾಹಣಾ ಗುತ್ತಿಗೆದಾರ ಸುದೇಶ್ ಶೆಟ್ಟಿಯವರ ಮನೆ, ಗೆಸ್ಟ್ ಹೌಸ್, ಹೊಟೇಲ್, ಅಂಗಡಿಗಳ ಮೇಲೆ ಇಡಿ ಅಧಿಕಾರಿಗಳ ತಂಡ ಬುಧವಾರ ಏಕಕಾಲದಲ್ಲಿ ದಾಳಿ ನಡೆಸಿ ಪರಿಶೀಲನೆ ನಡೆಸಿದೆ.

ಸುದೇಶ್ ಶೆಟ್ಟಿ ನಿರ್ವಹಿಸುತ್ತಿರುವ ಮಲ್ಪೆ ಬೀಚ್‌ನಲ್ಲಿರುವ ಗೆಸ್ಟ್ ಹೌಸ್ ಕಚೇರಿ, ರೆಸ್ಟೋರೆಂಟ್, ಅಂಗಡಿ ಹಾಗೂ ಮನೆ ಮತ್ತು ಇತರ ಕಡೆಗಳಿಗೆ 10ರಿಂದ 12 ಮಂದಿ ಇಡಿ ಅಧಿಕಾರಿಗಳು ಎ.19ರಂದು ದಾಳಿ ನಡೆಸಿ ಬೆಳಗ್ಗೆಯಿಂದ ಸಂಜೆಯವರೆಗೆ ಪರಿಶೀಲನೆ ನಡೆಸಿದ್ದಾರೆ ಎಂದು ತಿಳಿದುಬಂದಿದೆ.