ಮಾಮ್ ಇನ್ಸ್ಪೈರ್ ವಾರ್ಷಿಕ ಪ್ರಶಸ್ತಿ ಪ್ರಕಟ
ಮಂಗಳೂರು, ಎ.27: ಮಂಗಳೂರು ವಿಶ್ವವಿದ್ಯಾನಿಲಯದ ಪತ್ರಿಕೋದ್ಯಮ ವಿಭಾಗದ ಹಳೆ ವಿದ್ಯಾರ್ಥಿ ಸಂಘಟನೆ ‘ಮೀಡಿಯಾ ಅಲುಮ್ನಿ ಅಸೋಸಿಯೇಶನ್ ಆಫ್ ಮಂಗಳಗಂಗೋತ್ರಿ’ (ಮಾಮ್) ವತಿಯಿಂದ ಪ್ರತಿ ವರ್ಷ ನೀಡಲಾಗುವ ಮಾಮ್ ಇನ್ಸ್ಪೈರ್ ವಿಶೇಷ ಪ್ರಶಸ್ತಿಗಳನ್ನು (2020-21 ಹಾಗೂ 2021- 22ನೇ ಶೈಕ್ಷಣಿಕ ವರ್ಷ) ಪ್ರಕಟಿಸಲಾಗಿದೆ.
*2020-21:
ಪದವಿ ವಿಭಾಗ: ರಶ್ಮಿ ಯಾದವ್, ಎಸ್ಡಿಎಂ ಕಾಲೇಜ್ ಉಜಿರೆ (ಪ್ರಥಮ), ಯಕ್ಷಿತಾ ಆಳ್ವಾಸ್ ಕಾಲೇಜು, ಮೂಡುಬಿದಿರೆ (ದ್ವಿತೀಯ), ನವ್ಯಾಶ್ರೀ ಶೆಟ್ಟಿ, ಎಂಜಿಎಂ ಕಾಲೇಜು ಉಡುಪಿ (ಪ್ರೋತ್ಸಾಹಕ ಪ್ರಶಸ್ತಿ).
ಸ್ನಾತಕೋತ್ತರ ವಿಭಾಗ: ಚೈತ್ರಾ, ಎಸ್ಡಿಎಂ ಕಾಲೇಜ್ ಉಜಿರೆ (ಪ್ರಥಮ), ಸ್ವಸ್ತಿಕ್ ಕನ್ಯಾಡಿ, ಎಸ್ಡಿಎಂ ಕಾಲೇಜ್ ಉಜಿರೆ (ದ್ವಿತೀಯ).
*2021-22:
ಪದವಿ ವಿಭಾಗ: ಶ್ಯಾಮ ಪ್ರಸಾದ್, ಎಸ್ಡಿಎಂ ಕಾಲೇಜ್ ಉಜಿರೆ (ಪ್ರಥಮ).
ಸ್ನಾತಕೋತ್ತರ ಪದವಿ ವಿಭಾಗ: ಇಂದೂಧರ ಹಳೆಯಂಗಡಿ, ಆಳ್ವಾಸ್ ಕಾಲೇಜು ಮೂಡುಬಿದಿರೆ (ಪ್ರಥಮ), ನಳಿನಿ, ಆಳ್ವಾಸ್ ಕಾಲೇಜು ಮೂಡುಬಿದಿರೆ (ದ್ವಿತೀಯ).
ಪ್ರಶಸ್ತಿಗಳನ್ನು ಪ್ರಸಕ್ತ ವರ್ಷ ಮೇ ಅಂತ್ಯದೊಳಗೆ ಪ್ರದಾನ ಮಾಡಲಾಗುವುದು. ಮಂಗಳೂರು ವಿವಿ ವ್ಯಾಪ್ತಿಯ ಕಾಲೇಜುಗಳಲ್ಲಿ ಯಾವುದೇ ಪದವಿಯ ಅಂತಿಮ ವರ್ಷದಲ್ಲಿ ಓದುತ್ತಿದ್ದು, ಮಾಧ್ಯಮ ಕ್ಷೇತ್ರಕ್ಕೆ ಗಣನೀಯ ಕೊಡುಗೆ ನೀಡಿರುವ ವಿದ್ಯಾರ್ಥಿಗಳಿಗೆ ಪದವಿ ಭಾಗದ ಮಾಮ್ ಇನ್ಸ್ಪೈರ್ ಪ್ರಶಸ್ತಿ ನೀಡಲಾಗುತ್ತಿದೆ.
ಪತ್ರಿಕೋದ್ಯಮ ಸ್ನಾತಕೋತ್ತರ ಪದವಿ ಓದುತ್ತಿರುವ, ಅಂತಿಮ ವರ್ಷದ ವಿದ್ಯಾರ್ಥಿಗಳು ಮಾಧ್ಯಮ ಕ್ಷೇತ್ರದಲ್ಲಿ ಸಕ್ರಿಯರಾಗಿರುವುದು ಮತ್ತು ಸಮಾಜಪರ ಕಳಕಳಿಯ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿರುವವರನ್ನು ಗುರುತಿಸಿ ಈ ಪ್ರಶಸ್ತಿ ನೀಡಲಾಗುತ್ತಿದೆ ಎಂದು ಮಾಮ್ ಅಧ್ಯಕ್ಷ ನವೀನ್ ಅಮ್ಮೆಂಬಳ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.
