ಖಶೋಗಿ ಹತ್ಯೆ ಆರೋಪಿಗಳಿಗೆ ಮರಣದಂಡನೆ ನೀಡಿದರೆ ಸತ್ಯ ಹೊರಬರದು: ಗೆಳತಿ ಹಾತಿಸ್ | Vartha Bharati- ವಾರ್ತಾ ಭಾರತಿ

--

ಖಶೋಗಿ ಹತ್ಯೆ ಆರೋಪಿಗಳಿಗೆ ಮರಣದಂಡನೆ ನೀಡಿದರೆ ಸತ್ಯ ಹೊರಬರದು: ಗೆಳತಿ ಹಾತಿಸ್

ಅಂಕಾರ (ಟರ್ಕಿ), ಡಿ. 25: ಸೌದಿ ಅರೇಬಿಯದ ಭಿನ್ನಮತೀಯ ಪತ್ರಕರ್ತ ಜಮಾಲ್ ಖಶೋಗಿ ಹತ್ಯೆಗೆ ಸಂಬಂಧಿಸಿ ಸೌದಿ ಅರೇಬಿಯದ ನ್ಯಾಯಾಲಯವೊಂದು ಐವರಿಗೆ ಮರಣ ದಂಡನೆ ವಿಧಿಸಿರುವುದು ಅನ್ಯಾಯ ಮತ್ತು ಸರಿಯಲ್ಲ ಎಂದು ಖಶೋಗಿಯ ಗೆಳತಿ ಹಾತಿಸ್ ಸೆಂಗಿಝ್ ಹೇಳಿದ್ದಾರೆ. ಅವರನ್ನು ಕೊಂದರೆ ಸತ್ಯವನ್ನು ಮತ್ತಷ್ಟು ಅಡಗಿಸಿಟ್ಟಂತಾಗುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಹಾತಿಸ್ ಸೆಂಗಿಝ್‌ ರನ್ನು ಮದುವೆಯಾಗುವುದಕ್ಕಾಗಿ ತನ್ನ ದಾಖಲೆಪತ್ರಗಳನ್ನು ತರಲು ಖಶೋಗಿ 2018 ಅಕ್ಟೋಬರ್ 2ರಂದು ಟರ್ಕಿ ದೇಶದ ಇಸ್ತಾಂಬುಲ್‌ನಲ್ಲಿರುವ ಕೌನ್ಸುಲೇಟ್ ಕಚೇರಿಗೆ ಹೋಗಿದ್ದರು. ಆದರೆ, ಅವರು ಕಚೇರಿಯಿಂದ ಹೊರಬರಲಿಲ್ಲ. ಅವರು ಕೊಲೆಯಾಗಿದ್ದಾರೆ ಎನ್ನುವುದನ್ನು ಸೌದಿ ಅರೇಬಿಯ ಆರಂಭದಲ್ಲಿ ಒಪ್ಪಿರಲಿಲ್ಲ. ಆದರೆ, ಟರ್ಕಿಯು ಹಲವಾರು ದಾಖಲೆಗಳನ್ನು ಬಹಿರಂಗಪಡಿಸಿದ ಬಳಿಕ ಅನಿವಾರ್ಯವಾಗಿ ಸೌದಿ ಅರೇಬಿಯವು ಖಶೋಗಿ ಕೊಲೆಯಾಗಿರುವುದನ್ನು ಒಪ್ಪಿಕೊಂಡಿತು.

ಅವರ ದೇಹವನ್ನು ಚೂರು ಚೂರಾಗಿ ಕತ್ತರಿಸಿ ಕೌನ್ಸುಲೇಟ್ ಕಚೇರಿಯಿಂದ ಹೊರಗೆ ಸಾಗಿಸಲಾಗಿದೆ ಎನ್ನಲಾಗಿದೆ. ಅವರ ಮೃತದೇಹ ಪತ್ತೆಯಾಗಲೇ ಇಲ್ಲ.

ಕೊಲೆಗೆ ಸಂಬಂಧಿಸಿ ಸೌದಿಯ ನ್ಯಾಯಾಲಯವೊಂದು ಸೋಮವಾರ ಐವರಿಗೆ ಮರಣ ದಂಡನೆ ಮತ್ತು ಮೂವರಿಗೆ ಸೆರೆಮನೆವಾಸ ಶಿಕ್ಷೆ ವಿಧಿಸಿದೆ. ಮೂವರನ್ನು ದೋಷಮುಕ್ತಗೊಳಿಸಿದೆ.

