ಕಾಂಚನ ಹೋಂಡಾ: ಹೊಸ ಮಾದರಿಯ ದ್ವಿಚಕ್ರ ವಾಹನಗಳು ಮಾರುಕಟ್ಟೆಗೆ

ಮಂಗಳೂರು: ನಗರದ ಕಂಕನಾಡಿ-ಪಂಪ್‍ವೆಲ್ ಮುಖ್ಯ ರಸ್ತೆಯಲ್ಲಿರುವ 'ಕಾಂಚನ ಹೋಂಡಾ' ಶೋರೂಮ್‍ನಲ್ಲಿ ಬುಧವಾರ ಎರಡು ಹೊಸ ಮಾದರಿಯ ದ್ವಿಚಕ್ರ ವಾಹನಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಯಿತು.

ಬಿಗ್‍ಬಾಸ್-2022 ವಿಜೇತ ರಾಕ್‍ಸ್ಟಾರ್ ರೂಪೇಶ್ ಶೆಟ್ಟಿ ಅವರು 'ಶೈನ್ 100 ಸಿಸಿ ಮತ್ತು ಡಿಯೋ 110 ಸಿಸಿ' ದ್ವಿಚಕ್ರ ವಾಹನಗಳನ್ನು ಅನಾವರಣಗೊಳಿಸಿದರು.

ಬಳಿಕ ಮಾತನಾಡಿದ ಅವರು 'ಕಾಂಚನ ಹೋಂಡಾ' ಶೋರೂಮ್‍ಗಳು ಗ್ರಾಹಕರ ಪ್ರೀತಿ, ವಿಶ್ವಾಸಕ್ಕೆ ಪಾತ್ರವಾಗಿದೆ. 'ಕಾಂಚನ ಹೋಂಡಾ'ದ ಯಾವುದೇ ಶೋರೂಮ್‍ನಲ್ಲಿ ದ್ವಿಚಕ್ರ ವಾಹನಗಳನ್ನು ಖರೀದಿಸಿದರೆ 'ಸರ್ಕಸ್' ಸಿನೆಮಾದ ಟಿಕೆಟ್ ಉಚಿತವಾಗಿ ಪಡೆಯಬಹುದಾಗಿದೆ. ಇದು 'ಕಾಂಚನ' ಸಂಸ್ಥೆಯ ಮೇಲೆ ತಾನಿಟ್ಟಿರುವ ಅಭಿಮಾನದ ಪ್ರತೀಕವಾಗಿದೆ ಎಂದರು.

ಈ ಸಂದರ್ಭ 'ಶೈನ್ 100 ಸಿಸಿ ಮತ್ತು ಡಿಯೋ 110 ಸಿಸಿ' ದ್ವಿಚಕ್ರ ವಾಹನಗಳ ಪ್ರಥಮ ಗ್ರಾಹಕರಾದ ರಫೀಕ್ ಮತ್ತು ಯಶೋಧರ ಅವರಿಗೆ 'ಕೀ' ಹಸ್ತಾಂತರಿಸಲಾಯಿತು.

ಕರಾವಳಿಯಾದ್ಯಂತ ಹಲವು ವರ್ಷಗಳಿಂದ ಮನೆಮಾತಾಗಿರುವ ಹೋಂಡಾ ದ್ವಿಚಕ್ರ ವಾಹನ ಮಾರಾಟ ಹಾಗೂ ಸೇವೆಯಲ್ಲಿ ಅಗ್ರ ಸ್ಥಾನದಲ್ಲಿದೆ. ಪ್ರತೀ ತಿಂಗಳು ದ.ಕ ಜಿಲ್ಲಾದ್ಯಂತ 10,000ಕ್ಕೂ ಹೆಚ್ಚು ಗ್ರಾಹಕರಿಗೆ ತೃಪ್ತಿದಾಯಕ ಸೇವೆಯನ್ನು ನೀಡುತ್ತಿರುವ ಹಾಗೂ ಅಪಾರ ಅನುಭವ ಹೊಂದಿರುವ ಕಾಂಚನ ಮೋಟಾರ್ಸ್‍ನ ಅಂಗ ಸಂಸ್ಥೆ 'ಕಾಂಚನ ಹೋಂಡಾ'ವು ಬುಧವಾರ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾದ 'ಶೈನ್ 100 ಸಿಸಿ ಮತ್ತು ಡಿಯೋ 110 ಸಿಸಿ' ದ್ವಿಚಕ್ರ ವಾಹನವು ಉತ್ತಮ ಗುಣಮಟ್ಟ ಹೊಂದಿದೆ. ಅತ್ಯಧಿಕ ಮೈಲೇಜ್ ನೀಡುತ್ತದೆ, ಶೈನ್ 100 ಸಿಸಿಯ ಎಕ್ಸಶೋರೂಂ ಬೆಲೆ ರೂ. 66,600ರಿಂದ ಮತ್ತು ಡಿಯೋನ ಎಕ್ಸಶೋರೂಂ ಬೆಲೆ ರೂ. 74,629ರಿಂದ ಆರಂಭವಾಗುತ್ತದೆ ಎಂದು 'ಕಾಂಚನ ಹೋಂಡಾ'ದ ಜನರಲ್ ಮ್ಯಾನೇಜರ್ ಪ್ರತೀಕ್ ಕಾಮತ್ ಮಾಹಿತಿ ನೀಡಿದ್ದಾರೆ.

