ಏನಿದು ಕಾರ್ಪಲ್ ಟನೆಲ್ ಸಿಂಡ್ರೋಮ್? | Vartha Bharati- ವಾರ್ತಾ ಭಾರತಿ

--

ಏನಿದು ಕಾರ್ಪಲ್ ಟನೆಲ್ ಸಿಂಡ್ರೋಮ್?

ಕಾರ್ಪಲ್ ಟನೆಲ್ ಸಿಂಡ್ರೋಮ್ ನಮ್ಮ ಕೈಗಳಲ್ಲಿ ಕಾಣಿಸಿಕೊಳ್ಳುವ ಸಾಮಾನ್ಯ ಸಮಸ್ಯೆಗಳಲ್ಲೊಂದಾಗಿದೆ. ಈ ಸಮಸ್ಯೆಯಿಂದ ಬಳಲುತ್ತಿರುವವರಲ್ಲಿ ಕೈ ಮತ್ತು ಮಣಿಗಂಟಿನಲ್ಲಿ ನೋವು,ಮರಗಟ್ಟುವಿಕೆ ಮತ್ತು ನಿಶ್ಶಕ್ತಿ ಕಾಣಿಸಿಕೊಳ್ಳಬಹುದು.

ಕಾರ್ಪಲ್ ಟನೆಲ್ ಎನ್ನುವುದು ಮಣಿಗಂಟಿನಲ್ಲಿರುವ ಕಿರಿದಾದ ಕೊಳವೆಯಾಗಿದ್ದು ಕೈಯಲ್ಲಿರುವ ಮಧ್ಯ ನರ ಮತ್ತು ಸ್ನಾಯುರಜ್ಜುಗಳನ್ನು ಮುಂಗೈಯೊಂದಿಗೆ ಜೋಡಿಸಲು ನೆರವಾಗುತ್ತದೆ. ಕಾರ್ಪಲ್ ಟನೆಲ್ ಸಿಂಡ್ರೋಮ್ ಅನ್ನು ಮಧ್ಯ ನರ ಸಂಕೋಚನ ಎಂದೂ ಕರೆಯಲಾಗುತ್ತದೆ ಮತ್ತು ನಿಮ್ಮ ಕೈಯಲ್ಲಿ ಮರಗಟ್ಟುವಿಕೆ,ಜುಮುಗುಡುವಿಕೆ ಮತ್ತು ನಿಶ್ಶಕ್ತಿ ಅನುಭವವಾದರೆ ವೈದ್ಯರನ್ನು ಭೇಟಿಯಾಗುವುದು ಅಗತ್ಯವಾಗುತ್ತದೆ. ಮಣಿಗಂಟಿನ ಮೂಲಕ ಹಾದುಹೋಗುವ ಮಧ್ಯ ನರವು ಹೆಬ್ಬೆರಳಿನ ಚಲನವಲನ ಮತ್ತು ಸಂವೇದನೆ ಹಾಗೂ ಕಿರಿಬೆರಳನ್ನು ಹೊರತುಪಡಿಸಿ ಇತರ ಎಲ್ಲ ಬೆರಳುಗಳ ಚಲನವಲನಗಳನ್ನು ನಿಯಂತ್ರಿಸುತ್ತದೆ. ಈ ನರದ ಮೇಲೆ ಒತ್ತಡವುಂಟಾದಾಗ ಕಾರ್ಪಲ್ ಟನೆಲ್ ಸಿಂಡ್ರೋಮ್ ಉಂಟಾಗುತ್ತದೆ.