ಹತ್ಯೆಗೆ ಆದೇಶ ನೀಡಿರಬಹುದಾದ ಹಿರಿಯ ಅಧಿಕಾರಿಗಳನ್ನು ದೋಷಮುಕ್ತಗೊಳಿಸಿರುವುದು ‘ನ್ಯಾಯದ ಅಣಕ’ ಎಂಬುದಾಗಿ ವಿಶ್ವಸಂಸ್ಥೆಯ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಯಾಕೆ ಕೊಂದರು ಎಂದು ನ್ಯಾಯಾಲಯ ಹೇಳಿಲ್ಲ

ಶಿಕ್ಷೆಗೆ ಗುರಿಯಾದವರು ಖಶೋಗಿಯನ್ನು ಯಾಕೆ ಕೊಂದರು ಎನ್ನುವುದನ್ನು ನ್ಯಾಯಾಲಯ ತಿಳಿಸಿಲ್ಲ ಎಂದು ಮಂಗಳವಾರ ಬಿಡುಗಡೆ ಮಾಡಿದ ಹೇಳಿಕೆಯೊಂದರಲ್ಲಿ ತಿಳಿಸಿದ ಹಾತಿಸ್, ವಿಚಾರಣೆಯನ್ನು ರಹಸ್ಯವಾಗಿ ನಡೆಸಲಾಗಿತ್ತು ಎಂದರು.

‘‘ಏನೂ ಮಾತನಾಡಲು ಅವಕಾಶ ನೀಡದೆ ಅವರನ್ನು ಗಲ್ಲಿಗೇರಿಸಿದರೆ, ಈ ಕೊಲೆಯ ಹಿಂದಿನ ಸತ್ಯವನ್ನು ನಾವು ಯಾವತ್ತೂ ತಿಳಿಯುವುದಿಲ್ಲ’’ ಎಂದು ಅವರು ಹೇಳಿದರು.

‘‘ಈ ರೀತಿಯ ನ್ಯಾಯಾಂಗ ಕಲಾಪವನ್ನು ಖಂಡಿಸುವಂತೆ ನಾನು ಜಗತ್ತಿನ ಪ್ರತಿಯೊಂದು ಪ್ರಾಧಿಕಾರವನ್ನು ಒತ್ತಾಯಿಸುತ್ತೇನೆ ಹಾಗೂ ಯಾವುದೇ ಮರಣ ದಂಡನೆಯನ್ನು ತಡೆಯಲು ತಕ್ಷಣ ಮಧ್ಯ ಪ್ರವೇಶಿಸುವಂತೆ ಕೋರುತ್ತೇನೆ. ಯಾಕೆಂದರೆ, ಇದು ಸತ್ಯವನ್ನು ಮುಚ್ಚಿ ಹಾಕುವ ನಿಟ್ಟಿನಲ್ಲಿ ಇಡಲಾಗುತ್ತಿರುವ ಇನ್ನೊಂದು ಹೆಜ್ಜೆಯಾಗಿದೆ’’ ಎಂದರು.

ವಿಚಾರಣೆಯೇ ಪ್ರಹಸನ: ಟರ್ಕಿ

ಸೌದಿ ಪತ್ರಕರ್ತ ಜಮಾಲ್ ಖಶೋಗಿ ಕೊಲೆ ಪ್ರಕರಣದ ವಿಚಾರಣೆಯ ಫಲಿತಾಂಶವು ಅಂಗೀಕೃತ ಮಟ್ಟದಿಂದ ತುಂಬಾ ಕೆಳಗಿದೆ ಎಂದು ಟರ್ಕಿ ಸೋಮವಾರ ಹೇಳಿದೆ.

ಸೌದಿ ಅರೇಬಿಯ ನ್ಯಾಯಾಲಯದ ಈ ತೀರ್ಪು ಸ್ವಸ್ಥ ಮನಸ್ಸಿನ ಯಾವುದೇ ವೀಕ್ಷಕನ ಬುದ್ಧಿಮತ್ತೆಗೆ ಮಾಡಿದ ಅವಮಾನವಾಗಿದೆ ಎಂದು ಟರ್ಕಿಯ ಸಂಪರ್ಕ ನಿರ್ದೇಶಕ ಫಹ್ರೆತ್ತೀನ್ ಅಲ್ತೂನ್ ಮಂಗಳವಾರ ಹೇಳಿದ್ದಾರೆ.

‘‘ಖಶೋಗಿ ಪ್ರಕರಣದಲ್ಲಿ ನಿಜವಾದ ಉತ್ತರದಾಯಿತ್ವ ನಿಗದಿಯಾಗುವವರೆಗೆ, ಅಂತರ್‌ರಾಷ್ಟ್ರೀಯ ಮಾಧ್ಯಮಗಳು ಪ್ರಕರಣದ ಬೆನ್ನು ಬೀಳಬೇಕು. ಹತ್ಯೆಗೆ ಕಾರಣರಾದವರು ಈಗಲ್ಲದಿದ್ದರೆ ಮುಂದೆಯಾದರೂ ನ್ಯಾಯವನ್ನು ಎದುರಿಸಲೇ ಬೇಕು’’ ಎಂದು ಅಲ್ತೂನ್ ಟ್ವಿಟರ್‌ನಲ್ಲಿ ಬರೆದಿದ್ದಾರೆ.

