ಶಂಕಿತ ಡಿವೈಸ್ ಪತ್ತೆ; ಸಿಎನ್ ಎನ್ ಕಚೇರಿ ಸ್ಥಳಾಂತರ

ನ್ಯೂಯಾರ್ಕ್, ಅ.24: ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಮತ್ತು ಹಿಲರಿ ಕ್ಲಿಂಟನ್ ವಿಳಾಸಕ್ಕೆ ಕಳುಹಿಸಲಾಗಿದ್ದ ಸ್ಫೋಟಕಗಳನ್ನು ತಡೆಯಲಾಗಿದೆ ಮತ್ತು ಈ ಬಗ್ಗೆ ಈಗಾಗಲೇ ತನಿಖೆ ಆರಂಭಿಸಲಾಗಿದೆ ಎಂದು ಅಮೆರಿಕದ ಅಧಿಕಾರಿಗಳು ತಿಳಿಸಿದ್ದಾರೆ.

ಇಷ್ಟೇ ಅಲ್ಲದೆ ಸಿಎನ್ ಎನ್ ನ್ಯೂಯಾರ್ಕ್ ಸಿಟಿ ಬ್ಯೂರೋದಲ್ಲೂ ‘ಶಂಕಿತ ಡಿವೈಸ್'ಗಳು ಪತ್ತೆಯಾಗಿದ್ದು, ಕಚೇರಿಯನ್ನು ಖಾಲಿ ಮಾಡಲಾಗಿದೆ. ಒಂದು ಸ್ಫೋಟಕವು ಹಿಲರಿ ಕ್ಲಿಂಟನ್ ಮತ್ತು ಬಿಲ್ ಕ್ಲಿಂಟನ್ ರಿಗೆ ಕಳುಹಿಸಲಾಗಿತ್ತು.