ಲಕ್ಷಣಗಳು

 ಉರಿ,ಮರಗಟ್ಟುವಿಕೆ,ಏನನ್ನಾದರೂ ಹಿಡಿದುಕೊಳ್ಳಲು ಕಷ್ಟವಾಗುವುದು,ತುರಿಕೆ,ಕೈಗಳಲ್ಲಿ ನಿಶ್ಶಕ್ತಿ,ಸುಲಭವಾಗಿ ಕೈಯನ್ನು ಚಲಿಸಲು ಸಾಧ್ಯವಾಗದಿರುವುದು,ಜುಮ್ಮೆನ್ನುವ ಅನುಭವ ಇತ್ಯಾದಿಗಳು ಕಾರ್ಪಲ್ ಟನೆಲ್ ಸಿಂಡ್ರೋಮ್‌ನ ಲಕ್ಷಣಗಳಾಗಿವೆ. ಹೆಚ್ಚಿನ ಪ್ರಕರಣಗಳಲ್ಲಿ ಲಕ್ಷಣಗಳು ಕ್ರಮೇಣ ಮತ್ತು ಯಾವುದೇ ನಿರ್ದಿಷ್ಟ ಗಾಯವಿಲ್ಲದೆ ಆರಂಭಗೊಳ್ಳುತ್ತವೆ. ಹೆಚ್ಚಿನ ರೋಗಿಗಳಲ್ಲಿ ಮೊದಲ ಲಕ್ಷಣಗಳು ಅಪರೂಪವಾಗಿ ಗೋಚರಿಸುತ್ತವೆ. ಆದರೆ ಸ್ಥಿತಿ ಹೆಚ್ಚೆಚ್ಚು ಉಲ್ಬಣಗೊಳ್ಳುತ್ತಾ ಹೋದಂತೆ ಲಕ್ಷಣಗಳು ಆಗಾಗ್ಗೆ ಪ್ರಕಟಗೊಳ್ಳುತ್ತವೆ ಮತ್ತು ಸುದೀರ್ಘ ಅವಧಿಯವರೆಗೆ ಉಳಿದುಕೊಳ್ಳಬಹುದು. ಹೆಚ್ಚಿನ ಜನರು ನಿದ್ರಿಸುವಾಗ ಮಣಿಗಂಟು ಬಗ್ಗಿದ ಸ್ಥಿತಿಯಲ್ಲಿರುವುದರಿಂದ ರಾತ್ರಿ ಸಮಯದಲ್ಲಿ ಲಕ್ಷಣಗಳು ಕಾಣಿಸಿಕೊಳ್ಳುವುದು ಅತ್ಯಂತ ಸಾಮಾನ್ಯವಾಗಿದೆ ಮತ್ತು ನಿದ್ರೆಗೆ ತೊಂದರೆಯನ್ನುಂಟು ಮಾಡುತ್ತವೆ. ಆದರೆ ಹಗಲಿನಲ್ಲಿ ಏನಾದರೂ ವಸ್ತುವನ್ನು ತುಂಬಾ ಸಮಯ ಕೈಯಲ್ಲಿ ಹಿಡಿದುಕೊಂಡಿದ್ದರೆ ಮತ್ತು ಮಣಿಗಂಟನ್ನು ಪದೇ ಪದೇ ಹಿಂದಕ್ಕೆ ಅಥವಾ ಮುಂದಕ್ಕೆ ಬಗ್ಗಿಸುತ್ತಿದ್ದರೆ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ.

ಕಾರಣಗಳು

ಆನುವಂಶಿಕತೆ: ಕಾರ್ಪಲ್ ಟನೆಲ್ ಸಿಂಡ್ರೋಮ್ ಸೇರಿದಂತೆ ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಆನುವಂಶಿಕತೆ ಕಾರಣವಾಗಿರುತ್ತದೆ. ಕಾರ್ಪಲ್ ಟನೆಲ್‌ನ ವಿಶಿಷ್ಟತೆಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುತ್ತವೆ ಮತ್ತು ಕೆಲವರಲ್ಲಿ ಅದು ಸಣ್ಣ ಗಾತ್ರದಲ್ಲಿರಬಹುದು.

ಗರ್ಭಧಾರಣೆ: ಗರ್ಭಧಾರಣೆಯು ಕಾರ್ಪಲ್ ಟನೆಲ್ ಸಿಂಡ್ರೋಮ್‌ಗೆ ಇನ್ನೊಂದು ಕಾರಣವಾಗಿದೆ. ಗರ್ಭಿಣಿಯರಲ್ಲಿ ಹಲವಾರು ಹಾರ್ಮೋನ್ ಬದಲಾವಣೆಗಳು ಆಗುತ್ತಿರುತ್ತವೆ ಮತ್ತು ಇವು ಕೈಕಾಲುಗಳಲ್ಲಿ ಊತವನ್ನುಂಟು ಮಾಡಬಲ್ಲವು.

ಪದೇ ಪದೇ ಕೈಗಳ ಚಲನೆ: ಟೈಪಿಂಗ್ ಅಥವಾ ಮಣಿಗಂಟಿನ ಪದೇಪದೇ ಚಲನವಲನಗಳಾಗುವ ಕೆಲಸ ಕೂಡ ಕಾರ್ಪಲ್ ಟನೆಲ್ ಸಿಂಡ್ರೋಮ್‌ಗೆ ಕಾರಣವಾಗುತ್ತದೆ. ಒಂದೇ ಕೈಯನ್ನು ಮತ್ತು ಮಣಿಗಂಟನ್ನು ಪದೇ ಪದೇ ಚಲಿಸುತ್ತಿದ್ದರೆ ದೀರ್ಘಾವಧಿಯಲ್ಲಿ ಅದು ಮಣಿಗಂಟಿನ ಸ್ನಾಯುರಜ್ಜುಗಳ ಊತಕ್ಕೆ ಕಾರಣವಾಗುತ್ತದೆ ಮತ್ತು ನರದ ಮೇಲೆ ಹೆಚ್ಚುವರಿ ಒತ್ತಡವುಂಟಾಗುತ್ತದೆ.