'ಕಾಂಚನ ಹೋಂಡಾ'ದ ಕೂಳೂರು-ಕಾವೂರು, ತೊಕ್ಕೊಟ್ಟು, ಮುಡಿಪು, ಬಿ.ಸಿ.ರೋಡ್, ಸಿದ್ದಕಟ್ಟೆ, ವಿಟ್ಲ, ಮಾಣಿ ಶೋ ರೂಮ್‍ಗಳಲ್ಲೂ ಹೊಸ ಮಾದರಿಯ ದ್ವಿಚಕ್ರ ವಾಹನಗಳು ಲಭ್ಯವಿದೆ. 'ಶೈನ್ 125' 2006ರಿಂದಲೇ ಮಾರುಕಟ್ಟೆಯಲ್ಲಿದ್ದು, ಇದೀಗ ಶೈನ್ 100 ಸಿಸಿ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿದೆ.

ಕಾಂಚನ ಹೋಂಡಾ ಸಂಸ್ಥೆಯು ಗ್ರಾಹಕರಿಗೆ ಪ್ರತೀ ತಿಂಗಳು ಹಲವಾರು ರೀತಿಯ ಆಫರ್‍ಗಳನ್ನು ಪರಿಚಯಿಸುತ್ತಾ ಬಂದಿದೆ. ಗ್ರಾಹಕರು ಕೇವಲ 1 ರೂ. ಮುಂಗಡ ಪಾವತಿಸಿ ತಮ್ಮ ನೆಚ್ಚಿನ ಶೈನ್ 100 ಸಿಸಿ ಮತ್ತು ಡಿಯೋ 110 ಸಿಸಿ ದ್ವಿಚಕ್ರ ವಾಹನವನ್ನು ಖರೀದಿಸಬಹುದಾಗಿದೆ.

ಗ್ರಾಹಕರು ತಮ್ಮ ಹಳೆಯ ದ್ವಿಚಕ್ರ ವಾಹನವನ್ನು ಹೋಂಡಾ ದ್ವಿಚಕ್ರ ವಾಹನದೊಂದಿಗೆ ವಿನಿಮಯಿಸಿ ತಮ್ಮ ಹಳೇ ದ್ವಿಚಕ್ರ ವಾಹನಕ್ಕೆ ಮಾರುಕಟ್ಟೆಗಿಂತ ಹೆಚ್ಚಿನ ಮೌಲ್ಯವನ್ನು ಪಡೆಯಬಹುದು. ಗ್ರಾಹಕರ ಬೇಡಿಕೆಯ ಮೇರೆಗೆ ಶೇ.0 ವಿಶೇಷ ರಿಯಾಯತಿಯ ಬಡ್ಡಿ ದರದಲ್ಲಿ ಸಾಲ ಮಂಜೂರಾತಿ ಮಾಡಿ ಕೊಡಲಾಗುವುದು. ಅತೀ ಕಡಿಮೆ ದಾಖಲಾತಿಗಳೊಂದಿಗೆ ಸ್ಥಳದಲ್ಲೇ ಸಾಲ ಸೌಲಭ್ಯವನ್ನು ಕಲ್ಪಿಸಿ ಕೊಡಲಾಗುವುದು ಎಂದು ಪ್ರಕಟಣೆ ತಿಳಿಸಿದೆ.