‘‘ಪ್ರಕರಣದ ವಿಚಾರಣೆಯು ಪ್ರಹಸನವಾಗಿತ್ತು’’ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

 

‘ವಾರ್ತಾ ಭಾರತಿ’ ನಿಮಗೆ ಆಪ್ತವೇ ? ಇದರ ಸುದ್ದಿಗಳು ಮತ್ತು ವಿಚಾರಗಳು ಎಲ್ಲರಿಗೆ ಉಚಿತವಾಗಿ ತಲುಪುತ್ತಿರಬೇಕೇ? 

ಬೆಂಬಲಿಸಲು ಇಲ್ಲಿ  ಕ್ಲಿಕ್ ಮಾಡಿ

The views expressed in comments published on www.varthabharati.in are those of the comment writers alone. They do not represent the views or opinions of varthabharati.in or its staff, nor do they represent the views or opinions of  Vartha Bharati Group, or any entity of, or affiliated with, Vartha Bharati Group. varthabharati.in reserves the right to take any or all comments down at any time.
 

Refrain from posting comments that are obscene, defamatory or inflammatory, and do not indulge in personal attacks, name calling or inciting hatred against any community. It is obligatory on www.varthabharati.in to provide the IP address and other details of senders of such comments, to the authority concerned upon request. 

Help us delete comments that do not follow these guidelines by informing us (vbwebdesk@gmail.com). Let's work together to keep the conversation civil. 

www.varthabharati.in ನ ಕಮೆಂಟ್ ವಿಭಾಗದಲ್ಲಿ ಪ್ರಕಟವಾಗುವ ಅಭಿಪ್ರಾಯಗಳು ಆ ಕಮೆಂಟ್ ಬರೆದವರ ವೈಯಕ್ತಿಕ ಅಭಿಪ್ರಾಯ ಮಾತ್ರ. ಅವು  www.varthabharati.in ನ ಅಥವಾ ಅದರ ಸಿಬ್ಬಂದಿಯ, ಅಥವಾ 'ವಾರ್ತಾ ಭಾರತಿ' ಬಳಗಕ್ಕೆ ಸೇರಿದ ಯಾರದ್ದೇ ಅಭಿಪ್ರಾಯಗಳಲ್ಲ. ಈ ಕಮೆಂಟ್ ಗಳನ್ನು ಯಾವುದೇ ಸಂದರ್ಭದಲ್ಲಿ ತೆಗೆದುಹಾಕುವ ಹಕ್ಕನ್ನು  ' ವಾರ್ತಾ ಭಾರತಿ' ಕಾದಿರಿಸಿದೆ. 

ಅಶ್ಲೀಲ, ಮಾನಹಾನಿಕರ ಅಥವಾ ಪ್ರಚೋದನಕಾರಿ ಕಮೆಂಟ್ ಗಳನ್ನು ಹಾಗು ಯಾವುದೇ ವ್ಯಕ್ತಿ, ಸಂಸ್ಥೆ , ಸಮುದಾಯಗಳ ವಿರುದ್ಧ ಹಿಂಸೆ ಪ್ರಚೋದಿಸುವಂತಹ ಕಮೆಂಟ್ ಗಳನ್ನು ಹಾಕಬೇಡಿ. ಅಂತಹ ಕಮೆಂಟ್ ಹಾಕಿದವರ ಐಪಿ ಅಡ್ರೆಸ್ ಹಾಗು ಇತರ ವಿವರಗಳನ್ನು ಸಂಬಂಧಪಟ್ಟ ಅಧಿಕಾರಿಗಳು ಕೇಳಿದಾಗ  ನೀಡುವುದು 'ವಾರ್ತಾ ಭಾರತಿ' ಗೆ ಕಡ್ದಾ ಯವಾಗಿರುತ್ತದೆ.  ಆ ರೀತಿಯ ಯಾವುದೇ ಕಮೆಂಟ್ ಗಳು ಕಂಡು ಬಂದಲ್ಲಿ ಕೂಡಲೇ ನಮಗೆ ತಿಳಿಸಿ (vbwebdesk@gmail.com) ಅದನ್ನು ತೆಗೆದು ಹಾಕಲು ನೇರವಾಗಿ. ಆರೋಗ್ಯಕರ ಚರ್ಚೆಗೆ ಸಹಕರಿಸಿ.

Back to Top