ಕೆಲವು ಆರೋಗ್ಯ ಸಮಸ್ಯೆಗಳು: ಕೆಲವೊಮ್ಮೆ ಮಧುಮೇಹ,ರುಮಟಾಯ್ಡ್ ಸಂಧಿವಾತ,ಬೊಜ್ಜು ಮತ್ತು ಥೈರಾಯ್ಡ್ ಗ್ರಂಥಿ ಅಸಮತೋಲನದಂತಹ ಕೆಲವು ಆರೋಗ್ಯ ಸಮಸ್ಯೆಗಳು ಕಾರ್ಪಲ್ ಟನೆಲ್ ಸಿಂಡ್ರೋಮ್‌ಗೆ ಕಾರಣವಾಗುತ್ತವೆ.

ಕಾರ್ಪಲ್ ಟನೆಲ್ ಸಿಂಡ್ರೋಮ್‌ಗೆ ಸೂಕ್ತ ರೋಗನಿರ್ಧಾರ ಮತ್ತು ಚಿಕಿತ್ಸೆ ಅಗತ್ಯವಾಗುತ್ತವೆ. ವೈದ್ಯರು ಅಂಗೈ ತಪಾಸಣೆಯ ಜೊತೆಗೆ ಕಾರ್ಪಲ್ ಟನೆಲ್ ಸಿಂಡ್ರೋಮ್ ಅನ್ನು ಖಚಿತಪಡಿಸಿಕೊಳ್ಳಲು ಕ್ಷ-ಕಿರಣ,ಅಲ್ಟ್ರಾಸೌಂಡ್ ಮತ್ತು ಎಂಆರ್‌ಐ ಪರೀಕ್ಷೆಗಳನ್ನು ನಡೆಸಬಹುದು.

ಕಾರ್ಪಲ್ ಟನೆಲ್ ಸಿಂಡ್ರೋಮ್ ಬಗ್ಗೆ ಸೂಕ್ತ ಕಾಳಜಿ ವಹಿಸದಿದ್ದರೆ ಸ್ಥಿತಿಯು ಹದಗೆಡುತ್ತಲೇ ಹೋಗಬಹುದು. ಹೀಗಾಗಿ ಆರಂಭಿಕ ಹಂತದ ಲಕ್ಷಣಗಳು ಕಾಣಿಸಿಕೊಂಡ ತಕ್ಷಣ ವೈದ್ಯರನ್ನು ಭೇಟಿಯಾದರೆ ಕಾಯಿಲೆಯು ಬೆಳೆಯುವ ವೇಗವನ್ನು ತಗ್ಗಿಸಲು ಅಥವಾ ಬೆಳವಣಿಗೆಯನ್ನು ಸಂಪೂರ್ಣವಾಗಿ ನಿಲ್ಲಿಸಲು ಸಾಧ್ಯವಾಗುತ್ತದೆ ಮತ್ತು ಶಸ್ತ್ರಚಿಕಿತ್ಸೆ ಅಗತ್ಯವಾಗದಿರಬಹುದು.

ಯಾರಲ್ಲಿಯೂ ಈ ಸಮಸ್ಯೆಯು ಕಾಣಿಸಿಕೊಳ್ಳಬಹುದು,ಆದರೆ 20ರ ಪ್ರಾಯದ ಆಸುಪಾಸಿನಲ್ಲಿರುವವರು ತುಂಬಾ ಅಪರೂಪವಾಗಿ ಈ ತೊಂದರೆಯನ್ನು ಅನುಭವಿಸುತ್ತಾರೆ. ವ್ಯಕ್ತಿಗೆ ವಯಸ್ಸಾಗುತ್ತ ಹೋದಂತೆ ಕಾರ್ಪಲ್ ಟನೆಲ್ ಸಿಂಡ್ರೋಮ್ ಉಂಟಾಗುವ ಅಪಾಯವೂ ಹೆಚ್ಚುತ್ತ ಹೋಗುತ್ತದೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top