ದ್ವಿತೀಯ ಪಿ.ಯು. ಪರೀಕ್ಷೆ; ಭಟ್ಕಳದ ದಿ ನ್ಯೂ ಇಂಗ್ಲಿಷ್ ಸ್ಕೂಲ್ ಉತ್ತಮ ಸಾಧನೆ

ಭಟ್ಕಳ: ದ್ವಿತೀಯ ಪಿಯು ಪರೀಕ್ಷೆಯಲ್ಲಿ ಭಟ್ಕಳದ  ದಿ ನ್ಯೂ ಇಂಗ್ಲೀಷ ಪಿ ಯು ಕಾಲೇಜು ಉತ್ತಮ ಸಾಧನೆ ಮಾಡಿದ್ದು, ಪರೀಕ್ಷೆ ಹಾಜರಾದ 268 ವಿದ್ಯಾರ್ಥಿಗಳಲ್ಲಿ 266 ವಿದ್ಯಾರ್ಥಿಗಳು ಉತ್ತೀರ್ಣರಾಗುವುದರ ಮೂಲಕ ಶೇಕಡಾ 99.25%  ಫಲಿತಾಂಶವನ್ನು ದಾಖಲಿಸಿದೆ. 79 ವಿದ್ಯಾರ್ಥಿಗಳು ಉನ್ನತ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದರೆ, 124 ವಿದ್ಯಾರ್ಥಿಗಳು ಪ್ರಥಮ ದರ್ಜೆಯಲ್ಲಿ ಉತ್ತೀರ್ಣರಾಗಿರುತ್ತಾರೆ. 

ವಾಣಿಜ್ಯ ವಿಭಾಗದಲ್ಲಿ ಮಹಾವಿದ್ಯಾಲಯವು 99.42% ಫಲಿತಾಂಶ ದಾಖಲಿಸಿದ್ದು ಸಂಜನಾ ಬೊಮ್ಮಯ್ಯ ದೇವಾಡಿಗ 97.5% ನೊಂದಿಗೆ ಪ್ರಥಮ, ಜೀವೊತ್ತಮ ಎಮ್ ಕೆ 96.83% ನೊಂದಿಗೆ ದ್ವೀತಿಯ ಮತ್ತು ಅಶ್ವಿನಿ ರಾಮ ನಾಯ್ಕ 96.5% ನೊಂದಿಗೆ ತೃತೀಯ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ.

ವಿಜ್ಞಾನ ವಿಭಾಗದಲ್ಲಿ ಮಹಾವಿದ್ಯಾಲಯವು 100% ಫಲಿತಾಂಶ ದಾಖಲಿಸಿದ್ದು ಮನೀಷಾ ವಾಸು ಮೊಗೇರ  96.16% ನೊಂದಿಗೆ ಪ್ರಥಮ, ನಮಿತಾ ಅಣ್ಣಪ್ಪ ನಾಯ್ಕ 95.5% ನೊಂದಿಗೆ ದ್ವಿತೀಯ ಮತ್ತು ವಿನಾಯಕ ಎಸ್. ನಾಯ್ಕ 94.5% ನೊಂದಿಗೆ ತೃತೀಯ ಸ್ಥಾನ ಪಡೆದುಕೊಂಡಿರುತ್ತಾರೆ.

ಕಲಾ ವಿಭಾಗದಲ್ಲಿ ಮಹಾವಿದ್ಯಾಲಯವು 96% ಫಲಿತಾಂಶ ದಾಖಲಿಸಿದ್ದು ಸವಿತಾ ಗೋವಿಂದ ಮರಾಠಿ 87.66% ನೊಂದಿಗೆ ಪ್ರಥಮ, ರಂಜಿತಾ ಮಾದೇವ  ನಾಯ್ಕ  85.16% ನೊಂದಿಗೆ ದ್ವೀತಿಯ ಮತ್ತು ಮೋನಿಷಾ ತಿಮ್ಮಪ್ಪ ಮೊಗೇರ 81.66% ನೊಂದಿಗೆ ತೃತೀಯ ಸ್ಥಾನವನ್ನು ಪಡೆದುಕೊಂಡಿರುತ್ತಾರೆ.

ವಿದ್ಯಾರ್ಥಿಗಳಾದ   ಜೀವೊತ್ತಮ ಎಮ್ ಕೆ, ವರಮಹಾಲಕ್ಷ್ಮೀ, ಶ್ರೀನಿಧಿ ಸುರೇಶ ಭಟ್, ಧೀರಜ್ ಉದಯ ಶೆಟ್ಟಿ ಲೆಕ್ಕಶಾಸ್ತ್ರ, ಕೃಪಾ ಕೆ ನಾಯಕ, ಪ್ರಾಂಜಲ್ ದಾಮೋದರ ಶಾನಭಾಗ, ವರಮಹಾಲಕ್ಷ್ಮೀ ಸಂಖ್ಯಾಶಾಸ್ತ್ರ, ಶ್ರೀಯಾ ನರಸಿಂಹ ಪುರಾಣಿಕ ಅರ್ಥಶಾಸ್ತ್ರ ಹಾಗೂ ಭಾವನಾ ಮೋಹನ ಮೊಗೇರ, ನೀಹಾ ಫಾತಿಮಾ ಜಿ ಸಮ್ಮದ್, ಸಂಜನಾ ಬೊಮ್ಮಯ್ಯ ದೇವಾಡಿಗ, ತೇಜಸ್ವಿನಿ ರಾಮಚಂದ್ರ ನಾಯ್ಕ, ಹರ್ಷಿತಾ ಲಕ್ಷ್ಮಣ ಮೊಗೇರ, ನಮಿತಾ ಅಣ್ಣಪ್ಪ ನಾಯ್ಕ, ರಕ್ಷಿತಾ, ರಂಜಿತಾ ಗುರುನಾಥ ಕೊಲ್ಲೆ,  ವಿನಾಯಕ ಎಸ್. ನಾಯ್ಕ ಗಣಕವಿಜ್ಞಾನ ವಿಷಯಗಳಲ್ಲಿ 100/100 ಅಂಕಗಳನ್ನು ಪಡೆದುಕೊಂಡಿರುತ್ತಾರೆ.

ವಿದ್ಯಾರ್ಥಿಗಳ ಸಾಧನೆಗೆ ಭಟ್ಕಳ ಎಜ್ಯುಕೇಶನ್ ಟ್ರಸ್ಟ್ ನ ಅಧ್ಯಕ್ಷರಾದ ಡಾ. ಸುರೇಶ ನಾಯಕ್, ಮ್ಯಾನೇಜಿಂಗ್ ಟ್ರಸ್ಟಿ ಆರ್. ಜಿ. ಕೊಲ್ಲೆ ಮತ್ತು  ಟ್ರಸ್ಟಿ ಮೆನೇಜರ್ ರಾಜೇಶ ನಾಯಕ್ ಹಾಗೂ ಪ್ರಾಂಶುಪಾಲರಾದ ವಿರೇಂದ್ರ ವಿ. ಶ್ಯಾನಭಾಗ, ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಗಳು ಅಭಿನಂದನೆಯನ್ನು ಸಲ್ಲಿಸಿರುತ್ತಾರೆ.