ಹಿಂದಿ ಬೇಡ, ತಮಿಳಿನಲ್ಲಿ ಮಾತನಾಡು: ವೇದಿಕೆಯಲ್ಲಿ ಪತ್ನಿಗೆ ಎ.ಆರ್. ರಹಮಾನ್ ಸೂಚನೆ; ವೀಡಿಯೊ ವೈರಲ್
ಚೆನ್ನೈ: ಇಲ್ಲಿ ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭವೊಂದರಲ್ಲಿ ಭಾಗಿಯಾಗಿದ್ದ ಖ್ಯಾತ ಸಂಗೀತ ನಿರ್ದೇಶಕ ಎ ಆರ್ ರಹಮಾನ್, ತಮ್ಮ ಪತ್ನಿಗೆ ಹಿಂದಿ ಭಾಷೆ ಬದಲು ತಮಿಳಿನಲ್ಲಿ ಮಾತನಾಡುವಂತೆ ಹೇಳಿದ ವಿದ್ಯಮಾನ ನಡೆದಿದೆ.
ಈ ಕುರಿತಾದ ವೀಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಈ ವೀಡಿಯೋದಲ್ಲಿ ಚೆನ್ನೈನಲ್ಲಿ ನಡೆದ ಸಮಾರಂಭದಲ್ಲಿ ತಮ್ಮ ಪತ್ನಿ ಸಾಯಿರಾ ಬಾನು ಜೊತೆಗೂಡಿ ಅವರು ಪ್ರಶಸ್ತಿ ಸ್ವೀಕರಿಸುವುದು ಕಾಣಿಸುತ್ತದೆ.
ನಂತರ ಮಾತನಾಡಿದ ರಹಮಾನ್, “ನನಗೆ ನನ್ನ ಸಂದರ್ಶನಗಳನ್ನು ಮತ್ತೆ ಮತ್ತೆ ನೋಡುವುದು ಇಷ್ಟವಿಲ್ಲ. ಆದರೆ ಆಕೆ ಅದನ್ನು ನೋಡುತ್ತಿರುತ್ತಾಳೆ, ಏಕೆಂದರೆ ಆಕೆಗೆ ನನ್ನ ದನಿ ತುಂಬಾ ಇಷ್ಟ,” ಎಂದು ರಹಮಾನ್ ಹೇಳಿದರು.
ಕಾರ್ಯಕ್ರಮ ನಿರೂಪಕರು ನಂತರ ಸಾಯಿರಾ ಅವರನ್ನು ಏನನ್ನೋ ಕೇಳಿದಾಗ, ಆಕೆ ಉತ್ತರಿಸುವ ಮೊದಲು ಮಧ್ಯಪ್ರವೇಶಿಸಿದ ರಹಮಾನ್, ಹಿಂದಿ ಬದಲು ತಮಿಳಿನಲ್ಲಿ ಮಾತನಾಡುವಂತೆ ಹೇಳಿದರು. ಸಾಯಿರಾ ತಮಿಳಿನಲ್ಲಿ ಅಷ್ಟು ನಿರರ್ಗಳವಾಗಿ ಮಾಡನಾಡುವುದಿಲ್ಲ.
“ಎಲ್ಲರಿಗೂ ಶುಭ ಸಂಜೆ. ಕ್ಷಮಿಸಿ, ನನಗೆ ತಮಿಳಿನಲ್ಲಿ ನಿರರ್ಗಳವಾಗಿ ಮಾತನಾಡಲು ಸಾಧ್ಯವಿಲ್ಲ. ದಯವಿಟ್ಟು ಕ್ಷಮಿಸಿ. ನಾನು ತುಂಬಾ ಖುಷಿಯಾಗಿದ್ದೇನೆ ಏಕೆಂದರೆ ಅವರ ದನಿ ನನಗೆ ಅಚ್ಚುಮೆಚ್ಚು. ಅವರ ದನಿಯನ್ನು ನಾನು ಪ್ರೀತಿಸಿದೆ. ಅಷ್ಟೇ ಹೇಳಬಲ್ಲೆ,” ಎಂದರು.
ರಹಮಾನ್ ಮತ್ತು ಸಾಯಿರಾ ಬಾನು 1995ರಲ್ಲಿ ವಿವಾಹವಾಗಿದ್ದು ದಂಪತಿಗೆ ಮೂವರು ಮಕ್ಕಳಿದ್ದಾರೆ.
கேப்புல பெர்பாமென்ஸ் பண்ணிடாப்ள பெரிய பாய்
— black cat (@Cat__offi) April 25, 2023
ஹிந்தில பேசாதீங்க தமிழ்ல பேசுங்க ப்ளீஸ் pic.twitter.com/Mji93XjjID